Jeremias 16:10 - Ang Pulong sa Dios

¹⁰ “Kon isulti mo kini sa mga tawo, mangutana sila, ‘Unsay sala nga nahimo namo ngadto sa Ginoo nga atong Dios nga gipasidan-an man kami niya nga adunay moabot kanamo nga dakong katalagman?’

Ang Biblia 2011

¹⁰ “Ug sa diha nga sultihan nimo kining katawhan niining tanan nga mga pulong, ug sila moingon kanimo, ‘Ngano man nga ang Ginoo nagpadayag niining tanan nga dagkong kadaot batok kanamo? Unsay among kalapasan? Unsay among sala nga nahimo batok sa Ginoo nga among Dios?’

Maayong Balita Biblia

¹⁰ “Inighisgot mo niining mga butanga ngadto sa katawhan, mangutana sila kanimo nganong silotan ko man sila ug ingon niini kapait. Mangutana sila kon unsa ang mga kalapasan o buhat nga daotan nga ilang nahimo batok sa Ginoo nga ilang Dios.

Ang Bag-ong Maayong Balita Biblia

¹⁰ “Inighisgot mo niining mga butanga ngadto sa katawhan, mangutana sila kanimo nganong silotan ko man sila ug ingon niini kapait. Mangutana sila kon unsa ang mga kalapasan o buhat nga daotan nga ilang nahimo batok sa Ginoo nga ilang Dios.

Jeremias 16:10 Cross References

Jeremias 11:17

Ang Ginoo nga Makagagahom maoy nagtukod sa Juda ug Israel, apan karon nagmando siya nga laglagon kini tungod sa daotan ninyong binuhatan. Gipalagot ninyo siya pinaagi sa pagsunog ug insenso ngadto kang Baal.

Jeremias 13:22

Mangutana ka sa imong kaugalingon, “Nganong nahitabo kini kanako?” Gilaglag ka ug nahisama sa usa ka babayeng gipanamastamasan tungod sa imong daghang mga sala.

Jeremias 2:23

“Nganong moingon man kamo nga wala kamo makasala ug wala kamo magsimba sa mga imahen ni Baal? Tan-awa kon unsa nga mga pagpakasala ang gihimo ninyo didto sa walog sa Hinnom. Huna-hunaa ang sala nga inyong nahimo. Sama kamo sa usa ka dumalagang kamelyo nga dili mahimutang sa panahon sa pagpanguwag.

Jeremias 2:35

moingon pa gihapon kamo, ‘Wala kamiy nahimong sala. Busa dili masuko ang  Ginoo kanamo.’ Apan silotan ko kamo tungod sa inyong pag-ingon nga wala kamoy sala.

Jeremias 44:3

tungod sa kadaotang gihimo sa ilang mga lumulupyo. Gipalagot nila ako pinaagi sa pagsunog ug insenso ug pagsimba sa ubang mga dios nga wala gani nila o sa ilang mga katigulangan mailhi.

Jeremias 5:19

Ug kon mangutana ang mga tawo, ‘Nganong gibuhat man kining tanan sa Ginoo nga atong Dios kanato?’ Ingna sila, ‘Kay gisalikway ninyo ang  Ginoo ug nag-alagad kamo sa ubang mga dios diha mismo sa inyong kaugalingong yuta. Busa karon mag-alagad kamo sa mga langyaw, sa yuta nga dili inyo.’

Jeremias 9:11

Kay miingon ang  Ginoo, “Laglagon ko ang Jerusalem, ug mahimo na lang kining puloy-anan sa ihalas nga mga iro. Himuon kong awaaw ang mga lungsod sa Juda ug wala nay magpuyo didto.”

Oseas 12:8

Mapasigarbohon pa kamong mga taga-Israel nga moingon, “Nakatigom kami ug bahandi alang sa among kaugalingon ug labihan na namo ka adunahan. Walay makaakusar nga naangkon namo ang among bahandi sa daotang paagi, ug wala kami nahimong sala.”