Jeremias 19:6 - Ang Pulong sa Dios

⁶ Busa, pangandam kamo, kay ako, ang  Ginoo, nag-ingon nga moabot ang panahon nga ang mga tawo dili na motawag niini nga dapit nga Tofet o Walog sa Ben Hinom, kondili Kapatagan nga Gipamatay.

Ang Biblia 2011

⁶ busa ang mga adlaw nagsingabot, nag-ingon ang Ginoo, nga kining dapita dili na tawgon nga Tofet o walog sa anak ni Hinom, kondili walog nga Ihawan.

Maayong Balita Biblia

⁶ Busa ako, ang Ginoo, nag-ingon nga moabot ang panahon nga kining dapita dili na nganlag Tofet o Walog sa Hinom kondili Walog nga Ihawanan.

Ang Bag-ong Maayong Balita Biblia

⁶ Busa ako, ang Ginoo, nag-ingon nga moabot ang panahon nga kining dapita dili na nganlag Tofet o Walog sa Hinom kondili Walog nga Ihawanan.

Jeremias 19:6 Cross References

Isaias 30:33

Dugay na nga naandam ang dapit nga pagasunogan sa hari sa Asiria. Halapad ug lawom kining dapita, ug ang kalayo abunda ug sugnod. Ang gininhawa sa Ginoo daw sapa sa nagdilaab nga asupre, nga mao ang mopadilaab sa mga sugnod niini.

Jeremias 19:11

Ingna sila nga ako, ang  Ginoo nga Makagagahom, nag-ingon, ‘Dugmokon ko ang nasod sa Juda ug ang siyudad sa Jerusalem sama nga gidugmok ang banga ug dili na maayo pa. Ipanglubong ang daghan kaayong mga patay sa Tofet hangtod nga wala nay luna nga kalubngan pa.

Jeremias 19:2

pangadto kamo sa Walog sa Ben Hinom, duol sa Ganghaan sa Buak nga Kolon. Ug didto ipahayag ang akong isulti kanimo.

Josue 15:8

Gikan didto mipaingon kini sa Walog sa Ben Hinom subay sa mga bakilid sa habagatan sa siyudad sa mga Jebusihanon (kini nga siyudad mao ang Jerusalem). Unya, mitungas kini ngadto sa tumoy sa bukid atbang sa kasadpan sa Walog sa Ben Hinom, sa tumoy sa amihan sa Walog sa Refaim.