Jeremias 12:9 - Ang Pulong sa Dios

⁹ Nahisama sila sa usa ka langgam nga gapangdagit, ug sila mismo gipalibotan usab sa mga langgam nga gapangdagit. Tapukon ko ang tanang mabangis nga mga mananap aron sa pagtukob kanila.

Ang Biblia 2011

⁹ Ang akong panulundon nahimo ba nga sama sa bakiki nga langgam nga mananagit ngari kanako? Naglibot ba batok kaniya ang mga langgam nga mananagit? Lakaw, tigoma ang tanang ihalas nga mananap; dad-a sila aron makakaon.

Maayong Balita Biblia

⁹ Ang akong katawhan sama sa langgam nga gikuninitan sa mga banog. Dali diri, kamong ihalas nga mga mananap ug tambong kamo sa kombira.

Ang Bag-ong Maayong Balita Biblia

⁹ Ang akong katawhan sama sa langgam nga gikuninitan sa mga banog. Dali diri, kamong ihalas nga mga mananap ug tambong kamo sa kombira.

Jeremias 12:9 Cross References

2 Mga Hari 24:2

Nagpadala ang Ginoo ug mga taga-Babilonia, taga-Aram, taga-Moab, ug taga-Amon sa pagsulong sa Juda, sumala sa giingon sa Ginoo pinaagi sa iyang mga alagad nga propeta.

Isaias 2:11

Moabot ang adlaw nga ang  Ginoo lang gayod ang pagadayegon. Ipaubos niya ang mga mapasigarbohon ug mapahitas-on.

Isaias 2:12

Kay adunay adlaw nga gitagana ang  Ginoo nga labing gamhanan sa pagpaubos sa tanang mga mapasigarbohon, mga mapahitas-on, ug sa mga nag-ila sa ilang kaugalingon nga gamhanan.

Isaias 56:9

Duol kamo, tanang nasod nga sama sa mabangis nga mga mananap, ug laglaga ninyo ang katawhan sa Israel.

Jeremias 15:3

“Ako, ang  Ginoo, nag-ingon nga padad-an ko silag upat ka matang sa kalaglagan: Pamatyon sila sa gira, guyoron sa mga iro ang ilang mga patayng lawas, kaonon sila sa mga langgam, ug ang mahibilin sa ilang patayng lawas tiwason sa ihalas nga mga mananap.

Jeremias 2:15

Ang iyang mga kaaway daw liyon nga gangulob ngadto kaniya. Gilaglag nila ang iyang yuta; gipangguba ang iyang mga lungsod, ug nahimo kining awaaw.

Jeremias 34:20

Itugyan ko sila sa kamot sa ilang mga kaaway nga gustong mopatay kanila. Ug ang ilang mga patayng lawas mahimong kalan-on sa mga langgam ug ihalas nga mga mananap.

Jeremias 7:33

Ang mga patayng lawas niini nga katawhan pagakan-on sa mga langgam ug mga mananap, ug walay moabog kanila.

Mga Pagbangotan 1:17

Nangayog tabang ang Jerusalem, apan wala gayoy mitabang kaniya. Pagbuot sa Ginoo nga ang mga nasod sa palibot sa mga kaliwat ni Jacob mahimong ilang kaaway. Isipon nila nga usa ka hugaw nga butang ang Jerusalem.

Ezequiel 34:5

Tungod kay wala silay magbalantay, nagkatibulaag sila ug gipangtukob sa mabangis nga mga mananap.

Gipadayag 17:16

Ang napulo ka sungay nga imong nakita ug ang mananap magdumot sa babayeng nagbaligya sa iyang dungog. Kuhaon nila ang tanan niyang kabtangan ug huboan nila siya ug wala gayoy mabilin kaniya. Unya kaonon nila ang iyang unod ug sunogon dayon nila ang nahibilin niini.