Jeremias 2:6 - Ang Pulong sa Dios

⁶ Wala sila mangita kanako bisan pag akoy nagpagawas kanila gikan sa Ehipto ug naggiya kanila sa kamingawan nga walay mga tanom, gikan sa yuta nga disyerto nga adunay mga bangag, nga kanunayng adunay hulaw ug delikado, ug walay nagpuyo ni nag-agi.

Ang Biblia 2011

⁶ Sila wala moingon, ‘Hain man ang Ginoo nga nagkuha kanato gikan sa yuta sa Ehipto, nga nagmando kanato didto sa kamingawan, sa usa ka yuta nga kamingawan ug mga gahong, sa yuta sa hulaw ug sa hilabihan nga kangitngit, sa usa ka yuta nga walay moagi, ug walay tawong nagpuyo?’

Maayong Balita Biblia

⁶ Wala na sila magtagad kanako bisag akoy nagluwas kanila gikan sa Ehipto ug naggiya kanila didto sa kamingawan, sa dapit nga daghag kabungtoran ug mga bung-aw, sa yuta nga uga ug makuyaw diin walay moagi ug nagpuyo.

Ang Bag-ong Maayong Balita Biblia

⁶ Wala na sila magtagad kanako bisag akoy nagluwas kanila gikan sa Ehipto ug naggiya kanila didto sa kamingawan, sa dapit nga daghag kabungtoran ug mga bung-aw, sa yuta nga uga ug makuyaw diin walay moagi ug nagpuyo.

Jeremias 2:6 Cross References

2 Mga Hari 2:14

Gihapak niya sa tubig ang kupo ni Elias ug miingon, “Hain na ang Ginoo, nga Dios ni Elias?” Sa iyang gihimo, nabahin ang tubig, ug mitabok siya.

Job 3:5

Natabonan na lang unta kini sa kangitngit o sa bagang mga dag-om, ug giputos na lang unta sa kangitngit ang iyang kahayag.

Job 35:10

Apan wala sila mangita sa Dios nga maoy naghimo kanila ug naghatag kanilag kusog sa panahon sa kalisod.

Salmo 23:4

Bisan pa ug maglakaw ako sa walog nga labihan kangitngit, dili ako mahadlok tungod kay kauban ka nako. Ang imong pagpanalipod ug paggiya nagpalig-on kanako.

Salmo 77:5

Gihuna-huna ko ang mga adlaw nga nanglabay ug ang dugay nang mga katuigan.

Exodo 20:2

“Ako ang Ginoo nga inyong Dios nga nagpagawas kaninyo gikan sa Ehipto diin kamo giulipon.

Isaias 63:9

Sa tanan nilang mga pag-antos, nag-antos usab siya, ug giluwas niya sila pinaagi sa anghel nga nagpadayag sa iyang presensya. Tungod sa iyang gugma ug kaluoy giluwas niya sila; giatiman niya sila sa tanang adlaw niadtong unang panahon.

Isaias 64:7

Wala gayoy bisan usa kanamo nga midangop kanimo ug naninguha sa pagkupot kanimo. Mao kana ang hinungdan kon nganong mitalikod ka kanamo, ug gipasagdan mo kami nga mangamatay tungod sa among mga sala.

Jeremias 13:16

Pasidunggi ninyo ang  Ginoo nga inyong Dios sa dili pa niya ipadala ang kangitngit, ug sa dili pa kamo mapandol sa mangitngit nga mga bukid. Ang kahayag nga inyong gilaoman himuon niyang labihan kangitngit.

Jeremias 2:2

“Lakaw ug isulti kini ngadto sa mga taga-Jerusalem: “Mao kini ang giingon sa Ginoo “ ‘Nahinumdoman ko pa ang inyong pagkamatinud-anon sa batan-on pa kamo, ug ang inyong paghigugma kanako nga daw sama sa babayeng bag-ong gikasal. Misunod kamo kanako bisan ngadto sa kamingawan nga walay mga tanom.

Jeremias 2:8

Bisan ang mga pari wala mangita kanako. Ang mga magtutudlo sa balaod wala makaila kanako. Ang mga pangulo nagrebelde kanako. Ang mga propeta nagsulti ug mga mensahe sa ngalan ni Baal, ug nagsunod sa mga dios-dios nga walay pulos.

Jeremias 5:12

“Wala sila magsulti sa tinuod mahitungod kanako. Miingon sila, ‘Dili kita unsaon sa Ginoo! Walay katalagman nga moabot kanato; walay gira o kagutom.

Jeremias 5:2

Bisan ug manumpa kamo sa akong ngalan, gabakak lang gihapon kamo.”

Jeremias 51:43

Maawaaw ang mga lungsod niini, sama sa disyerto nga mala ug walay nagpuyo o bisan adunay molabay.

Oseas 12:13

Pinaagi sa propeta nga si Moises, gipagawas ko kamong mga Israelinhon gikan sa Ehipto ug giatiman.

Oseas 13:4

“Ako, ang  Ginoo nga inyong Dios, ang nagpagawas kaninyo gikan sa Ehipto. Wala na kamoy ilhon pang Dios ug Manluluwas gawas kanako.

Amos 2:10

Gipagawas ko usab ang mga katigulangan sa mga Israelinhon gikan sa Ehipto, ug sulod sa 40 ka tuig gigiyahan ko sila didto sa disyerto aron mapanag-iya nila ang yuta sa mga Amorihanon.”

Mateo 4:16

Apan bisan nagpuyo diha sa kangitngit ang mga tawo niini nga mga dapit, makakita sila ug kahayag nga hilabihan. Ang mga anaa sa kangitngit nga mahadlok mamatay madan-agan.”

Deuteronomio 1:19

Unya sumala sa mando sa Ginoo nga atong Dios, mibiya kita sa Bukid sa Sinai ug milakaw sa halapad ug makalilisang nga kamingawan nga inyo mismong nakita, ug miadto kita sa kabungtoran sa mga Amorihanon. Pag-abot nato sa Kadesh Barnea,

Deuteronomio 32:10

“Nakita niya sila sa disyerto, sa dapit nga awaaw. Giatiman niya sila ug giampingan, nga daw nag-amping sa iyang kaugalingong mata.

Deuteronomio 8:2

Hinumdomi ninyo kon giunsa kamo paggiya sa Ginoo nga inyong Dios sa inyong paglakaw sa kamingawan sulod sa 40 ka tuig. Gihimo niya kini sa pagtudlo kaninyo sa pagpaubos ug sa pagsulay kaninyo aron mahibaloan kon unsa gayod ang sulod sa inyong kasing-kasing, kon tumanon ba ninyo ang iyang mga sugo o dili.

Mga Maghuhukom 6:13

Mitubag si Gideon, “Apan Sir, kon ang Ginoo kauban pa namo, nganong ingon man niini ang among kahimtang? Nganong wala man siya maghimo ug mga milagro sama sa iyang gihimo kaniadto sa dihang gipagawas niya gikan sa Ehipto ang among mga katigulangan, sumala sa gisugilon nila kanamo? Gipasagdan na kami sa Ginoo ug gitugyan sa mga Midianhon.”