Jeremias 22:27 - Ang Pulong sa Dios

²⁷ Dili na kamo makabalik sa yuta nga inyong gihandom nga balikan.”

Ang Biblia 2011

²⁷ Apan ngadto sa yuta nga ilang gipangandoy nga ilang paulian, dili sila makapauli didto.”

Maayong Balita Biblia

²⁷ Dili na kamo mahibalik sa nasod nga inyong gihandom.”

Ang Bag-ong Maayong Balita Biblia

²⁷ Dili na kamo mahibalik sa nasod nga inyong gihandom.”

Jeremias 22:27 Cross References

Salmo 86:4

Lipaya ako nga imong alagad, Ginoo, kay kanimo ako nag-ampo.

Jeremias 22:10

Mga katawhan sa Juda, ayaw na kamo paghilak ug pagbangotan alang kang Haring Josia nga patay na. Hilaki hinuon ninyo pag-ayo ang iyang anak nga si Jehoahaz, nga mipuli kaniya ingon nga hari sa Juda. Kay gibihag siya ug dili na gayod makabalik sa iyang yutang natawhan. Ang Ginoo mismo ang nag-ingon, “Dili na siya makabalik.

Jeremias 22:12

Mamatay siya didto sa dapit diin siya gibihag. Dili na niya makita pag-usab kini nga yuta.”

Jeremias 22:26

Ipabihag ka nako ug ang imong inahan ngadto sa dapit nga dili ninyo yutang natawhan, ug didto mangamatay kamong duha.

Jeremias 22:28

Jehoyakin, nahisama ka sa buak nga kolon nga gilabay kay dili na mapuslan. Mao kana ang hinungdan kon nganong ikaw ug ang imong mga kabataan bihagon ngadto sa dapit nga wala kamo masuhito.

Jeremias 28:4

Pabalikon ko usab dinhi si Jehoyakin sa Juda nga anak ni Jehoyakim, ug ang tanang taga-Juda nga gibihag ngadto sa Babilonia, kay kuhaan ko na ug gahom ang hari sa Babilonia. Ako, ang  Ginoo, ang nag-ingon niini.”

Jeremias 42:18

“Miingon pa gayod ang  Ginoo nga Makagagahom, ang Dios sa Israel, ‘Sama nga gipatagamtam ko ang akong labihan nga kasuko sa katawhan sa Jerusalem, ipatagamtam ko usab ang akong kasuko kaninyo kon moadto kamo sa Ehipto. Panghimaraoton kamo ug kangil-aran sa mga tawo. Biay-biayon nila kamo ug tamayon, ug dili na gayod kamo makabalik sa inyong yuta.’

Jeremias 44:14

Mamatay gayod kamong tanang nahibiling mga taga-Juda nga namuyo sa Ehipto. Dili na kamo makabalik pa sa Juda, diin gusto kamong mobalik pagpuyo. Walay makabalik kaninyo nga luwas, gawas sa pipila nga makaikyas.”