Jeremias 15:7 - Ang Pulong sa Dios

⁷ Silotan ko kamo didto sa mga ganghaan sa lungsod pinaagi sa pagpatibulaag kaninyo sama sa tahop nga gipalid sa hangin. Laglagon ko kamo ug ang inyong mga kabataan, tungod kay wala kamo mobiya sa inyong daotang binuhatan.

Ang Biblia 2011

⁷ Gialig-ig nako sila pinaagi sa igpapalid diha sa mga ganghaan sa yuta; gipasubo nako sila, akong gilaglag ang akong katawhan; wala sila mobiya sa ilang mga pamaagi.

Maayong Balita Biblia

⁷ Sama sa uhot ipapadpad ko kamo sa hangin diha sa tanang kalungsoran sa tibuok nasod. Gilaglag ko kamong akong katawhan lakip ang inyong mga anak kay wala man kamo mohunong sa daotan ninyong mga buhat.

Ang Bag-ong Maayong Balita Biblia

⁷ Sama sa uhot ipapadpad ko kamo sa hangin diha sa tanang kalungsoran sa tibuok nasod. Gilaglag ko kamong akong katawhan lakip ang inyong mga anak kay wala man kamo mohunong sa daotan ninyong mga buhat.

Jeremias 15:7 Cross References

Salmo 1:4

Apan dili ingon niana ang mga tawong daotan; sama sila sa tahop nga paliron lang sa hangin.

Isaias 41:16

Taphan mo sila ug ilupad sila sa hangin; ikatag sila sa alimpulos. Apan ikaw maglipay sa Ginoo; magdayeg ka sa Balaan nga Dios sa Israel.

Isaias 9:12

Laglagon ang Israel sa mga Aramehanon nga gikan sa sidlakan ug sa mga Filistihanon nga gikan sa kasadpan, nga sama sa mabangis nga mananap, andam na sa pagtukob sa Israel. Apan ang kasuko sa Ginoo dili pa gayod mahupay. Andam pa gihapon siya sa pagsilot kanila.

Isaias 9:13

Apan ang katawhan sa Israel dili gihapon mobalik sa Ginoo nga Makagagahom nga nagsilot kanila.

Jeremias 18:21

Apan karon, pasagdi nga mangamatay ang ilang kabataan sa kagutom ug sa gira. Pasagdi nga mabiyuda nga mawad-an ug mga anak ang ilang mga asawa. Pasagdi nga mangamatay ang ilang mga lalaki sa balatian ug ang ilang mga batan-on sa gira.

Jeremias 5:3

O Ginoo, dili ba nga nangita ka ug tawong kasaligan? Gisakit mo ang imong katawhan, apan wala sila masakiti niini. Gisilotan mo sila, apan dili sila gustong magpadisiplina. Gahi na kaayo silag ulo, ug nagdumili sila sa paghinulsol.

Jeremias 51:2

Magpadala akog mga langyaw nga mosulong sa Babilonia. Laglagon nila kini nga daw sa nagpalid silag tahop. Sulongon nila gikan sa nagkalain-laing bahin ang Babilonia sa adlaw sa paglaglag.

Jeremias 9:21

Miabot ang kamatayon sa atong panimalay ug sa lig-ong mga bahin sa atong lungsod. Gipamatay ang mga kabataan nga nagdula sa kadalanan ug ang mga batan-ong lalaki diha sa mga plasa.

Ezequiel 24:25

Nagpadayon sa pagsulti ang  Ginoo kanako, “Tawo, sa panahon nga gub-on ko na ang Templo nga ilang dalangpanan, nga ilang gipasigarbo, gipakamahal, ug gikalipay, ug kon pamatyon ko na ang ilang mga kabataan,

Ezequiel 36:12

Ibalik ko ang akong katawhan nga mga Israelinhon diha kaninyo. Panag-iyahon nila kamo, ug dili na gayod ninyo kuhaon pag-usab ang ilang mga kabataan.’ ”

Zacarias 1:4

Ayaw pagpakasama sa inyong mga katigulangan, diin ang nahaunang mga propeta nagdeklarar: Mao kini ang giingon sa Makagagahom nga Ginoo ‘Talikdi ang inyong daotang pamaagi ug binuhatan.’ Apan dili sila maminaw kanako, nag-ingon ang  Ginoo.

Mateo 3:12

Sama siya sa tawo nga nagpalid sa iyang giani aron ilain ang timgas gikan sa uhot. Ang trigo ibutang niya sa bodega, apan ang uhot sunogon niya sa kalayo nga dili gayod mapalong.”

Deuteronomio 28:18

“Panghimaraoton niya kamo pinaagi sa paghatag kaninyo ug gamay ra nga mga anak, mga abot, ug mga kahayopan.

Deuteronomio 28:32

Samtang nagtan-aw kamo, dad-on ang inyong mga anak ingon nga mga ulipon sa ubang mga nasod, ug adlaw-adlaw kamong maghulat kanila, apan wala kamoy mahimo.

Deuteronomio 28:41

Manganak kamo, apan dili sila magpabilin kaninyo kay bihagon sila.