Jeremias 10:21 - Ang Pulong sa Dios

²¹ Nahitabo kini kanato kay mga hungog ang atong mga pangulo. Wala nila susiha ang kabubut-on sa Ginoo, busa wala sila mouswag ug ang tanan nilang mga sakop nagkatibulaag.

Ang Biblia 2011

²¹ Kay ang mga tigbantay sa karnero mga hungog, ug wala magpakisayod sa Ginoo; busa sila wala mouswag, ug ang tanan nilang mga panon nagkatibulaag.

Maayong Balita Biblia

²¹ Mitubag ako, “Ang mga kadagkoan mga buangbuang kay wala man sila magpakisayod sa kabubut-on sa Ginoo. Busa wala sila magmalampuson ug nagkatibulaag ang atong katawhan.

Ang Bag-ong Maayong Balita Biblia

²¹ Mitubag ako, “Ang mga kadagkoan mga buangbuang kay wala man sila magpakisayod sa kabubut-on sa Ginoo. Busa wala sila magmalampuson ug nagkatibulaag ang atong katawhan.

Jeremias 10:21 Cross References

Jeremias 10:14

Mga hungog ug buang-buang ang mga tawong nagsimba sa mga dios-dios. Maulawan ang mga platero tungod sa ilang mga dios-dios, kay mini kini. Wala kini kinabuhi.

Jeremias 10:8

Mga hungog silang tanan ug mga buang-buang. Ang mga pagtulon-an sa ilang mga dios-dios nga kahoy walay pulos.

Jeremias 12:10

Laglagon sa daghang mga pangulo ang Juda nga giisip ko nga akong ubasan. Giyatak-yatakan nila kining matahom kong yuta ug gihimong awaaw.

Jeremias 2:8

Bisan ang mga pari wala mangita kanako. Ang mga magtutudlo sa balaod wala makaila kanako. Ang mga pangulo nagrebelde kanako. Ang mga propeta nagsulti ug mga mensahe sa ngalan ni Baal, ug nagsunod sa mga dios-dios nga walay pulos.

Jeremias 22:30

Kay mao kini ang giingon sa  Ginoo: “Isulat nga kini si Jehoyakin walay anak. Kay walay bisan usa sa iyang mga anak nga molampos sa paglingkod sa trono ni David ingon nga hari sa Juda. Kining tawhana dili magmauswagon sa iyang kinabuhi.”

Jeremias 49:32

Ang ilang mga kamelyo ug ang tanan nilang kahayopan mainyo. Patibulaagon ko sa tanang dapit ang mga katawhan nga nagpuyo sa layong dapit ug padad-an ko silag katalagman gikan sa tanang dapit. Ako, ang  Ginoo, ang nag-ingon niini.

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Jeremias 50:17

“Ang mga Israelinhon sama sa nahisalaag nga mga karnero nga gigukod sa mga liyon. Una, gitukob sila sa hari sa Asiria, ug unya gikit-kit ni Nebucadnezar nga hari sa Babilonia ang ilang mga bukog.”

Jeremias 8:9

Maulawan gayod ang mga nag-ingon nga maalamon. Malisang gayod sila kay bihagon man sila, tungod sa ilang pagsalikway sa akong mga pulong. Nan, unsa mang matanga sa kaalam ang anaa kanila?

Ezequiel 34:12

Maingon nga ang usa ka magbalantay mangita sa iyang mga karnero nga nagkatibulaag, pangitaon ko usab ang akong mga karnero. Luwason ko sila gikan sa tanang mga dapit diin sila nagkatibulaag niadtong panahon sa kasamok.

Zacarias 10:3

Miingon ang Makagagahom nga  Ginoo, “Nasuko ako pag-ayo sa mga taga-laing dapit nga nangulo sa akong katawhan; silotan ko gayod sila. Kay hinumdoman ko ang mga karnero, nga mao ang katawhan sa Juda. Himuon ko ang Juda nga daw mga kabayo nga panggira nga makahatag ug kadungganan.

Zacarias 13:7

Miingon ang  Ginoo nga Makagagahom, “Patya ang akong magbalantay sa mga karnero, nga akong alagad. Patya siya ug magkatibulaag ang mga karnero, ang akong kabos nga katawhan. Ug kini sila akong silotan.