Oseas 8:9 - Ang Pulong sa Dios

⁹ kay nangayo siya ug tabang sa Asiria. Sama siya sa ihalas nga asno nga naglatagaw nga nag-inusara. Gibayran niya ang kaabin niyang mga nasod aron tabangan siya.

Ang Biblia 2011

⁹ Kay sila nanungas sa Asiria, ingon sa ihalas nga asno nga mag-inusara sa paglatagaw; ang Efraim nagsuhol ug mga hinigugma.

Maayong Balita Biblia

⁹ Miadto sila sa Asiria, daw asnong ihalas nga nagsaagsaag ug nag-inusara. Ang Efraim may mga hinigugma nga ilang gibayrag salapi.

Ang Bag-ong Maayong Balita Biblia

⁹ Miadto sila sa Asiria, daw asnong ihalas nga nagsaagsaag ug nag-inusara. Ang Efraim may mga hinigugma nga ilang gibayrag salapi.

Oseas 8:9 Cross References

2 Mga Hari 15:19

Unya, miadto ang hari sa Asiria nga si Tiglat Pileser sa Israel sa pagsulong niini. Busa gihatagan ni Menahem si Tiglat Pileser ug sobra 30 ka toneladang pilak aron tabangan siya ni Tiglat Pileser, aron nga molig-on ang paghari ni Menahem.

Isaias 30:2

Midangop sila sa Ehipto aron mangayog pagpanalipod gikan sa hari, nga wala man lang magpakitambag kanako.

Isaias 30:6

Mao kini ang mensahe sa Dios mahitungod sa mga mananap sa Negev: Gilatas sa mga taga-Juda ang kamingawan nga malisod agian nga adunay mga liyon ug lala nga mga bitin, nga ang uban murag naglupad. Gikarga nila sa mga asno ug mga kamelyo ang ilang mga bahandi aron lang igasa sa nasod nga walay ikatabang kanila.

Jeremias 2:24

Sama usab kamo sa usa ka bayeng asno nga naanad sa kamingawan. Kon moabot ang panahon sa pagpanguwag, magpanimhot kini sa hangin ug walay makapugong niini sa pagpangitag laki. Dili na mahago sa pagpangita kaniya ang laking asno. Sayon siyang pangitaon sa panahon sa iyang pagpanguwag.

Oseas 12:1

“Ang mga taga-Israel nagsalig sa mga butang nga walay pulos. Sa tibuok adlaw nagtinguha sila sa mga butang nga makadaot. Misamot sila ka bakakon ug kabangis. Naghimo sila ug kasabotan uban sa Asiria ug nagpadala ug lana sa Ehipto.”

Oseas 12:2

Adunay akusasyon ang  Ginoo batok sa mga taga-Juda nga mga kaliwat usab ni Jacob. Silotan niya sila sumala sa ilang mga batasan; balosan niya sila sumala sa ilang mga binuhatan.

Oseas 2:10

Ug karon huboan ko siya atubangan sa iyang mga laki, ug walay makaluwas kaniya gikan sa akong mga kamot.

Oseas 5:13

“Sa dihang nakita sa Israel ug sa Juda ang katalagman nga midangat kanila, nangayo ug tabang ang Israel sa gamhanang hari sa Asiria. Apan ang hari dili makatabang kanila.

Oseas 7:11

“Sama sila sa salampati nga dali rang matunto ug walay panabot. Didto hinuon sila sa Ehipto o sa Asiria mangayo ug tabang.