Jeremias 10:5 - Ang Pulong sa Dios

⁵ Kini nga mga dios-dios sama sa tawo-tawo sa uma nga dili makasulti. Kinahanglan pa gayong sakwaton kay dili makalakaw. Ayaw kamo kahadlok niini nga mga dios-dios kay dili sila makahimog kadaot ni makahimog maayo.”

Ang Biblia 2011

⁵ Kini sama sa tawotawo sa uma sa pakwan ug dili kini makasulti; kinahanglan nga kini pas-anon kay dili man kini makalakaw. Ayaw kahadlok kanila, kay kini dili makabuhat ug daotan, o anaa niini ang pagbuhat ug maayo.”

Maayong Balita Biblia

⁵ Ang maong mga diosdios sama sa pahoy nga gibutang didto sa mga uma sa melon aron paghadlok sa mga langgam; dili kini makasulti ug kinahanglang alsahon kay dili man makalakaw. Ayaw sila kahadloki kay dili sila makahimog kadaot kaninyo o makahatag kaninyog kaayohan.”

Ang Bag-ong Maayong Balita Biblia

⁵ Ang maong mga diosdios sama sa pahoy nga gibutang didto sa mga uma sa melon aron paghadlok sa mga langgam; dili kini makasulti ug kinahanglang alsahon kay dili man makalakaw. Ayaw sila kahadloki kay dili sila makahimog kadaot kaninyo o makahatag kaninyog kaayohan.”

Jeremias 10:5 Cross References

1 Mga Hari 18:26

Busa gikuha sa mga propeta ni Baal ang torong baka nga gidala kanila, ug giandam nila kini. Unya nag-ampo sila kang Baal gikan sa buntag hangtod sa udto. Misinggit sila, “O Baal, tubaga kami!” Nagsayaw-sayaw sila libot sa halaran nga ilang gihimo. Apan walay mitubag.

2 Cronicas 25:15

Busa nasuko pag-ayo ang Ginoo kang Amazia. Nagpadala siyag propeta kang Amazia sa pag-ingon, “Nganong midangop ka man sa mga dios nga dili gani makaluwas sa ilang katawhan gikan sa imong kamot?”

Isaias 16:12

Kapoyon lang ang mga taga-Moab sa ilang pagbalik-balik sa ilang mga halaran sa habog nga mga dapit. Walay kapuslanan ang ilang pag-adto sa ilang mga templo aron sa pagpangamuyo.

Isaias 45:20

Miingon usab ang  Ginoo, “Pagpundok kamo ug duol kanako, kamong mga nakalingkawas gikan sa pagsakop sa mga nasod. Wala gayoy kahibalo ang mga nagdala-dala sa ilang mga dios-dios nga kahoy. Nagpangamuyo sila niining mga dios-dios nga dili makaluwas kanila.

Isaias 46:1

Ang mga dios-dios sa Babilonia nga sila si Bel ug Nebo nagyuko samtang gikarga sa karwahi nga giguyod sa mga asno. Bug-at sila nga karga alang sa gikapoy nga mga asno.

Isaias 46:7

Pas-anon nila kini, ug unya itungtong sa iyang butanganan, ug magpabilin kini didto. Dili na kini makapahawa didto. Kon adunay mag-ampo niini, dili kini motubag; dili kini makaluwas kanila gikan sa ilang mga kalisod.

Jeremias 10:14

Mga hungog ug buang-buang ang mga tawong nagsimba sa mga dios-dios. Maulawan ang mga platero tungod sa ilang mga dios-dios, kay mini kini. Wala kini kinabuhi.

Habacuc 2:19

Alaot siya nga moingon sa kahoy, dali ug pagbaton ug kinabuhi, o sa walay kinabuhi nga bato, pagmata! Makahatag ba kini ug paggiya? Giputos kini sa bulawan ug plata, pero wala kini kinabuhi.

1 Mga Taga-Corinto 12:2

Nasayod kamo nga sa wala pa kamo nakaila sa Dios gipahisalaag kamo aron mosimba sa mga dios-dios nga dili makasulti.

1 Mga Taga-Corinto 8:4

Busa kon mahitungod sa mga pagkaon nga gihalad ngadto sa mga dios-dios, nasayod kita nga walay tinuod nga dios-dios diri sa kalibotan, kay adunay usa lang gayod ka Dios.

Deuteronomio 4:28

Ug didto magsimba kamo sa mga dios nga hinimo sa kahoy ug bato, nga dili makakita, dili makadungog, dili makakaon o makapanimaho.