Jeremias 14:8 - Ang Pulong sa Dios

⁸ Ikaw lang ang paglaom sa Israel, ug ang iyang manluluwas sa panahon sa kalisdanan. Nganong daw nahimo ka man nga usa ka dumuduong dinhi sa among nasod? Nganong daw nahimo kang usa ka biyahedor nga mihapit lamang aron sa pagpalabay sa kagabhion?

Ang Biblia 2011

⁸ O ikaw nga paglaom sa Israel, ang manluluwas niini panahon sa kasamok, ngano nga nahisama man ikaw sa usa ka dumuduong sa yuta, sama sa usa ka magpapanaw nga magpalabay lamang sa kagabhion?

Maayong Balita Biblia

⁸ Ikaw lamang ang paglaom sa Israel, ikaw lang ang makaluwas kanamo gikan sa among kalisdanan. Ngano ba nga sama ka mag dumuduong dinhi sa among nasod, daw magpapanaw nga mipahulay lamang sa usa ka gabii?

Ang Bag-ong Maayong Balita Biblia

⁸ Ikaw lamang ang paglaom sa Israel, ikaw lang ang makaluwas kanamo gikan sa among kalisdanan. Ngano ba nga sama ka mag dumuduong dinhi sa among nasod, daw magpapanaw nga mipahulay lamang sa usa ka gabii?

Jeremias 14:8 Cross References

Salmo 10:1

Ginoo, nganong nagpalayo ka man? Nganong motago ka man sa panahon sa among mga kalisod?

Salmo 138:7

Bisan anaa ako taliwala sa kasamok ug kalisod, ginatipigan mo ang akong kinabuhi. Ginasilotan mo ang masuk-anon kong mga kaaway, ug ginaluwas mo ako pinaagi sa imong gahom.

Salmo 46:1

Ang Dios mao ang atong kusog ug tigpanalipod. Andam gayod siya kanunay sa pagtabang sa panahon sa kalisod.

Salmo 46:2

Busa dili kita mahadlok bisan pag matay-og ang yuta ug mangatumpag ang mga bukid ngadto sa kinahiladman sa dagat,

Salmo 50:15

Tawag kamo kanako sa panahon sa kalisod, kay luwason ko kamo, ug dayegon ninyo ako.”

Salmo 71:5

Kay ikaw ang akong paglaom, Ginoong Dios. Sukad sa bata pa ako, misalig na ako kanimo.

Salmo 9:9

Ginoo, ikaw ang tigpanalipod sa mga dinaog-daog ug dalangpanan panahon sa kalisod.

Salmo 91:15

Kon motawag siya kanako, tubagon ko siya; kon anaa siya sa kalisod, ubanan ko siya; luwason ko siya ug pasidunggan.

Isaias 33:2

Ginoo, kaloy-i kami. Nagsalig kami kanimo. Lig-ona kami matag adlaw, ug luwasa kami sa panahon sa kalisod.

Isaias 43:11

Ako lang gayod ang  Ginoo. Gawas kanako, wala nay lain pa nga Manluluwas.

Isaias 43:3

Kay ako ang  Ginoo nga imong Dios, ang Balaang Dios sa Israel, nga imong Manluluwas. Itugyan ko sa ubang nasod ang Ehipto, Etiopia, ug Seba puli kanimo.

Isaias 45:15

O Dios ug Manluluwas sa Israel, tinuod nga ikaw Dios nga dili magpakita sa imong kaugalingon.

Isaias 45:21

Pagsabot kamo, ug ipadayag ninyo ang inyong katarungan. Kinsa ang nagtagna kaniadto sa mga butang nga mahitabo? Dili ba ako, ang  Ginoo? Wala nay lain nga Dios ug Manluluwas gawas kanako.

Isaias 63:8

Miingon ang  Ginoo, “Tinuod gayod nga sila ang akong katawhan; mga anak ko sila nga dili moluib kanako.” Busa giluwas niya sila.

Jeremias 16:19

Nag-ingon ako, “O Ginoo, ikaw ang akong kusog ug dalangpanan sa panahon sa kalisod. Moduol kanimo ang mga nasod nga naggikan sa tibuok kalibotan ug moingon, ‘Walay pulos ang mga dios-dios sa among mga katigulangan. Wala gayod kini nahimong kaayohan kanila.

Jeremias 17:13

Ikaw Ginoo, ang paglaom sa Israel. Maulawan gayod ang tanang mibiya kanimo. Ilubong gayod sila sa yuta kay gisalikway ka nila, ang tuboran nga naghatag ug kinabuhi.

Jeremias 30:7

Pagkamakalilisang unya nianang adlawa! Wala gayod kini sama. Panahon kini sa kalisod alang sa mga kaliwat ni Jacob, apan maluwas sila gikan niini.

Jeremias 50:7

Atakihon sila sa makakita kanila. Moingon ang ilang mga kaaway, ‘Nakasala sila sa Ginoo nga maoy ilang tinuod nga tig-atiman ug ang paglaom sa ilang mga katigulangan, busa wala kitay tulubagon sa atong pag-ataki kanila.’

Joel 3:16

Mongulob ang  Ginoo gikan sa Zion; ang iyang tingog modahunog gikan sa Jerusalem. Ug tungod niini mouyog ang kalibotan ug ang kalangitan. Apan lig-on nga dalangpanan ang  Ginoo alang sa mga Israelinhon nga iyang katawhan.

Zacarias 9:12

Kamong mga nabihag nga naglaom, balik na kamo sa dapit diin luwas kamo sa katalagman. Karon sultihan ko kamo nga ibalik ko nga doble ang nawala kaninyo.

Mga Buhat 28:20

Mao kini nga gipatawag ko kamo, aron makasulti ako kaninyo, kay kinadenahan ako karon tungod kay nagtuo ako sa gilaoman sa katawhan sa Israel.”

1 Timoteo 1:1

Gikan kang Pablo nga apostol ni Cristo Jesus sumala sa sugo sa Dios nga atong Manluluwas ug ni Cristo Jesus nga mao ang atong paglaom.

Mga Maghuhukom 19:17

Sa dihang nakita sila niining tigulanga, miduol kini kanila ug nangutana, “Taga-asa kamo ug asa kamo paingon?”