Jeremias 20:6 - Ang Pulong sa Dios

⁶ Ug ikaw, Pashur, ug ang tibuok mong panimalay, bihagon ngadto sa Babilonia. Didto mamatay ka ug ilubong, apil ang tanan mong mga higala nga imong gisultihan sa imong mga bakak nga panagna.”

Ang Biblia 2011

⁶ Ug ikaw Pasur, ug ang tanang nagpuyo sa imong balay bihagon; ikaw moadto sa Babilonia ug adto ikaw mamatay ug adto ikaw ilubong, ikaw ug ang tanan nimong mga higala nga imong gipropesiyahan ug bakak.”

Maayong Balita Biblia

⁶ Ug ikaw usab, Pasur, ingon man ang imong pamilya, dakpon ug bihagon ngadto sa Babilonia. Adto ka didto mamatay ug ilubong uban sa imong mga higala nga imong gisultihag mga bakak.’”

Ang Bag-ong Maayong Balita Biblia

⁶ Ug ikaw usab, Pasur, ingon man ang imong pamilya, dakpon ug bihagon ngadto sa Babilonia. Adto ka didto mamatay ug ilubong uban sa imong mga higala nga imong gisultihag mga bakak.’”

Jeremias 20:6 Cross References

Isaias 9:15

Ang mga tigdumala ug ang dungganon nga mga tawo mao ang ulo, ug ang ikog mao ang bakakong mga propeta.

Jeremias 14:13

Apan miingon ako, “O Ginoong Dios, nasayod ka nga giingnan sila sa mga propeta nga walay moabot nga gira o kagutom, tungod kay nag-ingon ka kuno nga hatagan mo silag kalinaw dinhi niining dapita.”

Jeremias 14:16

Ug mahitungod sa mga tawo nga ilang gisultihan sa ilang mga mensahe, ipanglabay ang ilang mga patayng lawas diha sa mga kadalanan sa Jerusalem. Mangamatay sila tungod sa gira ug kagutom. Walay molubong kanila, sa ilang mga asawa, ug sa ilang mga kabataan. Ipatagamtam ko kanila ang silot nga angay kanila.

Jeremias 20:1

Ang pari nga si Pashur, nga anak ni Imer, maoy pinakataas nga opisyal sa Templo sa Ginoo niadtong panahona. Sa dihang nadungog niya ang gipanulti ni Jeremias,

Jeremias 20:4

Kay mao kini ang gisulti sa Ginoo: Malisang ka sa imong kaugalingon, ug malisang kanimo ang tanan mong mga higala. Makita mo gayod nga pamatyon sila sa ilang mga kaaway. Itugyan ko ang tibuok Juda sa hari sa Babilonia. Bihagon niya ang ubang mga lumulupyo niini ug ang uban pamatyon.

Jeremias 23:32

Kontra ko ang mga propeta nga nagsugilon sa ilang mga damgo nga dili tinuod. Gipahisalaag nila ang akong katawhan sa ilang mga bakak. Wala ko gayod sila ipadala o sugoa. Wala gayod silay gihatag nga kaayohan sa katawhan.

Jeremias 29:32

Busa ako, ang  Ginoo, nag-ingon nga silotan ko gayod siya ug ang iyang mga kaliwat. Wala gayoy bisan usa sa iyang mga kaliwat nga makakita sa mga maayong butang nga akong pagahimuon alang kaninyo, kay gitudloan niya kamo nga magrebelde kanako.” Ako, ang  Ginoo, ang nag-ingon niini.

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Mga Pagbangotan 2:14

Ang mga mensahe sa imong mga propeta dili tinuod, walay pulos ug nagpahisalaag lang kanimo. Wala nila ipadayag ang imong mga sala aron dili ka unta mabihag.

Ezequiel 22:28

Ang ilang mga sala gitabon-tabonan sa ilang mga propeta pinaagi sa paghimog tinumotumo nga mga panan-awon ug mga tagna. Nag-ingon sila nga mao kuno kadto ang giingon sa Ginoong Dios bisan sa tinuod wala magsulti ang  Ginoo.

Levitico 26:17

Kapungtan ko kamo aron nga mapildi kamo sa inyong mga kaaway ug sila na ang modumala kaninyo. Tungod sa inyong kataranta moikyas kamo bisan ug walay naggukod kaninyo.

Miqueas 2:11

Ang gusto ninyo nga magwawali mao kadtong limbongan ug bakakon, ug magwali ug ingon niini: ‘Moabunda ang inyong bino ug ang uban pang mga ilimnon.’

Zacarias 13:3

Ug kon aduna pay magpaka-propeta, ang iya mismong amahan ug inahan maoy moingon kaniya nga kinahanglan siyang patyon, tungod kay nagsulti siya ug bakak ug nag-ingon pa siya nga kana gikan sa Ginoo. Kon magpadayon pa siya, ang iya na mismong amahan o inahan maoy mounay pagpatay kaniya.

Deuteronomio 28:25

“Ipapildi kamo sa Ginoo sa inyong mga kaaway. Mag-usa kamong mosulong kanila, apan magkatibulaag kamo nga moikyas gikan kanila. Kangil-aran kamo sa tanang gingharian sa kalibotan.