Jeremias 23:12 - Ang Pulong sa Dios

¹² Busa mahimong danlog ug ngitngit ang ilang dalan. Magkapandol-pandol ug mangasukamod sila kay padad-an ko silag kalaglagan sa panahon nga silotan ko sila. Ako, ang  Ginoo, ang nag-ingon niini.

Ang Biblia 2011

¹² Busa ang ilang dalan alang kanila mahimong mga agianan nga danglog diha sa kangitngitan, nga diha niini sila abogon ug mangahulog; kay magpadala ako kanila ug kadaot sa tuig sa pagsilot kanila, nag-ingon ang Ginoo.

Maayong Balita Biblia

¹² Danglog ug mangitngit ang dalan nga ilang pagasubayon; ug didto palukapahon ko sila. Pahiagomon ko sila sa katalagman sa panahon nga silotan sila. Ako, ang Ginoo, maoy nag-ingon niini.

Ang Bag-ong Maayong Balita Biblia

¹² Danglog ug mangitngit ang dalan nga ilang pagasubayon; ug didto palukapahon ko sila. Pahiagomon ko sila sa katalagman sa panahon nga silotan sila. Ako, ang Ginoo, maoy nag-ingon niini.

Jeremias 23:12 Cross References

Job 18:18

Abugon siya gikan niining kalibotan nga mahayag paingon sa mangitngit nga dapit sa mga patay.

Salmo 35:6

Mongitngit unta ug modanlog ang ilang mga agianan sa dihang gukdon sila sa imong anghel.

Salmo 73:18

Tinuod gayod nga gibutang mo sila sa walay kasigurohan nga kahimtang, ug laglagon mo sila.

Salmo 82:5

“Wala silay nahibaloan. Dili sila makasabot. Daw nagkinabuhi sila sa kangitngit, ug walay kalig-onan ang ilang kinabuhi.

Exodo 32:34

Lakaw, ug pangulohi ang mga tawo paingon sa dapit nga giingon ko kanimo, ug mag-una kaninyo ang akong anghel. Apan moabot ang panahon nga silotan ko sila tungod sa ilang sala.”

Mga Panultihon 4:19

Apan ang pagkinabuhi sa mga daotan daw sama sa kangitngit, ug wala sila masayod kon unsa ang hinungdan sa ilang pagkalaglag.

Isaias 8:22

o motan-aw sa yuta, wala silay makita kondili kalisod ug kangitngit. Ug itambog sila didto sa makahahadlok nga kangitngit.

Jeremias 11:23

Wala gayoy mahibiling buhi sa mga taga-Anatot, kay padad-an ko sila ug katalagman sa panahon nga silotan ko sila.”

Jeremias 13:16

Pasidunggi ninyo ang  Ginoo nga inyong Dios sa dili pa niya ipadala ang kangitngit, ug sa dili pa kamo mapandol sa mangitngit nga mga bukid. Ang kahayag nga inyong gilaoman himuon niyang labihan kangitngit.

Jeremias 48:44

Ang moikyas sa kalisang mahulog sa bung-aw. Ang makagawas sa bung-aw, malit-agan, kay silotan ko gayod ang Moab sa gitakda nga panahon. Ako, ang  Ginoo, ang nag-ingon niini.

Jeremias 50:27

Pamatya ninyo ang tanan nilang mga sundalo nga pareho sa nating torong baka. Alaot sila kay miabot na ang panahon nga silotan sila.

Jeremias 8:12

Naulaw ba sila sa ilang mangil-ad nga mga batasan? Wala! Kay wala na silay ulaw! Dili man lang gani mahilaw ang ilang mga dagway. Busa ipaubos sila sa panahon nga sila silotan. Ako, ang  Ginoo, nag-ingon nga mangalaglag sila sama sa uban.

Mga Pagbangotan 2:20

O Ginoo, tan-awa kami! Huna-hunaa kon kinsay imong gipaantos ug sama niini. Makatarunganon ba nga tungod sa labihan nga kagutom, kaonon sa mga inahan ang ilang hinigugma nga mga anak? Makatarunganon ba nga pamatyon ang mga pari ug mga propeta sa imong Templo?

Miqueas 7:4

Ang labing matarong kanila sama sa tunokong mga sagbot nga walay kapuslanan. Miabot na ang panahon nga silotan sa Dios kining mga tawhana sama sa iyang gipahimangno kanila pinaagi sa mga tigbantay nga propeta. Busa karon magkaguliyang sila.

Juan 12:35

Gitubag sila ni Jesus, “Hapit nang mawala ang suga diha sa inyong taliwala. Busa samtang ania pa kini pagkinabuhi kamo diha niini nga suga, kay basin kon maabtan kamo sa kangitngit. Kay ang naglakaw diha sa kangitngit dili makahibalo kon asa siya nagpadulong.

Deuteronomio 32:35

Manimalos ang Ginoo ug magsilot kanila, kay moabot ang panahon nga madakin-as gayod sila. Hapit na moabot ang ilang kalaglagan.”

1 Juan 2:11

Apan ang tawo nga wala naghigugma sa iyang igsoon anaa sa kangitngit. Naglakaw siya sa kangitngit ug wala masayod kon asa siya padulong, kay gibutaan siya sa kangitngit.

Judas 1:13

Sama sila sa kusog nga balod, ug ingon nga makita ang bula nga mogawas sa mga balod, makita usab ang ilang mga makauulaw nga binuhatan. Sama sila sa mga bitoon nga nahisalaag. Busa adunay lugar nga mangitngit kaayo nga gitagana alang kanila. Ug didto sila sa walay kataposan.