Jeremias 27:14 - Ang Pulong sa Dios

¹⁴ Ayaw kamo paminaw sa mga propeta nga nag-ingon nga dili kamo sakopon sa hari sa Babilonia, kay bakak ang ilang gisulti kaninyo.

Ang Biblia 2011

¹⁴ Ayaw kamo pamati sa mga pulong sa mga propeta nga magsulti kaninyo, ‘Dili kamo mag-alagad sa hari sa Babilonia,’ kay bakak ang ilang gipropesiya kaninyo.

Maayong Balita Biblia

¹⁴ Ayaw kamo padani sa mga propeta nga magtambag kaninyo sa dili pag-alagad sa hari sa Babilonia kay gilimbongan lamang kamo nila.

Ang Bag-ong Maayong Balita Biblia

¹⁴ Ayaw kamo padani sa mga propeta nga magtambag kaninyo sa dili pag-alagad sa hari sa Babilonia kay gilimbongan lamang kamo nila.

Jeremias 27:14 Cross References

Jeremias 14:14

Mitubag ang  Ginoo, “Kadto nga mga propeta nanagna ug bakak ginamit ang akong ngalan. Wala ko sila ipadala o sugoa, ug wala ako makigsulti kanila. Ang gisaysay nila kaninyo nga mga panan-awon wala maggikan kanako. Ang ilang mga panagna mini ug walay hinungdan; bunga lang kini sa ilang malimbongon nga mga huna-huna.

Jeremias 23:21

Wala ko gipadala kini nga mga propeta, apan nagdali sila sa paglakaw. Wala ako makigsulti kanila, apan nanagna sila.

Jeremias 23:25

“Nadungog ko ang bakak nga gipanulti sa mga propeta sa akong ngalan. Nag-ingon sila, ‘Gihatagan kami sa Ginoo ug mensahe pinaagi sa damgo!’

Jeremias 28:15

Unya miingon si Propeta Jeremias kang Propeta Hanania, “Pamati, Hanania! Ang Ginoo wala magpadala kanimo! Gipatuo mo ug bakak kining mga tawhana.

Jeremias 37:19

Hain na man ang inyong mga propeta nga nanagna nga dili ka o kining siyudad sulongon sa hari sa Babilonia?

Jeremias 38:22

Ang tanang mga babaye nga nahibilin sa imong palasyo dad-on ngadto sa mga opisyal sa hari sa Babilonia. Moingon kining mga babaye kanimo, ‘Gitunto ka lang sa imong suod nga mga higala. Karon nga nalubong sa lapok ang imong mga tiil, gibiyaan ka na nila.’

Mga Pagbangotan 2:14

Ang mga mensahe sa imong mga propeta dili tinuod, walay pulos ug nagpahisalaag lang kanimo. Wala nila ipadayag ang imong mga sala aron dili ka unta mabihag.

Miqueas 2:11

Ang gusto ninyo nga magwawali mao kadtong limbongan ug bakakon, ug magwali ug ingon niini: ‘Moabunda ang inyong bino ug ang uban pang mga ilimnon.’

Zacarias 10:2

Sa pagkatinuod, dili matuohan ang mga dios-dios ug ang mga manalagna. Naghatag sila ug sayop nga kahulogan sa mga damgo. Walay pulos ang ilang mga pulong sa pagdasig. Busa naglatagaw ang katawhan sa Israel sama sa karnero. Nag-antos sila tungod kay wala silay pangulo.

Mateo 7:15

“Pagbantay kamo sa mga mini nga propeta. Moduol sila kaninyo sama sa anad nga karnero, apan ang tinuod sama sila sa mabangis nga mga mananap.

Mga Taga-Filipos 3:2

Pagbantay kamo sa mga mamugos nga magpatuli kamo. Sama sila sa mga iro, mga tawo nga nagbuhat ug daotan.

1 Juan 4:1

Mga hinigugma, ayaw kamo pagtuo dayon sa mga tawo nga moingon nga ang ilang gitudlo gikan sa Espiritu Santo, kondili susiha una ninyo kon tinuod ba nga ang ilang gitudlo gikan gayod sa Dios. Kay daghan nang mga mini nga propeta ang midagsang sa kalibotan.