Jeremias 11:10 - Ang Pulong sa Dios

¹⁰ Mibalik na usab sila sa paghimo sa mga sala nga gihimo sa ilang mga katigulangan kaniadto, nga dili gayod maminaw sa akong mga pulong. Nagsimba sila sa ubang mga dios. Managsamang gilapas sa katawhan sa Israel ug sa Juda ang kasabotan nga gihimo ko ngadto sa ilang mga katigulangan.

Ang Biblia 2011

¹⁰ Sila namalik sa mga kasal-anan sa ilang mga katigulangan, nga midumili sa pagpamati sa akong mga pulong. Sila misunod sa laing mga dios aron sa pag-alagad kanila. Ang balay sa Israel ug ang balay sa Juda naglapas sa akong kasabotan nga gibuhat nako uban sa ilang mga katigulangan.

Maayong Balita Biblia

¹⁰ Mibalik na usab sila pagbuhat sa mga sala nga gibuhat sa ilang katigulangan nga midumili pagsugot sa akong gisugo kanila ug misimba hinuon sa mga diosdios. Ang Juda ug ang Israel naglapas sa kasabotan nga gihimo ko uban sa ilang katigulangan.

Ang Bag-ong Maayong Balita Biblia

¹⁰ Mibalik na usab sila pagbuhat sa mga sala nga gibuhat sa ilang katigulangan nga midumili pagsugot sa akong gisugo kanila ug misimba hinuon sa mga diosdios. Ang Juda ug ang Israel naglapas sa kasabotan nga gihimo ko uban sa ilang katigulangan.

Jeremias 11:10 Cross References

Salmo 78:57

Nagpahilayo sila ug nagluib sa Dios sama sa ilang mga katigulangan. Dili sila kasaligan sama sa depektado nga pana.

Isaias 24:5

Gihugaw-hugawan ang kalibotan sa mga lumulupyo niini, tungod kay wala nila tumana ang mga kasugoan ug mga tulomanon sa Dios. Gilapas nila ang walay kataposan nga kasabotan sa Dios kanila.

Jeremias 13:10

Kining mga tawong daotan dili motuman sa akong mga pulong. Ginasunod nila ang mga tinguha sa gahi nilang kasing-kasing, ug nag-alagad sila ug nagsimba sa ubang mga dios-dios. Busa mahisama sila sa bakos nga dili na gayod mapuslan.

Jeremias 17:23

Apan wala gayod sila maminaw kanako. Mga gahi silag ulo! Dili sila magpadisiplina.

Jeremias 22:9

Ang mahimong tubag mao kini: ‘Tungod kay gisalikway nila ang kasabotan sa Ginoo nga ilang Dios, ug nagsimba sila ug nag-alagad sa ubang mga dios.’ ”

Jeremias 31:32

ug dili kini sama niadtong unang kasabotan nga akong gihimo sa ilang mga katigulangan sa dihang gigiyahan ko sila pagawas gikan sa Ehipto. Gipakawalay-bili nila ang maong kasabotan bisan ug nahisama ako sa usa ka bana ngadto kanila. Ako, ang  Ginoo, ang nag-ingon niini.”

Jeremias 44:16

“Dili kami motuo sa gisulti mo sa ngalan sa Ginoo!

Jeremias 44:5

Apan wala gayod sila mamati o motuman sa mga propeta. Wala sila mobiya sa ilang pagkadaotan ni moundang sa pagsunog ug insenso ngadto sa ubang mga dios.

Jeremias 7:28

Busa isulti kini kanila: Mao kini ang nasod nga ang mga katawhan dili motuman sa Ginoo nga ilang Dios, ug dili magpadisiplina. Wala na kanila ang kamatuoran; dili na gani sila mosulti sa tinuod.

Jeremias 9:6

Pulos pagpanglimbong ang ilang ginahimo, ug nagdumili sila sa pag-ila kanako.”

Ezequiel 16:59

Miingon pa gayod ang Ginoong Dios: “Silotan ka nako kon unsay angay kanimo, kay gipakawalay-bili mo ang saad pinaagi sa paglapas sa kasabotan.

Ezequiel 44:7

Ginapasulod ninyo sa akong Templo ang mga dili Israelinhon nga wala nakaila sa Dios. Niining paagiha gipasipalahan ninyo ang akong Templo samtang gahalad kamo ug pagkaon, tambok, ug dugo. Gawas pa sa inyong mangil-ad nga mga buhat, ginalapas pa ninyo ang akong kasabotan.

Ezequiel 5:6

Apan gilapas niya ang akong mga sugo, ug mas labaw pa siya kadaotan kaysa uban nga mga nasod sa iyang palibot. Gisalikway niya ang akong mga sugo ug mga tulomanon.

Oseas 6:4

Apan miingon ang  Ginoo, “Mga katawhan sa Israel ug Juda, unsay buhaton ko kaninyo? Ang inyong paghigugma kanako sama sa gabon o yamog sa kabuntagon nga dali ra mahanaw.

Oseas 6:7

Sama kang Adan, gipakawalay-bili ninyo ang akong kasabotan kaninyo. Nagluib kamo kanako diha sa inyong dapit.

Oseas 7:16

Midangop sila sa butang nga walay pulos. Sama sila sa hiwi nga pana nga dili kasaligan. Mangamatay sa espada ang ilang mga pangulo tungod kay garboso silang manulti. Tungod niini biay-biayon sila sa mga tawo sa Ehipto.”

Sofonias 1:6

sila nga mitalikod sa pagsunod sa Ginoo ug wala mangita sa Ginoo ug mangutana kaniya.”

Zacarias 1:4

Ayaw pagpakasama sa inyong mga katigulangan, diin ang nahaunang mga propeta nagdeklarar: Mao kini ang giingon sa Makagagahom nga Ginoo ‘Talikdi ang inyong daotang pamaagi ug binuhatan.’ Apan dili sila maminaw kanako, nag-ingon ang  Ginoo.

Zacarias 7:11

“Apan wala gayod sila magtagad sa akong giingon. Nagmagahi sila ug wala sila mamati.

Zacarias 7:13

Ug tungod kay wala sila mamati sa akong giingon, dili usab ako mamati kon manawag sila kanako.

Deuteronomio 31:16

Miingon ang Ginoo kang Moises, “Hapit ka nang mamatay ug makig-uban sa imong mga katigulangan. Kon wala ka na, kining mga tawhana mosimba sa ubang mga dios nga ginasimba sa mga tawo sa yuta nga ilang adtoan. Isalikway nila ako ug lapason nila ang kasabotan nga gihimo ko uban kanila.

Deuteronomio 9:7

“Hinumdomi ninyo kon giunsa ninyo pagpasuko ang Ginoo nga inyong Dios didto sa kamingawan. Gikan sa adlaw nga migawas kamo gikan sa Ehipto hangtod karon kanunay lang kamong nagsupak sa Ginoo.

Mga Hebreo 8:9

Kini dili na sama niadtong kasabotan nga akong gihatag sa ilang mga katigulangan kaniadto sa dihang giagak ko sila pagawas sa Ehipto. Wala nila tumana ang unang kasabotan nga gihatag ko kanila. Mao nga gipasagdan ko na lang sila.” Miingon usab ang Ginoo:

Mga Maghuhukom 2:11

Nagpakasala ang mga Israelinhon atubangan sa Ginoo ug misimba sa mga imahen ni Baal.

Mga Maghuhukom 2:17

Apan wala gihapon sila mituman sa ilang mga pangulo. Mitalikod hinuon sila sa Ginoo ug misimba sa ubang mga dios. Dili sila sama sa ilang mga katigulangan tungod kay dali kaayo silang mitalikod sa mga sugo sa Ginoo nga gituman sa ilang mga katigulangan kaniadto.

Mga Maghuhukom 2:19

Apan inigkamatay sa ilang pangulo, mobalik na usab sila sa ilang naandang binuhatan, ug mas daotan pa ang ilang ginabuhat kaysa ilang mga katigulangan. Nag-alagad ug nagsimba sila sa ubang mga dios ug wala gayod nila biyai ang ilang daotang mga buhat ug ang ilang pagkagahig ulo.

1 Samuel 15:11

“Nagbasol ako nga akong gihimo si Saulo nga hari, tungod kay mitalikod siya kanako ug wala niya tumana ang akong mga sugo.” Pagkadungog ni Samuel niini, naglagot siya. Busa nag-ampo siya sa Ginoo sa tibuok gabii.