Jeremias 15:1 - Ang Pulong sa Dios

¹ Miingon ang  Ginoo kanako, “Bisan pag magpakiluoy si Moises ug si Samuel kanako alang niining mga tawhana, dili ko gayod sila kaloy-an. Busa papahawaa sila sa akong atubangan. Ipalayo sila gikan kanako!

Ang Biblia 2011

¹ Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Maayong Balita Biblia

¹ Unya miingon kanako ang Ginoo, “Bisan pag sila si Moises ug si Samuel maoy moatubang ug mangaliyupo kanako, dili ko gayod kaluy-an kining mga tawhana. Papahawaa sila sa akong atubangan!

Ang Bag-ong Maayong Balita Biblia

¹ Unya miingon kanako ang Ginoo, “Bisan pag sila si Moises ug si Samuel maoy moatubang ug mangaliyupo kanako, dili ko gayod kaluy-an kining mga tawhana. Papahawaa sila sa akong atubangan!

Jeremias 15:1 Cross References

Genesis 19:27

Sayo pa kaayo nianang pagkasunod adlaw, miadto si Abraham sa dapit diin nakigsulti siya sa Ginoo.

2 Mga Hari 17:20

Busa gisalikway sa Ginoo ang tanang mga kaliwat ni Israel. Gisilotan niya sila pinaagi sa pagtugyan kanila sa mga nanulong kanila hangtod nga nahanaw sila sa iyang presensya.

Salmo 106:23

Laglagon na unta sa Dios ang iyang katawhan kon wala pa magpataliwala si Moises nga iyang alagad, ug mihangyo nga isalikway ang iyang kasuko ug dili ipadayon ang paglaglag kanila.

Salmo 99:6

Si Moises ug si Aaron ang duha sa iyang mga pari, ug si Samuel ang usa sa mga nag-ampo ngadto kaniya. Mitawag sila kaniya ug gitubag niya sila.

Mga Panultihon 14:35

Makapalipay sa hari ang maalamon nga sulugoon, apan kapungtan niya ang sulugoon nga nagpakaulaw kaniya.

Jeremias 10:18

Kay mao kini ang giingon sa Ginoo, “Paminaw! Papahawaon ko kamo niining yutaa. Paantuson ko kamo aron nga matagamtaman ninyo ang akong kasuko.”

Jeremias 11:14

“Busa Jeremias, ayaw pag-ampo alang niining mga tawhana. Ayaw pagpakiluoy kanako alang kanila kay dili ko sila paminawon kon manawag sila kanako sa panahon sa ilang kalisod.

Jeremias 14:11

Unya miingon ang  Ginoo kanako, “Ayaw pag-ampo alang sa kaayohan niining mga tawhana.

Jeremias 14:12

Bisan magpuasa pa sila, dili ko paminawon ang ilang pagpangayog tabang kanako. Bisan ug maghalad pa silag halad nga sinunog ug halad sa pagpasidungog kanako, dili ko kini dawaton. Pamatyon ko hinuon sila pinaagi sa gira, kagutom, ug mga katalagman.”

Jeremias 15:19

Busa miingon ang  Ginoo kanako, “Kon maghinulsol ka, pabalikon ka nako kanako aron padayon ka nga makaalagad kanako. Kon mga pulong nga mapuslanon ang imong isulti ug dili mga pulong nga walay pulos, himuon ka nako nga akong tigpamaba. Kinahanglan nga sila ang modangop kanimo, ug dili kay ikaw ang modangop kanila.

Jeremias 16:13

Busa abugon ko kamo gikan niini nga yuta ngadto sa yuta nga wala kamo o ang inyong mga katigulangan masuhito. Didto mag-alagad kamo sa ubang mga dios-dios adlaw ug gabii, ug dili ko gayod kamo kaloy-an.

Jeremias 16:5

Miingon pa gayod ang  Ginoo, “Ayaw pagsulod sa balay diin adunay pagbangotan alang sa patay. Ayaw pagbangotan o pagpakita sa imong kaluoy alang kanila, kay gibawi ko na ang akong kaayo, paghigugma, ug kaluoy niining mga tawhana.

Jeremias 18:20

Maayo ang gihimo ko kanila; angay bang balosan ug daotan ang maayo? Nagkalot sila ug bangag alang kanako, bisan pag miduol ako kanimo sa paghangyo nga dili mo ipahamtang kanila ang imong kasuko.

Jeremias 22:28

Jehoyakin, nahisama ka sa buak nga kolon nga gilabay kay dili na mapuslan. Mao kana ang hinungdan kon nganong ikaw ug ang imong mga kabataan bihagon ngadto sa dapit nga wala kamo masuhito.

Jeremias 23:39

kalimtan ka nako sa dayon ug abugon sa akong presensya. Ug pasagdan ko kining siyudad nga gihatag ko sa inyong mga katigulangan.

Jeremias 35:19

busa nagsaad ako nga si Jonadab nga anak ni Recab dili mawad-an ug kaliwat nga mag-alagad kanako. Ako, ang  Ginoo nga Makagagahom, ang Dios sa Israel, ang nag-ingon niini.’ ”

Jeremias 52:3

Busa gipapahawa sa Ginoo sa iyang presensya ang mga taga-Jerusalem ug ang mga taga-Juda. Nahitabo kini tungod sa kasuko sa Ginoo kanila. Unya nagrebelde si Zedekia batok sa hari sa Babilonia.

Jeremias 9:19

Paminawa ang pagminatay didto sa Jerusalem. Nag-ingon ang mga tawo, ‘Nalaglag kita! Makauulaw kining nahitabo kanato! Kinahanglang biyaan ta ang atong yuta kay gipangguba ang atong mga balay!’ ”

Ezequiel 14:14

Bisan pag anaa uban kanila si Noe, si Daniel, ug si Job, sila lang ang maluwas tungod sa ilang pagkamatarong. Ako, ang Ginoong Dios, ang nag-ingon niini.

Ezequiel 22:30

“Nangita akog usa ka tawo nga makapanalipod sa siyudad ug makapataliwala kanako ug sa mga tawo aron dili ko gub-on kini nga siyudad, apan wala gayod akoy nakita.

Oseas 9:15

Miingon ang  Ginoo, “Ang tanang kadaotan sa akong mga katawhan nagsugod sa Gilgal. Didto pa lang gikapungtan ko na sila. Tungod sa ilang kadaotan papahawaon ko sila sa Israel nga giisip ko nga akong puloy-anan. Dili ko na sila higugmaon tungod kay ang tanan nilang mga pangulo mga gahig ulo.

Zacarias 3:3

Hugaw ang bisti ni Josue samtang nagtindog siya atubangan sa anghel.

Deuteronomio 9:26

Nag-ampo ako sa Ginoo, ‘O Ginoong Dios, ayaw laglaga ang katawhan nga imong gipanag-iya. Giluwas mo sila ug gipagawas gikan sa Ehipto pinaagi sa imong gahom.

Mga Hebreo 9:24

Kay si Cristo wala mosulod sa balaan nga lugar nga hinimo lang sa tawo nga hulagway lang sa atua sa langit kondili sa langit mismo siya misulod. Ug karon atua siya didto nangatubang sa Dios alang kanato.

Mga Maghuhukom 5:9

Nalipay ako sa mga pangulo sa Israel ug sa katawhan nga malipayon nga mihatag sa ilang kaugalingon. Dayegon ang Ginoo!

1 Samuel 12:19

Miingon sila kang Samuel, “I-ampo sa Ginoo nga imong Dios nga dili kami mangamatay, kay gidugangan namo ang among mga sala pinaagi sa pagpangayo ug hari.”

1 Samuel 12:23

“Sa akong kabahin, nag-ampo gayod ako kanunay sa Ginoo alang kaninyo, kay kon dili ko kini himuon, makasala ako sa Ginoo. Ug tudloan ko kamo sa pagkinabuhi nga maayo ug husto.

1 Samuel 7:9

Busa nagkuha si Samuel ug masuso pa nga karnero ug gisunog niya kini nga tibuok isip halad nga sinunog ngadto sa Ginoo. Nangayo siyag tabang sa Ginoo alang sa Israel ug gitubag siya sa Ginoo.