Jeremias 11:19 - Ang Pulong sa Dios

¹⁹ Sama ako sa usa ka maaghop nga karnero nga wala masayod nga ginadala na diay siya sa ihawanan. Wala ako masayod nga aduna diay silay plano sa pagpatay kanako. Miingon sila, “Patyon nato siya sama sa pagputol sa kahoy uban sa iyang mga bunga, aron mahanaw siya sa kalibotan ug dili na hinumdoman pa.”

Ang Biblia 2011

¹⁹ Apan ako sama sa usa ka malumo nga nating karnero nga gidala ngadto sa ihawan. Wala ako masayod nga batok kanako sila naglaraw, nga nag-ingon, “Atong laglagon ang kahoy uban ang bunga niini, putlon nato siya gikan sa yuta sa mga buhi, aron ang iyang ngalan dili na mahinumdoman.”

Maayong Balita Biblia

¹⁹ Sama ako sa maaghop nga nating karnero nga patyonon. Wala ako masayod nga naglaraw diay silag daotan batok kanako. Matod nila, “Putlon nato ang kahoy uban sa iyang bunga. Ato siyang patyon aron wala nay mahinumdom kaniya.”

Ang Bag-ong Maayong Balita Biblia

¹⁹ Sama ako sa maaghop nga nating karnero nga patyonon. Wala ako masayod nga naglaraw diay silag daotan batok kanako. Matod nila, “Putlon nato ang kahoy uban sa iyang bunga. Ato siyang patyon aron wala nay mahinumdom kaniya.”

Jeremias 11:19 Cross References

Job 28:13

Wala mahibalo ang tawo kon asa kini makaplagi. Dili kini makaplagan dinhi sa kalibotan.

Salmo 109:13

Hinaut nga mangamatay ang iyang mga kaliwat aron malimtan na sila sa mosunod nga mga henerasyon.

Salmo 112:6

Dili siya mapakyas sa iyang mga buluhaton, ug dili siya malimtan hangtod sa kahangtoran.

Salmo 116:9

Busa magkinabuhi ako nga duol sa Ginoo dinhi sa kalibotan sa mga buhi.

Salmo 142:5

Nagpakitabang ako kanimo, Ginoo; ikaw ang akong tigpanalipod, ikaw lang gayod ang akong kinahanglan dinhi sa kalibotan.

Salmo 27:13

Apan nagtuo ako nga masinati ko ang imong kaayo samtang buhi pa ako.

Salmo 31:13

Madungog ko ang hungihong sa daghang mga kaaway. Bisan asa ako moadto anaa ang kakuyaw, kay nagplano sila sa pagpatay kanako.

Salmo 35:15

Apan sa dihang ako na ang naglisod, nagtigom sila ug naglipay. Ang mga tawo nga wala ko gani mailhi, nagtigom sa pagbiay-biay kanako. Ug walay hunong ang ilang pagpasipala kanako.

Salmo 52:5

Sigurado gayod nga laglagon kamo sa Dios sa walay kataposan. Hakpon kamo niya ug hulboton gikan sa inyong mga tolda. Ug kuhaon niya kamo gikan sa kalibotan sa mga buhi.

Salmo 83:4

Miingon sila, “Dali kamo! Laglagon ta ang nasod sa Israel aron dili na kini mahinumdoman hangtod sa kahangtoran.”

Mga Panultihon 10:7

Ang tawong matarong mahimong panalangin ngadto sa uban ug kanunayng mahinumdoman, apan ang mga tawong daotan kalimtan sa dayon.

Mga Panultihon 24:15

Ayaw pag-awat sa tawong daotan nga manglungkab sa pinuy-anan sa tawong matarong.

Mga Panultihon 7:22

Diha-diha misunod ang lalaki kaniya nga daw sa baka nga giguyod paingon sa ihawanan o sa lagsaw nga nagpadulong sa lit-ag

Isaias 32:7

Daotan ang mga pamaagi sa limbongan nga tawo. Naglaraw siya sa pagdaot sa mga kabos pinaagi sa mga bakak bisan kon makatarunganon ang gihangyo sa mga kabos.

Isaias 38:11

Abi kog dili ko na makita ang  Ginoo dinhi sa kalibotan sa mga buhi, o dili ko na makita ang mga tawo niining kalibotana.

Jeremias 1:19

Makig-away sila kanimo, apan dili ka nila mapildi, kay kauban mo ako ug tabangan ka nako. Ako, ang  Ginoo, ang nag-ingon niini.”

Jeremias 18:18

Unya miingon ang mga tawo, “Dali, mangita kitag paagi nga mapaundang nato si Jeremias! Aduna bitaw kitay mga pari nga motudlo kanato sa kasugoan, mga maalamon nga tawo nga motambag kanato, ug mga propeta nga mosaysay kanato sa mensahe sa Dios. Busa mag-imbento kitag istorya batok kaniya ug dili na kita maminaw sa iyang gipanulti.”

Jeremias 20:10

Nadungog ko ang mga pagbiay-biay sa mga tawo. Awat-awaton nila ang akong giingon, “Makalilisang ang atong palibot! Isumbong nato siya!” Bisan ang tanan nakong higala naghulat nga mapukan ako. Nag-ingon sila, “Basin pag malingla ta siya. Unya malupig nato siya ug mapanimaslan.”

Jeremias 26:8

Apan pagkahuman ug sulti ni Jeremias niini, gialirongan siya sa mga pari, mga propeta, ug mga tawo, ug giingnan, “Angay kang mamatay!

Mga Pagbangotan 3:60

Nahibalo ka sa ilang tinguha sa pagpanimalos kanako ug sa tanan nilang daotang plano batok kanako.

Ezequiel 32:24

“Atua usab didto ang hari sa Elam. Nalibotan ang iyang lubnganan sa lubnganan sa iyang mga katawhan. Nangamatay silang tanan sa gubat. Nanaog sila didto sa dapit sa mga patay uban sa mga wala motuo sa Dios. Sa buhi pa sila, gikahadlokan sila sa mga tawo, apan karon naulawan sila uban niadtong mga nangamatay na.

Daniel 9:26

Pagkahuman sa 434 ka tuig, patyon ang pinili sa Dios ug walay mahibilin kaniya. Unya gub-on sa mga sakop sa usa ka hari nga moabot ang siyudad ug ang Templo, apan ang iyang kataposan moabot nga daw baha. Kay gitakda sa Dios nga ang kalaglagan magpadayon hangtod sa kataposan sa panaggira.

Oseas 9:8

Ingon nga propeta, kauban ko ang akong Dios sa pagbantay kaninyong mga taga-Israel. Apan bisan asa ako paingon buot ninyo akong sakiton; sama ako sa langgam nga buot ninyong lit-agon. Nasuko kanako ang mga tawo sa Israel, nga giisip sa Dios nga iyang puloy-anan.

Numeros 1:14

gikan kang Gad si Eliasaf nga anak ni Deuel;