Jeremias 13:11 - Ang Pulong sa Dios

¹¹ Sama nga ang bakos mohugot sa hawak sa usa ka tawo, gusto ko usab nga ang tibuok katawhan sa Israel ug Juda mahigot kanako. Gihimo ko silang akong katawhan alang sa akong kahimayaan ug kadungganan, apan dili sila maminaw kanako. Ako, ang  Ginoo nga nag-ingon niini.

Ang Biblia 2011

¹¹ Kay ingon nga ang bakos matapot sa hawak sa usa ka tawo, gihimo usab nako nga ang tibuok nga balay sa Israel ug ang tibuok nga balay sa Juda matapot kanako, nag-ingon ang Ginoo, aron sila mahimo alang kanako nga usa ka katawhan, usa ka ngalan, usa ka pagdayeg ug usa ka himaya apan wala sila mamati.

Maayong Balita Biblia

¹¹ Sama nga ang karsunsilyo mokupot sa hawak, gihimo ko nga ang tanang katawhan sa Israel ug sa Juda mokupot kanako pag-ayo. Ang tuyo ko mao nga sila mahimong akong katawhan ug magdayeg ug magpasidungog kanako apan nagdumili sila sa pagtuman sa akong mga sugo.

Ang Bag-ong Maayong Balita Biblia

¹¹ Sama nga ang karsunsilyo mokupot sa hawak, gihimo ko nga ang tanang katawhan sa Israel ug sa Juda mokupot kanako pag-ayo. Ang tuyo ko mao nga sila mahimong akong katawhan ug magdayeg ug magpasidungog kanako apan nagdumili sila sa pagtuman sa akong mga sugo.

Jeremias 13:11 Cross References

Salmo 135:4

Dayega ninyo siya kay gipili niya ang katawhan sa Israel nga mga kaliwat ni Jacob, nga mahimong iyang pinasahi nga katawhan.

Salmo 147:20

Wala niya kini himoa sa ubang mga nasod; wala sila makahibalo sa iyang mga sugo. Dayega ang  Ginoo!

Salmo 81:11

“Apan kamong mga Israelinhon nga akong katawhan, wala kamo namati ug mituman kanako.

Isaias 43:21

Sila ang katawhan nga akong gibuhat aron mahimong ako, ug aron modayeg kanako.

Isaias 62:12

Tawgon sila nga, ‘Balaan nga Katawhan’ ug ‘Mga Linuwas sa Ginoo.’ Ug ang Jerusalem pagatawgon nga, ‘Gitinguha nga Siyudad’ ug ang ‘Siyudad nga Wala na Isalikway.’ ”

Jeremias 13:1

Miingon ang  Ginoo kanako, “Lakaw ug pagpalit ug bakos nga telang lino ug isul-ob kini. Apan ayaw kini paglabhi.”

Jeremias 13:10

Kining mga tawong daotan dili motuman sa akong mga pulong. Ginasunod nila ang mga tinguha sa gahi nilang kasing-kasing, ug nag-alagad sila ug nagsimba sa ubang mga dios-dios. Busa mahisama sila sa bakos nga dili na gayod mapuslan.

Jeremias 13:12

“Jeremias, ingna ang katawhan sa Israel nga ako, ang  Ginoo, nga Dios sa Israel nag-ingon, ‘Ang matag sudlanan sa bino mapuno ug bino.’ Ug kon moingon sila kanimo, ‘Nasayod na kami nga ang matag sudlanan ug bino mapuno gayod ug bino,’

Jeremias 19:15

“Paminaw kamo, kay mao kini ang giingon sa Ginoo nga Makagagahom, ang Dios sa Israel: Ipadala ko niini nga siyudad ug sa mga lungsod sa palibot niini ang mga kalaglagan, nga akong giingon batok kanila, tungod kay gahi silag ulo ug dili maminaw sa akong mga pulong.”

Jeremias 32:20

Naghimo kag mga milagro ug kahibulongang mga butang didto sa Ehipto ug ginabuhat mo kini hangtod karon dinhi sa Israel ug sa ubang mga nasod. Ug pinaagi niini nahimo kang bantogan hangtod karon.

Jeremias 33:9

Kon mahitabo na kini, ang siyudad sa Jerusalem mohatag kanakog kadungganan, kalipay, ug pagdayeg. Ug ang kanasoran sa kalibotan mangurog sa kahadlok inigkadungog nila sa mga maayong butang nga ako unyang pagahimuon niini nga siyudad, ug sa kauswagan ug kalinaw nga ihatag ko unya niini.”

Jeremias 6:17

Nagpili akog tigbantay sa pagsulti kaninyo, ‘Patalinghogi ninyo ang tingog sa budyong ingon nga pagpasidaan kaninyo.’ Apan miingon kamo, ‘Dili kami mamati.’

Jeremias 7:13

Samtang ginahimo ninyo kining daotang mga buhat, gibalik-balik ko ang pagpasidaan kaninyo, apan wala kamo maminaw. Gitawag ko kamo, apan wala kamo motubag.

Jeremias 7:23

gihatag ko usab kanila kining maong sugo: ‘Tumana ninyo ako, ug ako mahimong inyong Dios ug kamo mahimong akong katawhan. Pagkinabuhi kamo sumala sa mga pamaagi nga gisugo ko kaninyo aron mamaayo ang inyong kahimtang!’

Jeremias 7:24

“Apan wala sila mamati o motuman sa akong gisulti. Gisunod hinuon nila ang gahi ug daotan nilang kasing-kasing. Imbis nga moduol sila kanako, nagpahilayo pa hinuon sila.

Jeremias 7:26

Apan wala kamo maminaw o motuo kanila. Mas gahi pa gani kamog ulo ug mas daotan pa kamog binuhatan kaysa inyong mga katigulangan.

Amos 3:1

Kamong mga taga-Israel, kansang mga katigulangan gipagawas ko gikan sa Ehipto, pamatia ninyo kining giingon ko batok kaninyo:

Lucas 10:11

‘Tungod kay kamo dili modawat kanamo, bisan ang abog sa inyong lungsod nga mitapot sa among tiil, among taktakon ingon nga pasidaan batok kaninyo ug wala na kamiy kalabotan kon unsay mahitabo kaninyo. Hinumdomi ninyo kini: haduol na ang paghari sa Dios.’

Deuteronomio 26:18

Ug gipadayag usab sa Ginoo karong adlawa nga kamo iyang pinasahi nga katawhan ug bahandi sumala sa iyang gisaad, ug angay kamong motuman sa tanan niyang mga sugo.

Deuteronomio 26:19

Ug sumala sa iyang gisaad, himuon niya kamong labaw sa tanang nasod kay pagadayegon ug pagapasidunggan kamo. Mahimo kamong katawhan nga pinili sa Ginoo nga inyong Dios.”

Deuteronomio 4:7

Wala nay laing gamhanan nga nasod nga adunay dios nga duol kanila sama sa Ginoo nga atong Dios nga duol kanato sa panahon nga motawag kita kaniya.

1 Pedro 2:9

Apan kamo mga pinili, mga pari sa Hari, ug mga katawhan sa Dios. Nahimo kamong iya aron magmantala sa iyang kahibulongan nga mga binuhatan. Siya ang nagtawag kaninyo gikan sa kangitngit ngadto sa iyang kahibulongan nga kahayag.