Jeremias 18:7 - Ang Pulong sa Dios

⁷ Kon moingon ako nga ang usa ka nasod o gingharian mapukan ug malaglag,

Ang Biblia 2011

⁷ Kon sa bisan unsang taknaa nga ako magpahayag mahitungod sa usa ka nasod, sa usa ka gingharian, nga akong ibton ug lampagon ug laglagon kini,

Maayong Balita Biblia

⁷ Kon moingon ako nga akong ibton, gub-on o laglagon ang usa ka nasod o gingharian

Ang Bag-ong Maayong Balita Biblia

⁷ Kon moingon ako nga akong ibton, gub-on o laglagon ang usa ka nasod o gingharian

Jeremias 18:7 Cross References

Genesis 6:6

Naguol ang Ginoo nga gibuhat niya ang tawo ug nasubo siya pag-ayo.

Jeremias 1:10

Karong adlawa hatagan ka nako ug awtoridad sa pagsulti sa mga nasod ug mga gingharian. Sultihi sila nga ang uban kanila malaglag gayod, ug ang uban kanila mobangon ug motindog pag-usab.”

Jeremias 26:3

Basin pag mamati sila kanimo ug mobiya sa ilang daotang gawi. Kon himuon nila kana, dili ko na ipadayon ang katalagman nga giplano kong ipahamtang kanila tungod sa daotan nilang mga binuhatan.

Jeremias 31:28

Kaniadto gilaglag, giguba, ug gipukan ko sila. Apan karon sigurohon ko nga mapabarog sila, ug lig-onon ko sila.” Ako, ang  Ginoo, ang nag-ingon niini.

Jeremias 42:10

‘Kon magpabilin kamo niini nga yuta pabarogon ko kamo ug lig-onon; dili ko kamo laglagon. Nasubo gayod ako sa katalagman nga gipadala ko kaninyo.

Jeremias 45:4

“Baruc, miingon ang  Ginoo nga sultihan ka niini, ‘Gub-on ko ang nasod nga akong gitukod. Ibton ko ang akong tinanom. Himuon ko usab kini sa tibuok yuta.

Ezequiel 33:14

Ug kon moingon ako sa daotan nga tawo nga sigurado nga mamatay siya, apan human niana mibiya siya sa iyang daotan nga binuhatan ug naghimo sa husto ug matarong,

Daniel 11:4

Sa dihang gamhanan na gayod siya kaayo, mabungkag ang iyang gingharian ug mabahin sa upat ka direksyon sa kalibotan, apan dili ang iyang mga kaliwat ang maghari niini. Ang mopuli nga mga hari dili mahimong sama kaniya kagamhanan. Sa pagkatinuod kuhaon ang iyang gingharian ug ihatag sa uban.

Amos 9:8

“Ako, ang Ginoong Dios, naniid sa inyong daotan nga gingharian, ug wagtangon ko kamo sa kalibotan. Apan dili ko laglagon sa hingpit ang mga kaliwat ni Jacob,” miingon ang  Ginoo niini.

Jonas 3:10

Sa dihang nakita sa Dios ang ilang gihimo ug giunsa nila pagbiya sa ilang daotan nga kinabuhi, Gibati siya ug kaluoy busa nausab ang iyang huna-huna ug wala na niya sila laglaga sumala sa iyang giingon nga buhaton.

Jonas 3:4

Misulod si Jonas sa Nineve. Ug human sa usa ka adlaw nga pagbaktas, miingon siya sa mga katawhan, “40 na lang ka adlaw ang nabilin ug laglagon na ang Nineve!”