Jeremias 22:8 - Ang Pulong sa Dios

⁸ “Ang mga tawo nga gikan sa nagkalain-laing mga nasod nga molabay niini nga siyudad magpangutan-anay sa usag usa, ‘Ngano kaha nga gihimo kini sa Ginoo niining bantogan nga siyudad?’

Ang Biblia 2011

⁸ “ ‘Ug daghang mga nasod nga moagi niining siyudara, ug ang matag tawo moingon sa iyang isigkatawo, “Nganong gibuhat man sa Ginoo ang ingon niini nganhi niining dakong siyudad?”

Maayong Balita Biblia

⁸ “Unya ang mga langyaw nga moagi dinhi magpangutan-anay ngano nga ako, ang Ginoo, nagbuhat man sa ingon ngadto niining bantogang siyudad.

Ang Bag-ong Maayong Balita Biblia

⁸ “Unya ang mga langyaw nga moagi dinhi magpangutan-anay ngano nga ako, ang Ginoo, nagbuhat man sa ingon ngadto niining bantogang siyudad.

Jeremias 22:8 Cross References

Jeremias 16:10

“Kon isulti mo kini sa mga tawo, mangutana sila, ‘Unsay sala nga nahimo namo ngadto sa Ginoo nga atong Dios nga gipasidan-an man kami niya nga adunay moabot kanamo nga dakong katalagman?’

Jeremias 40:2

Sa dihang nakita ni Nebuzaradan si Jeremias, miingon siya kang Jeremias, “Ang Ginoo nga imong Dios nag-ingon nga laglagon niya ang Jerusalem.

Jeremias 40:3

Ug karon nahitabo na kini; gihimo gayod sa Ginoo ang iyang gisulti. Nahitabo kining tanan kaninyo kay nagpakasala kamo batok sa Ginoo ug wala kamo motuman kaniya.

Mga Pagbangotan 4:12

Dili makatuo ang mga hari sa tibuok kalibotan ug ang ilang mga katawhan nga makasulod ang mga kaaway sa mga ganghaan sa Jerusalem.

Ezequiel 12:16

Apan tugotan ko ang pipila kanila nga makalingkawas sa gubat, sa kagutom, ug sa mga balatian aron isugilon nila ngadto sa mga nasod nga ilang adtoan ang ilang mangil-ad nga mga buhat. Unya mahibaloan nila nga ako mao ang  Ginoo.”

Ezequiel 14:23

Mawala ang kalain sa inyong buot kon makita ninyo ang ilang gawi ug ang ilang mga binuhatan, ug masabtan ninyo nga adunay hinungdan ngano nga gihimo ko kadto sa Jerusalem. Ako, ang Ginoong Dios, ang nag-ingon niini.”

Ezequiel 39:23

Mahibaloan usab sa uban nga mga nasod nga gibihag ang katawhan sa Israel tungod sa ilang mga sala, kay wala sila misunod kanako. Gitalikdan ko sila ug gipasagdan nga sulongon sa ilang mga kaaway ug pamatyon.

Ezequiel 5:15

Tamayon, bugal-bugalan, ug kangilngigan kamo sa mga nasod sa inyong palibot. Mahimo kamo nga pahimangno alang kanila sa higayon nga silotan ko kamo sa akong labihang kasuko. Ako, ang  Ginoo, ang nag-ingon niini.

Daniel 9:7

“Matarong ka gayod Ginoo, apan kami makauulaw gihapon hangtod karon. Nasinati kini sa tanan nga lumulupyo sa Jerusalem ug sa ubang bahin sa Juda, ug sa tanang Israelinhon nga imong gikatag sa duol ug layo nga mga dapit tungod sa ilang pagsupak kanimo.