Jeremias 24:1 - Ang Pulong sa Dios

¹ Gibihag ni Nebucadnezar nga hari sa Babilonia si Haring Jehoyakin, nga anak ni Jehoyakim. Gidala si Jehoyakin sa Babilonia apil ang iyang mga opisyal ug mga hanas nga panday ug mga trabahante. Human niining hitaboa, adunay gipakita ang  Ginoo kanako nga panan-awon. Sa maong panan-awon nakita nako ang duha ka basket nga bunga sa igera atubangan sa Templo sa Ginoo.

Ang Biblia 2011

¹ Human bihaga ni Nabucodonosor nga hari sa Babilonia si Jeconias nga anak ni Jehoiakim, hari sa Juda gikan sa Jerusalem lakip ang mga pangulo sa Juda, ang mga batid sa pagpamuhat ug ang mga tigsalsal, ug gidala sila ngadto sa Babilonia, ang Ginoo nagpakita kanako niini nga panan-awon: Dihay duha ka bukag nga igos nga gibutang sa atubangan sa Templo sa Ginoo.

Maayong Balita Biblia

¹ Gipakita sa Ginoo kanako pinaagi sa panan-awon ang duha ka basket nga bunga sa igera diha sa atubangan sa Templo. (Nahitabo kini human bihaga ni Hari Nabucodonosor gikan sa Jerusalem ngadto sa Babilonia ang anak ni Joakim nga si Joaquin, ang hari sa Juda, lakip ang mga pangulo sa Juda, ang mga hanas nga manghimo sa nagkalainlaing butang ug ang mga batid nga trabahador.)

Ang Bag-ong Maayong Balita Biblia

¹ Gipakita sa Ginoo kanako pinaagi sa panan-awon ang duha ka basket nga bunga sa igera diha sa atubangan sa Templo. (Nahitabo kini human bihaga ni Hari Nabucodonosor gikan sa Jerusalem ngadto sa Babilonia ang anak ni Joakim nga si Joaquin, ang hari sa Juda, lakip ang mga pangulo sa Juda, ang mga hanas nga manghimo sa nagkalainlaing butang ug ang mga batid nga trabahador.)

Jeremias 24:1 Cross References

2 Mga Hari 24:10

Sa panahon sa iyang paghari, ang mga opisyal ni Nebucadnezar nga hari sa Babilonia misulong sa Jerusalem, ug gilibotan nila kini.

2 Cronicas 36:10

Sa unang bulan sa tuig, gipakuha ni Nebucadnezar si Jehoyakin ug gipadala sa Babilonia uban sa mga mahalong kabtangan gikan sa Templo sa Ginoo, ug gihimo niyang hari sa Jerusalem ug sa ubang bahin sa Juda ang uyoan ni Jehoyakin nga si Zedekia.

Isaias 13:1

Mao kini ang mensahe bahin sa Babilonia nga gipadayag sa Ginoo kang Isaias nga anak ni Amos:

Jeremias 13:19

Sirad-an na ang mga ganghaan sa mga lungsod sa Negev, ug wala nay moabli niini. Bihagon ang tanang katawhan sa Juda.

Jeremias 27:20

Kini nga mga kagamitan wala dad-a ni Nebucadnezar nga hari sa Babilonia sa dihang gibihag niya gikan sa Jerusalem si Jehoyakin nga hari sa Juda nga anak ni Jehoyakim, uban sa tanang dungganong tawo sa Jerusalem ug sa ubang bahin sa Juda.

Jeremias 28:4

Pabalikon ko usab dinhi si Jehoyakin sa Juda nga anak ni Jehoyakim, ug ang tanang taga-Juda nga gibihag ngadto sa Babilonia, kay kuhaan ko na ug gahom ang hari sa Babilonia. Ako, ang  Ginoo, ang nag-ingon niini.”

Jeremias 29:1

Gikan sa Jerusalem, nagsulat si Jeremias alang sa mga tigdumala, mga pari, mga propeta, ug sa uban pa nga gipangbihag ni Nebucadnezar ngadto sa Babilonia.

Jeremias 29:2

Gisulat niya kini human mabihag si Haring Jehoyakin, ang iyang inahan nga rayna, ang mga opisyal sa palasyo, ang mga tigdumala sa Jerusalem ug sa ubang bahin sa Juda, ug ang hanas nga mga panday ug mga trabahante.

Jeremias 37:1

Si Zedekia nga anak ni Josia gihimo ni Nebucadnezar nga hari sa Babilonia ingon nga hari sa Juda puli kang Jehoyakin nga anak ni Jehoyakim.

Ezequiel 17:4

ug giputol niini ang udlot sa kinatumyan nga sanga. Unya gidala niya kini sa dapit sa mga negosyante ug gitanom didto.

Ezequiel 19:9

Gikaw-itan nila siya ug gisulod sa hawla, ug gidala ngadto sa hari sa Babilonia. Gikulong nila siya aron dili na madunggan sa kabukiran sa Israel ang iyang pagngulob.

Amos 3:7

Sa pagkatinuod, dili mohimo ang Ginoong Dios ug bisan unsa kon dili una niya kini ikapadayag sa iyang mga alagad nga propeta.

Amos 7:1

Adunay panan-awon nga gipakita ang Ginoong Dios kanako: Nakita ko nga nagtigom siya ug daghan kaayong mga dulon. Nahitabo kini human magarab ang mga kumpay nga alang sa mga kabayo sa hari, ug sa dihang nagsugod na ang ikaduhang ani.

Amos 7:4

Unya gipakita sa Ginoong Dios kanako kini nga panan-awon: Nakita ko nga nangandam ang Ginoong Dios sa pagsilot sa iyang mga katawhan pinaagi sa kalayo. Gilamoy sa kalayo ang tubig sa mga tinubdan sa ilalom sa yuta ug ang kaumahan sa yuta sa Israel.

Amos 7:7

Adunay panan-awon na usab nga gipakita ang Ginoong Dios kanako: Nakita ko ang Ginoo nga nagtindog duol sa paril ug aduna siyay gikuptan nga tunton.

Zacarias 1:20

Unya ang  Ginoo mipakita kanako sa upat ka mga panday.

Zacarias 3:1

Unya gipakita sa Ginoo kanako ang pangulong pari nga si Josue nga nagtindog atubangan sa anghel sa Ginoo. Nagtindog dapit sa iyang tuo si Satanas nga andam sa pag-akusar kaniya.