Jeremias 19:9 - Ang Pulong sa Dios

⁹ Palibotan ko kining siyudara sa ilang mga kaaway nga molisod-lisod kanila hangtod nga mahutdan silag pagkaon. Busa kan-on na nila ang ilang isigka-tawo ug bisan ang ilang kaugalingong mga anak.’ ”

Ang Biblia 2011

⁹ Akong ipakaon kanila ang unod sa ilang mga anak nga lalaki ug sa ilang mga anak nga babaye ug ang tanan mokaon sa unod sa iyang silingan sa panahon sa paglibot ug sa kaguol, nga niini ang ilang mga kaaway ug ang nagtinguha sa ilang sa kinabuhi magsakit kanila.’

Maayong Balita Biblia

⁹ Palibutan sa ilang mga kaaway ang siyudad aron patyon sila. Tungod sa kagutom mokaon na lamang sila sa ilang isigkatawo ug bisan sa ilang kaugalingong mga anak.”

Ang Bag-ong Maayong Balita Biblia

⁹ Palibutan sa ilang mga kaaway ang siyudad aron patyon sila. Tungod sa kagutom mokaon na lamang sila sa ilang isigkatawo ug bisan sa ilang kaugalingong mga anak.”

Jeremias 19:9 Cross References

2 Mga Hari 25:3

Sa ikasiyam nga adlaw sa ikaupat nga bulan sa maong tuig, labihan na gayod ang kagutom sa siyudad ug wala na gayoy pagkaon ang mga tawo.

Isaias 9:20

Bisan unsang pagkaon nga ilang makita sa palibot kuhaon nila ug kan-on, apan dili gihapon sila mabusog. Kan-on nila bisan ang ilang kabataan.

Jeremias 13:14

unya, ipagbangga ko sila sa usag usa, ginikanan ug mga anak. Dili ako magpakita ug kaluoy sa paglaglag kanila. Ako, ang  Ginoo, ang nag-ingon niini.’ ”

Jeremias 38:9

“Mahal nga Hari, daotan gayod kaayo ang gibuhat niining mga tawhana kang Jeremias. Gibutang nila siya sa bangag nga pundohanan ug tubig. Mamatay gayod siya didto sa kagutom kon mahurot na ang pagkaon sa siyudad.”

Mga Pagbangotan 2:20

O Ginoo, tan-awa kami! Huna-hunaa kon kinsay imong gipaantos ug sama niini. Makatarunganon ba nga tungod sa labihan nga kagutom, kaonon sa mga inahan ang ilang hinigugma nga mga anak? Makatarunganon ba nga pamatyon ang mga pari ug mga propeta sa imong Templo?

Mga Pagbangotan 4:10

Tungod sa labihan nga kagutom nga bunga sa kalaglagan nga miabot sa akong mga katawhan, bisan ang mahigugmaong mga inahan miluto sa ilang kaugalingong mga anak aron kan-on.

Ezequiel 5:10

Kaonon sa mga ginikanan ang ilang mga anak, ug kaonon sa mga anak ang ilang mga ginikanan. Silotan ko gayod kamo, ug ang mga mahibilin kaninyo katagon ko sa tibuok kalibotan.

Levitico 26:29

Mapugos kamo sa pagkaon sa inyong kaugalingong mga anak tungod sa kagutom.