Jeremias 22:25 - Ang Pulong sa Dios

²⁵ Itugyan ka nako sa mga kamot sa nagtinguha sa pagpatay kanimo, nga imong gikahadlokan. Oo, itugyan ka nako kang Nebucadnezar nga hari sa Babilonia ug sa iyang mga sundalo.

Ang Biblia 2011

²⁵ ug ihatag ko ikaw ngadto sa kamot niadtong nagtinguha sa imong kinabuhi, ngadto sa kamot niadtong imong gikahadlokan, bisan ngadto sa kamot ni Nabucodonosor nga hari sa Babilonia ug ngadto sa kamot sa mga Caldeanhon.

Maayong Balita Biblia

²⁵ ug ihatag ngadto sa buot mopatay kanimo nga imong gikahadlokan. Itugyan ko ikaw kang Hari Nabucodonosor sa Babilonia ug sa iyang kasundalohan.

Ang Bag-ong Maayong Balita Biblia

²⁵ ug ihatag ngadto sa buot mopatay kanimo nga imong gikahadlokan. Itugyan ko ikaw kang Hari Nabucodonosor sa Babilonia ug sa iyang kasundalohan.

Jeremias 22:25 Cross References

2 Cronicas 36:10

Sa unang bulan sa tuig, gipakuha ni Nebucadnezar si Jehoyakin ug gipadala sa Babilonia uban sa mga mahalong kabtangan gikan sa Templo sa Ginoo, ug gihimo niyang hari sa Jerusalem ug sa ubang bahin sa Juda ang uyoan ni Jehoyakin nga si Zedekia.

Mga Panultihon 10:24

Maingon nga ang gikahadlokan sa tawong daotan mahitabo kaniya, ang ginahandom sa tawong matarong maangkon niya.

Jeremias 21:7

Unya, ikaw Zedekia nga hari sa Juda, ug ang imong mga opisyal, ug ang mga tawong nahibilin nga wala mangamatay sa balatian, sa gira, ug sa kagutom, itugyan ko kang Nebucadnezar nga hari sa Babilonia ug sa uban pa ninyong mga kaaway nga nagtinguha sa inyong kinabuhi. Pamatyon kamo ni Nebucadnezar nga walay kaluoy. Ako, ang  Ginoo, ang nag-ingon niini.

Jeremias 22:28

Jehoyakin, nahisama ka sa buak nga kolon nga gilabay kay dili na mapuslan. Mao kana ang hinungdan kon nganong ikaw ug ang imong mga kabataan bihagon ngadto sa dapit nga wala kamo masuhito.

Jeremias 27:6

Ug karon itugyan ko ang inyong mga nasod sa akong alagad nga si Nebucadnezar nga hari sa Babilonia. Bisan ang ihalas nga mga mananap paalagaron ko kaniya.

Jeremias 38:16

Apan sekretong nanumpa si Haring Zedekia kang Jeremias. Ingon niya, “Ipanumpa ko sa Ginoo nga buhi nga naghatag kanatog kinabuhi, nga dili ka nako ipapatay o itugyan sa mga kamot sa gustong mopatay kanimo.”