Jeremias 15:9 - Ang Pulong sa Dios

⁹ Malipong ug halos dili na makaginhawa ang inahan nga mamatyan ug pito ka anak nga lalaki. Ang iyang mga anak pareha sa adlaw nga misalop ug sayo. Maulawan gayod siya kay mawad-an siyag mga anak. Ug ang mahibiling buhi ipapatay ko pa sa ilang mga kaaway. Ako, ang  Ginoo, ang nag-ingon niini.”

Ang Biblia 2011

⁹ Siya nga nanganak ug pito nagkaluya; siya nakuyapan; ang iyang adlaw misalop na samtang adlawan pa, naulawan siya ug giayran. Ug ang mahibilin kanila akong itugyan ngadto sa espada atubangan sa ilang mga kaaway, nag-ingon ang Ginoo.”

Maayong Balita Biblia

⁹ Ang inahan nga namatyag pito ka anak gikuyapan ug naglisod sa pagginhawa. Ang adlaw daw gabii alang kaniya, naulawan siya ug naguol pag-ayo. Ang pipila kaninyo nga buhi pa ipapatay ko sa inyong mga kaaway. Ako, ang Ginoo, ang nagsulti niini.”

Ang Bag-ong Maayong Balita Biblia

⁹ Ang inahan nga namatyag pito ka anak gikuyapan ug naglisod sa pagginhawa. Ang adlaw daw gabii alang kaniya, naulawan siya ug naguol pag-ayo. Ang pipila kaninyo nga buhi pa ipapatay ko sa inyong mga kaaway. Ako, ang Ginoo, ang nagsulti niini.”

Jeremias 15:9 Cross References

Isaias 47:9

Apan sa kalit lang, mahitabo kini kanimo. Mabalo ka ug mawad-ag mga anak. Mahitabo gayod kining tanan kanimo bisag daghan ka pag nahibaloang pagpamarang ug gamhanang mga lamat.

Jeremias 19:7

Dinhi mismo niining dapita gub-on ko ang plano sa mga tawo sa Jerusalem ug sa ubang bahin sa Juda. Ipapatay ko sila sa ilang mga kaaway pinaagi sa gira, ug ipakaon ko ang ilang mga patayng lawas ngadto sa mga langgam ug sa mga ihalas nga hayop.

Jeremias 21:7

Unya, ikaw Zedekia nga hari sa Juda, ug ang imong mga opisyal, ug ang mga tawong nahibilin nga wala mangamatay sa balatian, sa gira, ug sa kagutom, itugyan ko kang Nebucadnezar nga hari sa Babilonia ug sa uban pa ninyong mga kaaway nga nagtinguha sa inyong kinabuhi. Pamatyon kamo ni Nebucadnezar nga walay kaluoy. Ako, ang  Ginoo, ang nag-ingon niini.

Jeremias 44:27

Kay imbis nga bantayan ko kamo alang sa inyong kaayohan, silotan ko kamo. Mangamatay kamo sa Ehipto pinaagi sa gira o kagutom hangtod nga wala nay mahibilin kaninyo.

Jeremias 50:12

Apan pakaulawan ko gayod ang inyong nasod. Mahimo kining labing ubos sa tanang nasod, ug mahimong usa ka awaaw ug disyerto.

Jeremias 6:4

“Moingon ang mga komander, ‘Pangandam kamo sa pagsulong sa Jerusalem. Sulongon nato sila sa udto.’ Apan sa dihang hapon na, moingon ang mga komander, ‘Hala! Gasalop na man ang adlaw ug hapit nang mongitngit.

Jeremias 7:19

Apan ako bay madaot? Dili! Sila mismo ang madaot ug maulawan niini.

Mga Pagbangotan 1:1

Pagkamingaw sa Jerusalem, nga kaniadto daghag mga tawo! Bantogan kini kaniadto sa tibuok kalibotan, apan karon sama na sa usa ka biyuda. Kaniadto mao kini ang bantugan nga siyudad, apan karon sama na kini sa ulipon.

Mga Pagbangotan 4:10

Tungod sa labihan nga kagutom nga bunga sa kalaglagan nga miabot sa akong mga katawhan, bisan ang mahigugmaong mga inahan miluto sa ilang kaugalingong mga anak aron kan-on.

Ezequiel 5:12

Bahinon ko kamo sa tulo ka bahin. Ang unang bahin mangamatay diha sa siyudad pinaagi sa kagutom ug mga sakit. Ang ikaduhang bahin mangamatay sa gawas sa siyudad pinaagi sa espada. Ug ang ikatulong bahin katagon ko sa tibuok kalibotan ug padayon ko silang lisod-lisoron.

Ezequiel 5:13

“Kon mahitabo na kini, mahuwasan na ako sa akong labihan nga kasuko kaninyo, ug makabalos na ako. Kon mapatagamtam ko na kaninyo ang akong kapungot, mahibaloan ninyo nga ako, ang  Ginoo, nakigsulti kaninyo pinaagi sa akong labihang pagbati kaninyo.

1 Samuel 2:5

Ang mga haruhay kaniadto nagpasuhol na karon aron lang makakaon. Apan ang mga gutom kaniadto haruhay na karon. Ang baog kaniadto karon daghan na ug anak. Apan ang daghan ug mga anak kaniadto nag-inusara na karon.