Jeremias 22:9 - Ang Pulong sa Dios

⁹ Ang mahimong tubag mao kini: ‘Tungod kay gisalikway nila ang kasabotan sa Ginoo nga ilang Dios, ug nagsimba sila ug nag-alagad sa ubang mga dios.’ ”

Ang Biblia 2011

⁹ Unya sila motubag, “Tungod kay sila misalikway sa kasabotan sa Ginoo nga ilang Dios ug nagsimba sa laing mga dios ug nag-alagad kanila.” ’ ”

Maayong Balita Biblia

⁹ Unya motubag sila, ‘Gibuhat kini sa Ginoo tungod kay gisalikway man nila ang kasabotan tali kaniya nga ilang Dios ug nagsimba ug nag-alagad na hinuon sila sa ubang mga diosdios.’”

Ang Bag-ong Maayong Balita Biblia

⁹ Unya motubag sila, ‘Gibuhat kini sa Ginoo tungod kay gisalikway man nila ang kasabotan tali kaniya nga ilang Dios ug nagsimba ug nag-alagad na hinuon sila sa ubang mga diosdios.’”

Jeremias 22:9 Cross References

1 Mga Hari 9:8

Ug bisan nindot ug gibantog kining Temploha, gub-on ko kini. Makurat ug matingala gayod ang tanang molabay dinhi, ug mobiay-biay sila nga nag-ingon, ‘Nganong gihimo man kini sa Ginoo niining yutaa ug niining Temploha?’

2 Mga Hari 22:17

Ipakita ko gayod ang akong kasuko niining lugara, ug dili kini mahupay kay gisalikway ako sa akong katawhan ug nagsimba sila sa ubang mga dios. Gipalagot gayod nila ako sa ilang gipanghimo.’

2 Cronicas 34:25

Ipahamtang ko gayod ang akong kasuko niining dapita ug dili kini mapugngan, kay gisalikway ako sa akong katawhan ug nagsimba sila sa uban nga mga dios. Gipalagot gayod nila ako sa ilang mga gihimo.’

Jeremias 11:10

Mibalik na usab sila sa paghimo sa mga sala nga gihimo sa ilang mga katigulangan kaniadto, nga dili gayod maminaw sa akong mga pulong. Nagsimba sila sa ubang mga dios. Managsamang gilapas sa katawhan sa Israel ug sa Juda ang kasabotan nga gihimo ko ngadto sa ilang mga katigulangan.

Jeremias 11:3

Ingna sila nga ako, ang  Ginoo, nga Dios sa Israel, nag-ingon nga tunglohon ko ang tawo nga dili motuman sa lagda niini nga kasabotan.

Jeremias 16:11

Ingna sila nga mao kini ang akong tubag: Gihimo ko kini kay gisalikway ako sa inyong mga katigulangan. Nag-alagad sila ug nagsimba sa ubang mga dios. Gisalikway nila ako ug wala nila tumana ang akong balaod.

Jeremias 50:7

Atakihon sila sa makakita kanila. Moingon ang ilang mga kaaway, ‘Nakasala sila sa Ginoo nga maoy ilang tinuod nga tig-atiman ug ang paglaom sa ilang mga katigulangan, busa wala kitay tulubagon sa atong pag-ataki kanila.’

Jeremias 9:13

Mitubag ang  Ginoo, “Nahitabo kini kay wala nila tumana ang balaod nga akong gihatag kanila. Wala sila mamati kanako o motuman sa akong balaod.

Ezequiel 12:16

Apan tugotan ko ang pipila kanila nga makalingkawas sa gubat, sa kagutom, ug sa mga balatian aron isugilon nila ngadto sa mga nasod nga ilang adtoan ang ilang mangil-ad nga mga buhat. Unya mahibaloan nila nga ako mao ang  Ginoo.”

Ezequiel 14:23

Mawala ang kalain sa inyong buot kon makita ninyo ang ilang gawi ug ang ilang mga binuhatan, ug masabtan ninyo nga adunay hinungdan ngano nga gihimo ko kadto sa Jerusalem. Ako, ang Ginoong Dios, ang nag-ingon niini.”

Ezequiel 39:23

Mahibaloan usab sa uban nga mga nasod nga gibihag ang katawhan sa Israel tungod sa ilang mga sala, kay wala sila misunod kanako. Gitalikdan ko sila ug gipasagdan nga sulongon sa ilang mga kaaway ug pamatyon.

Ezequiel 5:15

Tamayon, bugal-bugalan, ug kangilngigan kamo sa mga nasod sa inyong palibot. Mahimo kamo nga pahimangno alang kanila sa higayon nga silotan ko kamo sa akong labihang kasuko. Ako, ang  Ginoo, ang nag-ingon niini.

Deuteronomio 29:24

Unya mangutana ang tanang nasod, ‘Nganong gihimo kini sa Ginoo sa ilang nasod? Nganong labihan gayod ang iyang kasuko?’