Jeremias 20:7 - Ang Pulong sa Dios

⁷ O Ginoo, gilingla mo ako, ug nagpalingla usab ako. Gilupigan mo ako, ug nahimo akong kataw-anan. Kanunay nila akong gibiay-biay.

Ang Biblia 2011

⁷ O Ginoo, gilimbongan nimo ako ug ako nalimbongan; ikaw kusgan kay kanako, ug ikaw mipatigbabaw. Nahimo ako nga kataw-anan sa tibuok nga adlaw; ang tanan nagbiaybiay kanako.

Maayong Balita Biblia

⁷ O Ginoo, gilimbongan mo ako ug nalimbongan ako. Mas gamhanan ka kay kanako busa wala akoy dag-anan. Ang tanan nagbiaybiay kanako, ug gikataw-an ako nila sa tibuok adlaw.

Ang Bag-ong Maayong Balita Biblia

⁷ O Ginoo, gilimbongan mo ako ug nalimbongan ako. Mas gamhanan ka kay kanako busa wala akoy dag-anan. Ang tanan nagbiaybiay kanako, ug gikataw-an ako nila sa tibuok adlaw.

Jeremias 20:7 Cross References

2 Mga Hari 2:23

Mibiya si Eliseo sa Jerico ug miadto sa Betel. Samtang naglakaw siya sa dalan, adunay mga batan-ong lalaki nga nanggawas gikan sa usa ka lungsod ug mibugal-bugal kaniya. Miingon sila, “Upaw, pahawa dinhi! Upaw, pahawa dinhi!”

Job 12:4

“Nahimo akong kataw-anan sa akong mga higala bisag matarong ako ug walay ikasaway sa akong kinabuhi, ug bisan ginatubag sa Dios ang akong pag-ampo kaniadto.

Job 30:9

“Ug karon gibiay-biay ako sa ilang mga anak pinaagi sa awit. Gihimo nila akong kataw-anan.

Salmo 119:51

Gibiay-biay ako pag-ayo sa mga mapahitas-on, apan wala ako mobiya sa imong kasugoan.

Isaias 8:11

Gipasidan-an gayod ako sa Ginoo nga dili mosunod sa mga binuhatan sa akong katagilungsod.

Jeremias 15:10

Pagkamakaluluoy ko gayod. Wala na lang unta ako ipakatawo sa akong inahan! Kontra ako sa tibuok Juda. Wala man unta akoy nautangan o gipautang, apan gitunglo ako sa tanan.

Jeremias 15:18

Nganong wala may kataposan ang akong kasakit? Nganong dili man maayo ang akong samad? Pakyason mo ba ako sama sa sapa nga mamad-an sa panahon sa ting-init?”

Jeremias 17:16

O Ginoo, wala ako magpasagad sa akong buluhaton isip magbalantay sa imong katawhan. Wala gayod ako magtinguha nga padad-an mo silag katalagman. Nasayod ka sa akong gipanulti.

Jeremias 20:9

Usahay makaingon ako nga dili na gayod ako maghisgot bahin kanimo o mosugilon sa imong mensahe. Apan ang imong pulong daw sa kalayo nga modilaab sa akong kasing-kasing ug mga kabukogan. Gikapoy na akog pinugong niini. Dili ko na gayod kini mapugngan.

Jeremias 29:26

‘Gipili ka sa Ginoo sa pagpuli kang Jehoyada ingon nga pari nga tigdumala sa balay sa Ginoo. Katungdanan mo ang pagdakop ug pagsilot sa bisan kinsang buang-buang nga nagpakapropeta.

Jeremias 38:19

Miingon si Haring Zedekia, “Nahadlok ako sa mga Judio nga nakig-abin sa mga taga-Babilonia. Basin itugyan ako sa mga taga-Babilonia ngadto kanila ug panamastamasan nila ako.”

Mga Pagbangotan 3:14

Nahimo akong kataw-anan ngadto sa akong mga katawhan. Gibugal-bugalan nila ako tibuok adlaw pinaagi sa awit.

Ezequiel 3:14

Gialsa ako sa Espiritu ug gidala palayo. Naglain ang akong buot ug naglagot, apan gipugngan ako sa Ginoo.

Oseas 9:7

Mga taga-Israel, miabot na ang higayon nga silotan kamo, ang higayon nga singlon kamo sa inyong gipanghimo. Ug mahibaloan gayod ninyo nga miabot na kini. Nag-ingon kamo, ‘Kana nga propeta buang-buang! Kanang tawhana nga gigamhan sa espiritu, buang!’ Mao kana ang inyong giingon bahin kanako tungod kay daghan na kaayo ang inyong sala ug nasuko kamo pag-ayo kanako.

Jonas 4:2

Nag-ampo siya sa “Ginoo, wala gayod ako masayop sa akong gisulti sa didto pa ako sa among dapit! Mao man gani nga nagpahilayo ako ug miadto sa Tarshish tungod kay nasayod ako nga maluloy-on ka nga Dios ug adunay kahingawa. Mahigugmaon ka, daling malukmay, ug dili dali nga masuko.

Miqueas 3:8

Apan ako, puno sa Espiritu sa Ginoo nga mao ang naghatag kanako ug gahom sa pagpatunhay sa hustisya ug sa kaisog sa pagsulti ngadto sa mga katawhan sa Israel ug sa Juda nga nakasala sila.

Lucas 16:14

Pagkadungog niadto sa mga Pariseo, gibugal-bugalan nila si Jesus tungod kay hinguwarta man sila.

Lucas 23:11

Dayon gitamay ug gibugal-bugalan siya ni Herodes ug sa iyang mga tigbalantay. Gisul-oban kunohay nila siya ug maanindot nga bisti, nga sama sa usa ka dungganon nga tawo, ug gipabalik didto kang Pilato.

Mga Buhat 17:18

Adunay duha ka grupo sa mga magtutudlo ang nakiglantugi kang Pablo. Ang usa gitawag nga mga Epicureo, ug ang usa gitawag nga mga Estoico. Ang uban kanila miingon, “Unsa kahay gipangsulti niining tawhana?” Miingon usab ang uban, “Murag lahi man nga dios ang iyang giwali.” Mao kini ang ilang giingon tungod kay giwali ni Pablo ang mahitungod kang Jesus ug ang pagkabanhaw.

Mga Buhat 17:32

Pagkadungog nila nga si Pablo nagsulti mahitungod sa pagkabanhaw, ang uban kanila nagbugal-bugal kaniya. Apan ang uban miingon, “Balik dinhi kay gusto namo nga maminaw pa gayod kanimo mahitungod niining mga butanga.”

1 Mga Taga-Corinto 9:6

Unsa ba diay, kami lang ba ni Bernabe ang kinahanglan nga maghago aron adunay panginabuhian?

Mga Hebreo 11:36

Ang uban kanila gibugal-bugalan ug gilatos, ug ang uban gipanggapos ug gipangpriso.