Jeremias 18:6 - Ang Pulong sa Dios

⁶ “O katawhan sa Israel, dili ko ba mahimo kaninyo ang gihimo sa tighimog kolon ngadto sa yutang kolonon? Sama ra usab kamo sa yutang kolonon sa akong mga kamot.

Ang Biblia 2011

⁶ “O balay sa Israel, dili ba nako mahimo kanimo ang gihimo niining magkukulon? nag-ingon ang Ginoo. Sama sa yutang kulonon nga anaa sa kamot sa magkukulon, mao usab ikaw dinhi sa akong kamot, O balay sa Israel.

Maayong Balita Biblia

⁶ “Dili ba mahimo ko kaninyo, katawhan sa Israel, ang gihimo sa tighimog kulon? Kamo ania sa akong kamot sama sa minasang yuta diha sa kamot sa tighimog kulon. Ako, ang Ginoo, maoy nag-ingon niini.

Ang Bag-ong Maayong Balita Biblia

⁶ “Dili ba mahimo ko kaninyo, katawhan sa Israel, ang gihimo sa tighimog kulon? Kamo ania sa akong kamot sama sa minasang yuta diha sa kamot sa tighimog kulon. Ako, ang Ginoo, maoy nag-ingon niini.

Jeremias 18:6 Cross References

Isaias 45:9

“Alaot ang makiglalis sa Dios nga iyang Magbubuhat. Sama lang siya sa kolon. Makareklamo ba ang yuta sa magkukolon kon unsay iyang himuon? O makareklamo ba siya nga kulang sa kahanas ang magkukolon?

Isaias 64:8

Apan sa gihapon ikaw ang among Amahan, Ginoo. Sama ikaw sa magkukolon, ug kami sama sa lapok. Ikaw ang naghimo kanamong tanan.

Jeremias 18:4

Kon dili gani maayo ang porma sa kolon nga iyang gihimo, usbon niya kini ug hulmahon ngadto sa porma nga iyang maangayan.

Jeremias 18:5

Unya miingon ang  Ginoo kanako,

Daniel 4:23

“Nakita mo usab, Mahal nga Hari, ang usa ka anghel nga nanaog gikan sa langit ug miingon, ‘Putla ninyo ang kahoy apan pasagdi lang ninyo ang tuod ug gamot nga hiniktan ug puthaw ug bronsi, taliwala sa mga sagbot diha sa yuta. Pasagdi siya nga mabasa sa yamog ug mokaon uban sa ihalas nga mga mananap sulod sa pito ka tuig.’

Mateo 20:15

Dili ba makabuot man ako kon unsa ang akong buhaton sa akong kuwarta? Basin nasina ka lang tungod kay maayo ako kanila.’ ”

Roma 11:34

Giingon sa Kasulatan: “Walay nasayod sa huna-huna sa Ginoo, ug walay makatudlo kaniya kon unsa ang iyang angayng buhaton.”