Jeremias 13:20 - Ang Pulong sa Dios

²⁰ Tan-awa ang mga kaaway nga naggikan sa amihan. O Jerusalem, hain na man ang mga lumulupyo nga imong gipasigarbo ug gitugyan ko kanimo nga atimanon?

Ang Biblia 2011

²⁰ “Iyahat ang inyong mga mata ug tan-awa ang nangabot gikan sa amihanan. Hain na man ang panon nga gihatag kanimo, ang imong matahom nga panon?

Maayong Balita Biblia

²⁰ Tan-awa, O Jerusalem! Nagpaingon na nganhi ang mga kaaway gikan sa amihanan! Hain na man ang katawhan nga gipaatiman ko kanimo, ang katawhan nga sama sa matahom nga panon sa kahayopan?

Ang Bag-ong Maayong Balita Biblia

²⁰ Tan-awa O Jerusalem! Nagpaingon na nganhi ang mga kaaway gikan sa amihanan! Hain na man ang katawhan nga gipaatiman ko kanimo, ang katawhan nga sama sa matahom nga panon sa kahayopan?

Jeremias 13:20 Cross References

Mga Panultihon 14:28

Ang pagkagamhanan sa hari nagdepende sa kadaghan sa iyang katawhan; kon wala ang iyang katawhan mapukan ang hari.

Jeremias 1:14

Unya miingon ang  Ginoo, “Adunay katalagman gikan sa amihanan nga moabot sa tanang nagpuyo niining yutaa.

Jeremias 1:15

Pamati! Ipadala ko ang mga sundalo sa mga gingharian sa amihanan sa pagsulong sa Jerusalem. “Ibutang sa ilang mga hari ang ilang mga trono diha sa mga ganghaan sa Jerusalem. Gub-on nila ang mga paril sa Jerusalem ug sulongon ang mga lungsod sa Juda.

Jeremias 10:22

Paminawa ninyo ang balita! Madungog na ang dahunog sa nagpaingon nga mga sundalo nga gikan sa amihan! Laglagon nila ang mga lungsod sa Juda, ug mahimo na lang kining puloy-anan sa ihalas nga mga iro.

Jeremias 13:17

Kon dili pa gayod kamo motuo, maghilak ako sa tago tungod sa inyong pagkamapahitas-on. Mohilak gayod ako pag-ayo ug motulo ang akong mga luha, kay bihagon man ang katawhan sa Ginoo.

Jeremias 25:37

Tungod sa hilabihang kasuko sa Ginoo, ang malinawong mga sabsabanan mahimong disyerto.

Jeremias 6:22

Midugang pa gayod ang  Ginoo sa pag-ingon, “Tan-awa, adunay mga sundalong nagpadulong gikan sa yuta sa amihan, usa ka gamhanan nga nasod gikan sa layong dapit nga andam na sa pagsulong.

Habacuc 1:6

Akong ipamando ang mga taga-Babilonia, ang walay kaluoy ug bangis nga mga tawo, nga moataki sa tibuok kayutaan aron ilogon ang mga puloy-anan nga dili ilaha.