Jeremias 14:13 - Ang Pulong sa Dios

¹³ Apan miingon ako, “O Ginoong Dios, nasayod ka nga giingnan sila sa mga propeta nga walay moabot nga gira o kagutom, tungod kay nag-ingon ka kuno nga hatagan mo silag kalinaw dinhi niining dapita.”

Ang Biblia 2011

¹³ Unya ako miingon, “Ah, Ginoong Dios, tan-awa, ang mga propeta nag-ingon kanila, ‘Dili kamo makakita sa espada, o makasinati ug gutom, apan hatagan ko kamo ug matuod nga kalinaw niining dapita.’ ”

Maayong Balita Biblia

¹³ Unya miingon ako, “Ginoong Dios, nasayod ka nga ang mga propeta nag-ingon sa katawhan nga walay moabot nga gubat o gutom kay matod nila, nagsaad ka man nga lunlon lang kaayohan ang matagamtam sa tibuok nasod.”

Ang Bag-ong Maayong Balita Biblia

¹³ Unya miingon ako, “Ginoong Dios, nasayod ka nga ang mga propeta nag-ingon sa katawhan nga walay moabot nga gubat o gutom kay matod nila, nagsaad ka man nga lunlon lang kaayohan ang matagamtam sa tibuok nasod.”

Jeremias 14:13 Cross References

Isaias 56:10

Kay ang ilang mga pangulo nga magbalantay unta niining nasora murag mga buta ug walay kahibalo. Sama sila sa mga iro nga amang; dili sila makapaghot. Buot lang nilang moluko, matulog, ug magdamgo.

Jeremias 1:6

Mitubag ako, “O Ginoong Dios, dili ako maayong manulti; batan-on pa ako.”

Jeremias 20:6

Ug ikaw, Pashur, ug ang tibuok mong panimalay, bihagon ngadto sa Babilonia. Didto mamatay ka ug ilubong, apil ang tanan mong mga higala nga imong gisultihan sa imong mga bakak nga panagna.”

Jeremias 23:17

Mao kini ang kanunay nilang isulti ngadto sa mga tawong nagtamay sa akong mga pulong ug nagsunod sa ilang gahing kasing-kasing: ‘Makaangkon kamog maayong kahimtang, ingon sa Ginoo. Walay daotang mahitabo kaninyo.’

Jeremias 37:19

Hain na man ang inyong mga propeta nga nanagna nga dili ka o kining siyudad sulongon sa hari sa Babilonia?

Jeremias 4:10

Unya miingon ako, “O Ginoong Dios, gilimbongan mo gayod ang mga tawo tungod kay misaad ka nga moabot ang kalinaw sa Jerusalem. Apan diay ang espada andam na sa pagpatay kanila.”

Jeremias 5:12

“Wala sila magsulti sa tinuod mahitungod kanako. Miingon sila, ‘Dili kita unsaon sa Ginoo! Walay katalagman nga moabot kanato; walay gira o kagutom.

Jeremias 5:13

Ang mga propetang walay pulos ug ang ilang mga mensahe wala maggikan sa Dios. Hinaut pa nga mahitabo kanila ang mga kalaglagan nga ilang gipangtagna.’ ”

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Jeremias 6:14

Gipakawalay-bili nila ang samad sa akong mga katawhan, bisan grabe na kini. Nag-ingon sila nga maayo ang tanan bisan ang tinuod dili kini maayo.

Jeremias 8:11

Wala nila tagda ang samad sa akong mga katawhan, bisan ug grabe na kini. Nag-ingon sila nga maayo ra ang tanan bisan ang tinuod dili kini maayo.

Ezequiel 12:24

Kay mawala na gayod sa Israel ang dili tinuod nga mga panan-awon o bakak nga mga panagna.

Ezequiel 13:22

“Gipasubo ninyo ang mga matarong tungod sa inyong mga bakak, nga bisan gani ako mismo wala man magpasubo kanila. Ug gidasig ninyo ang mga daotan nga dili mobiya sa ilang daotan nga binuhatan pinaagi sa pagsaad kanila nga maluwas sila gikan sa kamatayon.

Miqueas 3:11

Naghukom kamo pabor sa naghatag kaninyo ug suborno. Ang inyong mga pari nagtudlo tungod lang kay gibayran sila. Mao usab ang inyong mga propeta, nagpanagna sila tungod lang sa kuwarta. Nagsalig pa kamo nga tabangan kamo sa Ginoo ug nagkanayon, “Kauban namo ang  Ginoo. Busa walay daotang mahitabo kanamo.”

2 Pedro 2:1

Apan kaniadto adunay mini usab nga mga propeta diha sa katawhan sa Israel. Sama usab niini ang mahitabo kaninyo: adunay mini nga mga magtutudlo nga motungha diha kaninyo. Magdala sila sa pagtulon-an nga maoy makaguba sa inyong pagtuo sa Dios. Isalikway gani nila ang Ginoo nga nagtubos kanila. Busa sa madali silotan sila sa Dios.