Jeremias 22:7 - Ang Pulong sa Dios

⁷ Magpadala akog mga tawo nga moguba kanimo. Matag-usa kanila adunay mga gamit, ug pamutlon nila ang pinili nga mga kahoyng sedro, ug ilabay sa kalayo.

Ang Biblia 2011

⁷ Mag-andam ako ug mga tiglaglag batok kanimo, ang matag usa uban ang iyang mga hinagiban; ug sila magputol sa mga pinili nimong sedro ug isalibay kini ngadto sa kalayo.

Maayong Balita Biblia

⁷ Magsugo akog mga tawo nga maoy moguba niini. Magdala silag mga kahimanan ug pamutlon nila ang mga matahom nga haliging sidro ug ila kining daoban.

Ang Bag-ong Maayong Balita Biblia

⁷ Magsugo akog mga tawo nga maoy moguba niini. Magdala silag mga kahimanan ug pamutlon nila ang mga matahom nga haliging sidro ug ila kining daoban.

Jeremias 22:7 Cross References

Isaias 37:24

Pinaagi sa imong mga ulipon, gibiay-biay mo ako. Miingon ka pa, ‘Pinaagi sa akong daghang mga karwahi akong nasaka ang tag-as nga mga bukid, ang kinatumyan sa mga bukid sa Lebanon. Gipamutol ko ang iyang labing tag-as nga mga kahoyng sedro ug labing maayo nga mga sipres. Nakaabot ako sa kinasuokang bahin sa iyang mabagang kalasangan.

Jeremias 15:8

Himuon kong mas daghan pa sa balas sa baybayon ang inyong biyuda. Sa udtong tutok padad-an kog tiglaglag ang mga inahan sa inyong mga batan-ong lalaki. Sa kalit moabot kaninyo ang kasubo ug kahadlok.

Jeremias 21:14

Apan silotan ko kamo sumala sa inyong binuhatan. Sunogon ko ang inyong mga kalasangan ug mangasunog ang tanan sa palibot niini. Ako, ang  Ginoo, ang nag-ingon niini.”

Jeremias 5:15

Miingon ang  Ginoo, “Mga katawhan sa Israel, magpadala akog mga tawo gikan sa layo nga nasod sa pagsulong kaninyo. Kini usa ka karaan na kaayo nga nasod, nga ang ilang sinultihan dili ninyo masabtan.

Zacarias 11:1

Kamong mga lumulupyo sa Lebanon, ablihi ninyo ang mga pultahan sa inyong mga siyudad aron lamyon sa kalayo ang inyong mga kahoyng sedro.

Mateo 22:7

Busa nasuko pag-ayo ang hari. Gisugo niya ang iyang mga sundalo nga pamatyon usab ang nagpatay sa iyang mga sulugoon ug sunogon ang ilang lungsod.