Isaias 3:3 - Ang Pulong sa Dios

³ mga opisyal sa ilang kasundalohan, mga dungganon, mga magtatambag, ug ang ilang hanas nga mga madyikero ug mga mamamarang.

Ang Biblia 2011

³ ang kapitan sa kalim-an, ug ang tawo nga taas ug katungdanan, ang magtatambag ug ang batid nga tigsalamangka, ug ang batid nga tiglamat.

Maayong Balita Biblia

³ ang mga kapitan sa kasundalohan ug ang mga pangulo sa katawhan, ang mga magtatambag ug ang mga hanas nga salamangkero ug ang batid sa paglamat.

Ang Bag-ong Maayong Balita Biblia

³ ang mga kapitan sa kasundalohan ug ang mga pangulo sa katawhan, ang mga magtatambag ug ang mga hanas nga salamangkero ug ang batid sa paglamat.

Isaias 3:3 Cross References

Job 22:8

Gigamit mo ang imong pagkagamhanan ug pagkadungganon sa pag-angkon ug yuta.

Exodo 18:21

Apan pagpili ug mga tawo nga motabang kanimo. Kinahanglan aduna silay katakos sa paghukom, adunay kahadlok sa Dios, kasaligan, ug dili modawat ug suborno. Himoa sila nga mga pangulo sa grupo sa mga tawo nga tagsa ka libo, tag-gatos, tag-singkwenta, ug tag-napulo.

Exodo 4:10

Miingon si Moises sa Ginoo, “Ginoo, dili ako maayong manulti sukad pa kaniadto, ug bisan karon nga nakigsulti ka kanako nga imong sulugoon. Hinay gayod ako sa panulti.”

Isaias 3:2

ang ilang sinaligan nga mga tawo, mga sundalo, mga maghuhukom, mga propeta, mga manalagna, mga tigdumala,

Isaias 3:4

Padumalahan sila sa Ginoo sa mga batan-on.

Isaias 5:13

Busa kamo nga akong katawhan bihagon tungod kay nagdumili kamo sa pagsabot sa akong ginahimo. Mangamatay kamo ug ang inyong mga pangulo tungod sa hilabihang kagutom ug kauhaw.

Isaias 9:15

Ang mga tigdumala ug ang dungganon nga mga tawo mao ang ulo, ug ang ikog mao ang bakakong mga propeta.

Deuteronomio 1:15

Busa gipadumala ko kaninyo ingon nga mga maghuhukom ug mga opisyal ang mga tawo nga maalamon ug mga tinahod nga inyong gipili gikan sa inyong mga tribo. Ang uban nangulo sa 1,000 ka mga tawo, ang uban sa 100, ang uban sa 50, ug ang uban sa 10.

Mga Maghuhukom 8:18

Unya miingon si Gideon kang Zeba ug kang Zalmuna, “Unsay hitsura sa mga lalaki nga inyong gipamatay sa Tabor?” Mitubag sila, “Sama kanimo, murag mga anak ug hari.”

1 Samuel 8:12

Ang uban kanila himuon niyang mga opisyal nga modumala sa 1,000 ka mga sundalo, ug ang uban sa 50 ka mga sundalo. Ang uban padarohon niya sa iyang uma. Ang uban mangani sa iyang anihonon. Ang uban pa gayod maghimog mga armas alang sa gira ug mga kagamitan alang sa iyang mga karwahi.