Jeremias 14:18 - Ang Pulong sa Dios

¹⁸ Kon moadto ako sa kaumahan ug mga lungsod, makita ko ang mga patayng lawas sa nangamatay sa gira ug kagutom. Ang mga propeta ug mga pari nagpadayon sa ilang buluhaton, apan wala sila masayod kon unsa ang ilang gibuhat.’ ”

Ang Biblia 2011

¹⁸ Kon ako moadto sa kapatagan, anaa ang nangamatay sa espada! Ug kon ako mosulod sa siyudad, anaa ang mga sakit tungod sa gutom! Kay ang propeta ug ang pari mipadayon sa ilang buhat sa yuta, ug walay kahibalo.’ ”

Maayong Balita Biblia

¹⁸ Kon moadto ako sa kaumahan, makita ko ang mga patayng lawas niadtong nangamatay sa gubat, ug kon moadto ako sa kalungsoran, makita ko ang mga tawo nga himalatyon sa gutom. Nagpadayon ang mga propeta ug ang mga pari sa ilang buhat apan wala sila masayod sa ilang gibuhat.”

Ang Bag-ong Maayong Balita Biblia

¹⁸ Kon moadto ako sa kaumahan, makita ko ang mga patayng lawas niadtong nangamatay sa gubat, ug kon moadto ako sa kalungsoran, makita ko ang mga tawo nga himalatyon sa gutom. Nagpadayon ang mga propeta ug ang mga pari sa ilang buhat apan wala sila masayod sa ilang gibuhat.”

Jeremias 14:18 Cross References

Isaias 22:2

Nagkagubot ug naninggit ang mga tawo sa tibuok nga siyudad. Ang nangamatay kaninyo wala mamatay pinaagi sa gira.

Isaias 28:7

Apan karon nagsusapinday sa kahubog ang mga pari ug mga propeta. Ang mga propeta nagkasinayop na sa ilang pagsabot sa mga panan-awon, ug ang mga pari nagkapandol sa ilang paghukom.

Jeremias 2:8

Bisan ang mga pari wala mangita kanako. Ang mga magtutudlo sa balaod wala makaila kanako. Ang mga pangulo nagrebelde kanako. Ang mga propeta nagsulti ug mga mensahe sa ngalan ni Baal, ug nagsunod sa mga dios-dios nga walay pulos.

Jeremias 23:21

Wala ko gipadala kini nga mga propeta, apan nagdali sila sa paglakaw. Wala ako makigsulti kanila, apan nanagna sila.

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Jeremias 6:13

“Gikan sa labing ubos hangtod sa labing dungganon, nanikas sila aron makakuwarta. Bisan mga propeta ug mga pari nagpangilad usab.

Jeremias 6:25

Ayaw kamo pag-adto sa mga uma o paglakaw sa mga dalan, kay adunay mga kaaway nga andam nga mopatay. Anaa ang kakuyaw sa palibot.

Jeremias 8:10

Busa ihatag ko sa ubang mga tawo ang ilang mga asawa ug mga uma. Tungod kay silang tanan, gikan sa labing ubos hangtod sa labing dungganon, nanglimbong aron makasapi. Bisan mga propeta ug mga pari nanglimbong usab.

Mga Pagbangotan 1:20

“Sud-onga, Ginoo, ang akong kasakit! Labihan gayod ang akong kaguol. Daw sa gikumot ang akong kasing-kasing tungod kay nagmasinupakon ako kanimo. Adunay pagpinatyanay sa mga kadalanan, ug bisan sa sulod sa mga balay adunay nangamatay.

Mga Pagbangotan 2:19

Bangon kamo sa kagabhion ug pangayog tabang sa Ginoo. Ipahungaw ang tanan ninyong gibati ngadto kaniya, nga daw sa gayabo kamo sa tubig. Ibayaw ang inyong mga kamot sa pag-ampo alang sa kinabuhi sa inyong mga anak nga nangakuyapan na sa kagutom diha sa kadalanan.

Mga Pagbangotan 4:9

Mas maayo pa ang nangamatay sa gira kay sa nangamatay sa kagutom, nga hinay-hinay nga nangamatay sa kakulang sa pagkaon.

Ezequiel 7:15

Ang mga tawo nga anaa sa gawas sa siyudad mamatay sa gubat. Ang magpabilin sa sulod sa siyudad mamatay sa sakit ug kagutom.

Amos 4:6

“Ako ang nagpadala kaninyo ug kagutom sa tanan ninyong mga siyudad, apan wala kamo mobalik kanako. Ako, ang  Ginoo, ang nag-ingon niini.

Miqueas 3:11

Naghukom kamo pabor sa naghatag kaninyo ug suborno. Ang inyong mga pari nagtudlo tungod lang kay gibayran sila. Mao usab ang inyong mga propeta, nagpanagna sila tungod lang sa kuwarta. Nagsalig pa kamo nga tabangan kamo sa Ginoo ug nagkanayon, “Kauban namo ang  Ginoo. Busa walay daotang mahitabo kanamo.”

Deuteronomio 28:36

“Kamo ug ang inyong pinili nga hari ipabihag sa Ginoo sa nasod sa diin kamo ug ang inyong mga katigulangan wala masuhito. Didto mosimba kamo sa ubang mga dios nga hinimo sa kahoy ug bato.

Deuteronomio 28:64

“Katagon kamo sa Ginoo ngadto sa tanang nasod, hangtod sa kinatumyang bahin sa kalibotan. Ug didto magsimba kamo sa ubang mga dios nga hinimo sa kahoy ug bato, nga wala gani ninyo ug sa inyong mga katigulangan mailhi.

2 Pedro 2:3

Tungod sa ilang kahakog kining mini nga mga magtutudlo maghimo ug mga tinumotumo nga sugilanon aron pangkwartahan kamo nila. Wala sila masayod nga dugay na sila nga hinukman sa Dios, ug hapit na silang malaglag.