Jeremias 10:13 - Ang Pulong sa Dios

¹³ Sa iyang pagmando, naggawas ang mga panganod ug mga kilat sa kalangitan, ug nag-ulan ug kusog. Nagpadala siya ug hangin gikan sa iyang mga tipiganan.

Ang Biblia 2011

¹³ Sa dihang magpagula siya sa iyang tingog, adunay kasamok sa tubig diha sa kalangitan, ug iyang pasakaon ang mga alisngaw gikan sa mga kinatumyan sa yuta. Siya nagbuhat ug mga kilat alang sa ulan, ug nagpagula sa hangin gikan sa iyang mga tipiganan.

Maayong Balita Biblia

¹³ Sa iyang mando modahunog ang mga tubig nga anaa sa kalangitan; matigom ang mga panganod sa tanang dapit sa kalibotan. Nagpadala siyag kilat uban sa ulan, ug gipahuros niya ang hangin gikan sa iyang lawak-tipiganan.

Ang Bag-ong Maayong Balita Biblia

¹³ Sa iyang mando modahunog ang mga tubig nga anaa sa kalangitan; matigom ang mga panganod sa tanang dapit sa kalibotan. Nagpadala siyag kilat uban sa ulan, ug gipahuros niya ang hangin gikan sa iyang lawak-tipiganan.

Jeremias 10:13 Cross References

Genesis 2:5

wala pa ang tanan nga klasi sa tanom nga nagturok sa yuta, kay ang Ginoong Dios wala pa man nagpaulan niini ug wala pay tawo nga moatiman niini.

1 Mga Hari 18:41

Miingon si Elias kang Ahab, “Lakaw, kaon ug inom kay naay umaabot nga kusog nga ulan.”

Job 38:22

“Nakaadto ka na ba sa dapit nga tipiganan sa snow o ulan nga ice

Salmo 104:13

Gikan sa imong puloy-anan sa langit, gipaulanan mo ang mga bukid. Ug tungod niining imong gihimo, nakadawat ug panalangin ang kalibotan.

Salmo 135:17

adunay mga dalunggan, apan dili makadungog, ug wala kini gininhawa.

Salmo 135:7

Siya ang nagmando nga mopaibabaw ang mga panganod gikan sa kinatumyan sa kalibotan, ug nagpadala siyag mga kilat uban sa ulan. Ug gipagawas niya ang hangin gikan sa ilang tipiganan.

Salmo 147:8

Gitabonan niyag mga panganod ang kalangitan, gipaulanan niya ang kalibotan, ug gipatubo ang mga sagbot sa mga bungtod.

Salmo 18:13

Ang tingog mo Ginoo, nga Labing Halangdong Dios, nagdahunog gikan sa langit.

Salmo 68:33

nga nagsakay sa kalangitan nga anaa na sukad pa kaniadto. Pamatia ninyo ang iyang nagdahunog nga tingog.

Exodo 9:23

Busa sa dihang gibayaw ni Moises ang iyang baston sa langit, gipadalogdog sa Ginoo ug gipakilat, ug gipaulan ug yelo. Wala pa gayod sukad mahitabo ang sama niini kakusog nga ulan nga yelo sa tibuok Ehipto sukad nga nahimo kining nasod. Samtang nag-ulan ug yelo, sige usab ug pangilat.

Jeremias 14:22

Makahimo ba sa pagpaulan ang mga dios-dios sa mga kanasoran? Bisan ang langit mismo dili makahimo sa pagpaulan sa iyang kaugalingon lamang. Ikaw lang gayod, Ginoo, nga among Dios, ang makahimo niini, busa naglaom kami kanimo.

Jeremias 19:12

Mao kini ang buhaton ko sa Jerusalem ug sa mga lumulupyo niini. Himuon ko kining siyudara sama sa Tofet nga hugaw.

Jeremias 5:24

Dili kinasing-kasing ang ilang pag-ingon, ‘Tahoron nato ang  Ginoo nga atong Dios nga naghatag ug ulan sa hustong panahon, ug naghatag kanatog maayong abot sa panahon sa ting-ani.’

Jeremias 51:16

Sa iyang pagmando, nagdahunog ang mga tubig nga anaa sa kalangitan. Ginapatungha niya ang mga panganod. Ginapakilat niya kon mag-ulan, ug nagpadala siyag hangin gikan sa iyang mga tipiganan.

Amos 4:13

Ang Dios mao ang naghimo sa mga bukid ug sa hangin, ug siya usab ang naghimo sa kabuntagon ug kagabhion. Gipadayag niya sa tawo ang iyang mga plano, ug siya ang naggahom sa tibuok kalibotan. Ginoong Dios nga Makagagahom ang iyang ngalan.

Zacarias 10:1

Pangayo sa Ginoo ug ulan sa panahon sa tingtubo sa mga tanom, kay siya ang naghimo sa dag-om. Siya ang naghatag ug ulan ngadto sa mga tawo ug sa tanom sa kaumahan.