Jeremias 19:11 - Ang Pulong sa Dios

¹¹ Ingna sila nga ako, ang  Ginoo nga Makagagahom, nag-ingon, ‘Dugmokon ko ang nasod sa Juda ug ang siyudad sa Jerusalem sama nga gidugmok ang banga ug dili na maayo pa. Ipanglubong ang daghan kaayong mga patay sa Tofet hangtod nga wala nay luna nga kalubngan pa.

Ang Biblia 2011

¹¹ ug ikaw moingon kanila, ‘Mao kini ang giingon sa Ginoo sa mga panon: Busa akong pusgayon kini nga katawhan ug kining siyudad, sama sa usa ka tawo nga magpusgay ug usa ka kulon sa magkukulon nga dili na gayod matibuok pag-usab. Ang katawhan maglubong diha sa Tofet tungod kay wala nay laing dapit nga kalubngan.

Maayong Balita Biblia

¹¹ ug gipasuginlan sila nga ang Ginoo nga Labing Gamhanan nag-ingon, “Pusgayon ko kining katawhan ug kining siyudara sama sa pagpusgay mo sa tadyaw nga yuta aron dili na kini matibuok pag-usab. Adto na lamang sa Tofet ipanglubong ang mga patay nila kay wala na may igong kalubngan diha sa siyudad.

Ang Bag-ong Maayong Balita Biblia

¹¹ ug gipasuginlan sila nga ang Ginoo nga Labing Gamhanan nag-ingon, “Pusgayon ko kining katawhan ug kining siyudara sama sa pagpusgay mo sa tadyaw nga yuta aron dili na kini matibuok pag-usab. Adto na lamang sa Tofet ipanglubong ang mga patay nila kay wala na may igong kalubngan diha sa siyudad.

Jeremias 19:11 Cross References

Salmo 2:9

Imo silang gamhan, ug wala gayod kanilay makabatok sa imong pagdumala. Mahisama sila sa kolon nga imong dugmokon.’ ”

Mga Panultihon 6:15

Busa sa kalit lang laglagon sila, ug wala gayoy makatabang kanila.

Isaias 30:14

Madugmok kamo sama sa usa ka kolon nga maayong pagkapulpog, ug wala na gayoy bahin niini nga mahimong ikuhag baga gikan sa abuhan o ikabog tubig gikan sa kab-anan.”

Jeremias 13:14

unya, ipagbangga ko sila sa usag usa, ginikanan ug mga anak. Dili ako magpakita ug kaluoy sa paglaglag kanila. Ako, ang  Ginoo, ang nag-ingon niini.’ ”

Jeremias 19:12

Mao kini ang buhaton ko sa Jerusalem ug sa mga lumulupyo niini. Himuon ko kining siyudara sama sa Tofet nga hugaw.

Jeremias 19:6

Busa, pangandam kamo, kay ako, ang  Ginoo, nag-ingon nga moabot ang panahon nga ang mga tawo dili na motawag niini nga dapit nga Tofet o Walog sa Ben Hinom, kondili Kapatagan nga Gipamatay.

Jeremias 25:34

Pagminatay kamong mga pangulo. Ligid kamo sa abo sa pagpakita sa inyong kasubo. Kay miabot na ang adlaw nga pamatyon kamo nga daw mga karnero. Madugmok kamo ug makatag sama sa mahalon nga sudlanan.

Jeremias 48:38

Maniyabaw ang mga tawo diha sa atop sa ilang kabalayan ug sa mga plasa, kay gilaglag ko ang Moab sama sa pagbuak sa usa ka banga nga wala nay nagtagad.

Jeremias 51:63

Pagkahuman mo ug basa niini, hikti kinig bato ug ilabay sa Suba sa Eufrates

Mga Buhat 21:11

Giduolan niya kami ug gikuha ang bakos ni Pablo, ug gigapos niya ang iyang kaugalingong mga tiil ug mga kamot. Unya miingon siya, “Sumala sa Espiritu Santo, sama usab niini ang himuon sa mga Judio sa Jerusalem sa tag-iya niining bakos, ug itugyan dayon siya ngadto sa mga dili Judio.”