Jeremias 20:18 - Ang Pulong sa Dios

¹⁸ Nganong gipakatawo pa man ako? Aron ba makita ko ang kagubot ug kalisod, ug mamatay sa kaulaw?

Ang Biblia 2011

¹⁸ Ngano nga migula man ako gikan sa taguangkan aron sa pagtan-aw sa kabudlay ug sa kasubo, ug pagtapos sa akong mga adlaw diha sa kaulawan?

Maayong Balita Biblia

¹⁸ Nganong gipakatawo pa man ako? Aron ba lamang pahiagomon sa kasamok ug kagul-anan ug mamatay tungod sa kaulaw?

Ang Bag-ong Maayong Balita Biblia

¹⁸ Nganong gipakatawo pa man ako? Aron ba lamang pahiagomon sa kasamok ug kagul-anan ug mamatay tungod sa kaulaw?

Jeremias 20:18 Cross References

1 Mga Hari 19:4

Unya mibaklay siya ug mga usa ka adlaw paingon sa kamingawan. Mihunong siya ug milingkod ilalom sa kahoy, ug nag-ampo nga mamatay na lang unta siya. Miingon siya, “Husto na, Ginoo! Kuhaa na lang ang akong kinabuhi; wala akoy kalainan sa akong mga katigulangan.”

Job 14:1

“Mubo rag kinabuhi ang tawo ug puno kini sa kalisod.

Job 14:13

“Ginoo, hinaut unta nga tagoan mo na lang ako sa dapit sa mga patay hangtod nga mawala ang imong kasuko, ug magtakda ka ug panahon nga hinumdoman mo ako.

Job 3:20

“Nganong gitugotan pa man nga mabuhi ang tawong nag-antos ug nagsubo?

Job 5:7

Ang tawo mao ang nagdala ug kalisod sa iyang kaugalingon, sama sa aligato nga molupad gayod pataas.

Salmo 102:3

Kay ang akong kinabuhi gakahanaw sama sa aso; ang akong kabukogan daw gisunog.

Salmo 69:19

Nasayod ka kon giunsa nila ako sa pagpakaulaw, pag-insulto, ug pagpanamastamas. Nakita mo ang tanan kong mga kaaway.

Isaias 1:6

Gikan sa ulo hangtod sa lapa-lapa, wala gayoy bahin nga walay tatsa; nalukop kini sa mga samad, bun-og, ug kabahong. Wala man lang kini mahugasi, mabugkosi, ni mahidhirig lana.

Isaias 51:7

“Pamatia ninyo ako, kamo nga nasayod kon unsa ang husto ug nagtuman sa akong kasugoan! Ayaw kamo kahadlok sa mga pagsaway ug pagpakaulaw sa mga tawo kaninyo.

Jeremias 15:10

Pagkamakaluluoy ko gayod. Wala na lang unta ako ipakatawo sa akong inahan! Kontra ako sa tibuok Juda. Wala man unta akoy nautangan o gipautang, apan gitunglo ako sa tanan.

Jeremias 15:18

Nganong wala may kataposan ang akong kasakit? Nganong dili man maayo ang akong samad? Pakyason mo ba ako sama sa sapa nga mamad-an sa panahon sa ting-init?”

Jeremias 3:25

Angay kaming motago sa kaulaw kay kami ug ang among mga katigulangan nakasala batok kanimo, O Ginoo nga among Dios. Sukad sa among pagkabata hangtod karon wala kami motuman kanimo.”

Jeremias 8:18

Unya miingon ako: Dili gayod mahupay ang akong kasubo. Sakit gayod ang akong kasing-kasing.

Mga Pagbangotan 1:12

Miingon usab siya sa mga tawo nga nanglabay, “Wala ba kamoy pagpakabana? Tan-awa ninyo! Aduna bay nag-antos sama sa akong pag-antos? Kini nga pag-antos gipahamtang sa Ginoo kanako sa panahon sa iyang labihan nga kasuko.

Mga Pagbangotan 3:1

Nakasinati ako sa pagsilot sa Ginoo tungod sa iyang kasuko.

Habacuc 1:3

Nganong patan-awon man ko nimo sa dili patas nga hustisya? Nganong imo man gipasagdan ang sayop nga binuhatan? Kalaglagan ug pagdaug-daug nia uban nako, adunay kasamok, ug midagsang ang panagbingkil.

Juan 16:20

Sa pagkatinuod, sultihan ko kamo nga ang mga tawo sa kalibotan malipay gayod sa mahitabo kanako, apan kamo maghilak sa kaguol. Apan ang inyong mga kaguol mawala ug mapulihan sa kalipay.

Mga Buhat 5:41

Mihawa didto nga malipayon ang mga apostoles, tungod kay gihatagan sila sa Dios ug pribilihiyo nga mag-antos alang sa ngalan ni Jesus.

2 Timoteo 1:12

Mao kini ang hinungdan nga nag-antos ako karon. Apan wala ko ikaulaw kining nahitabo kanako tungod kay nailhan ko si Cristo nga akong ginasaligan, ug nasiguro ko gayod nga makahimo siya sa pagbantay sa iyang gitugyan kanako hangtod sa adlaw nga siya mobalik.

Mga Hebreo 10:36

Kinahanglan nga magmainantuson kamo aron matuman ninyo ang kabubut-on sa Dios ug madawat ninyo ang iyang gisaad.

Mga Hebreo 11:36

Ang uban kanila gibugal-bugalan ug gilatos, ug ang uban gipanggapos ug gipangpriso.

Mga Hebreo 12:2

Isentro nato ang atong huna-huna kang Jesus nga mao ang gisandigan sa atong pagtuo sukad pa sa sinugdan hangtod sa kataposan. Giantos niya ang paglansang kaniya sa krus ug wala niya igsapayan ang kaulaw, tungod kay gihuna-huna niya ang kalipay nga madawat niya unya. Ug karon atua na siya naglingkod sa tuo nga dapit sa trono sa Dios.

Mga Hebreo 13:13

Busa adtoon nato si Jesus didto sa gawas sa lungsod ug makig-ambit kita sa iyang mga giantos nga kaulawan.