Jeremias 17:7 - Ang Pulong sa Dios

⁷ “Apan bulahan ang tawo nga nagsalig ug naglaom kanako.

Ang Biblia 2011

⁷ “Bulahan ang tawo nga nagsalig sa Ginoo nga ang pagsalig mao ang Ginoo.

Maayong Balita Biblia

⁷ “Apan panalanginan ko ang tawo nga mosalig kanako.

Ang Bag-ong Maayong Balita Biblia

⁷ “Apan panalanginan ko ang tawo nga mosalig kanako.

Jeremias 17:7 Cross References

Salmo 125:1

Ang mga tawo nga nagsalig sa Ginoo sama sa Bukid sa Zion nga dili matarog, kondili magpabilin sa walay kataposan.

Salmo 146:5

Bulahan ang tawo kansang magtatabang mao ang Dios ni Jacob, kansang pagsalig anaa sa Ginoo nga iyang Dios,

Salmo 2:12

Tahora ninyo ang hari nga iyang pinili, kay kon dili, masuko siya, ug diha-diha laglagon kamo niya. Bulahan kadtong mga tawo nga nagdangop sa Ginoo.

Salmo 20:8

Sila nga nagsalig sa mga karwahi ug kabayo mangalaglag apan kami modaog ug magpabilin nga lig-on.

Salmo 34:8

Sulayi ninyo ug inyong makita kon unsa kamaayo ang  Ginoo. Bulahan ang tawo nga nagdangop kaniya.

Salmo 40:4

Bulahan ang tawo nga nagsalig sa Ginoo, ug dili modangop sa mga garboso nga nagsunod sa bakak.

Salmo 71:5

Kay ikaw ang akong paglaom, Ginoong Dios. Sukad sa bata pa ako, misalig na ako kanimo.

Salmo 84:12

O Ginoo nga Makagagahom, bulahan ang nagsalig kanimo.

Mga Panultihon 16:20

Ang tawo nga mamati kon tudloan mouswag. Bulahan ang tawo nga nagsalig sa Ginoo.

Isaias 30:18

Apan naghulat ang  Ginoo nga moduol kamo kaniya aron ikapakita niya ang iyang kaluoy kaninyo. Andam siya mopakita sa iyang pagkahangawa kaninyo. Kay ang  Ginoo matarong nga Dios, ug bulahan ang tanang nagsalig kaniya.

Jeremias 39:18

Luwason ko gayod ikaw. Dili ka mamatay sa gira, tungod kay misalig ka kanako. Ako, ang  Ginoo, ang nag-ingon niini.’ ”

Daniel 3:28

Tungod niadto miingon ang hari, “Dalaygon ang Dios nila ni Shadrach, Meshach, ug Abednego. Gipadala niya ang iyang anghel aron luwason ang iyang mga alagad nga misalig kaniya. Wala sila mosunod sa akong sugo nga mosimba sa estatuwa, ug mas gipalabi pa nila nga ilabay sila sa kalayo kaysa mosimba sa bisan unsang dios gawas sa ilang Dios.

Sofonias 3:12

Apan akong ibilin diha kaninyo ang mga lumo ug mapainubsanon. Ang salin sa Israel mosalig sa pangalan sa Ginoo.

Mga Taga-Efeso 1:12

aron nga kami nga unang naglaom kang Cristo magdayeg kaniya.