Oseas 8:7 - Ang Pulong sa Dios

⁷ “Nagpugas silag hangin ug moani silag buhawi. Ang ilang trigo walay uhay; dili kini makahatag ug harina. Apan bisan pag mamunga kini, ang taga-laing dapit mao ang mohurot niini.

Ang Biblia 2011

⁷ Kay nagpuga sila ug hangin, busa mag-ani sila sa alimpulos. Ang uhay sa trigo walay lugas, dili kini mohatag ug pagkaon; kon mohatag man kini ug abot ang mga langyaw maoy maglamoy niini.

Maayong Balita Biblia

⁷ Kay nagpugas silag hangin, bagyo ang ilang anihon; wala mamunga ang ilang gipugas busa wala silay makaon; kon mamunga man ugaling, mga langyaw ang mokaon niini.

Ang Bag-ong Maayong Balita Biblia

⁷ Kay nagpugas silag hangin, bagyo ang ilang anihon; wala mamunga ang ilang gipugas busa wala silay makaon; kon mamunga man ugaling, mga langyaw ang mokaon niini.

Oseas 8:7 Cross References

Genesis 41:23

Ug niadto usab nga punoan, misalingsing ang laing pito ka uhay nga niwang ug nanguyos tungod sa kainit sa hangin gikan sa sidlakan.

2 Mga Hari 15:19

Unya, miadto ang hari sa Asiria nga si Tiglat Pileser sa Israel sa pagsulong niini. Busa gihatagan ni Menahem si Tiglat Pileser ug sobra 30 ka toneladang pilak aron tabangan siya ni Tiglat Pileser, aron nga molig-on ang paghari ni Menahem.

2 Mga Hari 15:29

Sa panahon sa paghari ni Peka, gisulong ni Tiglat Pileser nga hari sa Asiria ang Israel, ug nailog niya ang mga lungsod sa Ijon, Abel Bet Maaca, Janoa, Kedesh, ug Hazor. Nailog usab niya ang Gilead, Galilea, ug ang tibuok nga yuta sa Neftali. Unya gidala niya ang mga lumulupyo niini ngadto sa Asiria ingon nga mga bihag.

Job 4:8

Sumala sa akong naobserbahan, ang magtanom ug daotan, ug magsabwag, ug kasamok, kadaotan ug kasamok usab ang anihon.

Mga Panultihon 22:8

Ang magpugas ug daotan moani ug kalaglagan, ug maundang na ang iyang pagpasakit sa uban.

Ecclesiastes 5:16

Subo gayod kini kaayo! Natawo kita nga walay dala, mobiya usab kita nga walay dala. Unsa may atong maani sa atong paghago nga wala man kini kapuslanan?

Isaias 17:11

ug bisan pag motubo kini ug mamulak niana mismong adlawa nga gitanom ninyo kini, wala gayod kamoy bunga nga makuha kondili kalisdanan ug walay hunong nga kasakit.

Isaias 55:2

Nganong mogasto man kamo sa inyong kuwarta sa dili makaon? Ug nganong maghago man kamo sa mga butang nga dili makatagbaw? Pamati kamo kanako ug makakaon kamo sa lamiang pagkaon ug mabusog gayod kamo.

Isaias 66:15

Pamati! Moabot ang  Ginoo inubanan sa kalayo, ug ang iyang mga karwahi murag alimpulos. Ipahamtang niya ang iyang kapungot ngadto sa iyang mga kaaway, ug silotan niya sila sa nagdilaab nga kalayo.

Jeremias 12:13

Nagtanom ang akong katawhan ug trigo, apan miani silag mga tunok. Naghago sila pag-ayo, apan walay nakuha. Miani silag kaulawan tungod sa akong labihang kasuko.”

Mga Pagbangotan 5:2

Ang among mga yuta ug mga balay gipanag-iya na sa mga langyaw.

Oseas 2:9

“Busa sa panahon sa ting-ani bawion ko ang mga lugas ug duga sa ubas nga akong gihatag. Ug kuhaon ko usab ang mga panapton nga delana ug lino nga gihatag ko aron itabon sa iyang pagkahubo.

Oseas 7:9

Gikuha sa mga taga-laing nasod ang ilang katakos, apan wala sila makamatngon. Gituboan na silag uban apan wala sila makamatikod niini.

Oseas 9:16

Sama sila sa tanom nga nauga ang gamot, busa dili makapamunga. Bisan manganak pa sila, patyon ko ang pinalangga nilang mga anak.”

Nahum 1:3

Ang Ginoo dili daling masuko apan hilabihan ang iyang gahom; Silotan gayod sa Ginoo ang mga sad-an. Iyang gipakita ang iyang gahom sa alimpulos ug sa unos, ug ang mga panganod mga abog sa iyang tiil.

Hageo 1:6

Nagtanom kamo ug daghan apan gaani kamo ug gamay. Nagkaon kamo, apan dili kini igo. Miinom kamo, apan wala kini makatagbaw. Nagsul-ob kamo ug sinina apan wala kamo mainitan. Nakakuha kamo ug suweldo, igo lang gisulod sa inyong bulsa nga adunay buslot.

Mga Taga-Galacia 6:7

Ayaw ninyo limbongi ang inyong kaugalingon. Walay tawo nga makalimbong sa Dios. Kay kon unsa ang gipugas sa tawo mao usab ang iyang anihon.

Mga Taga-Galacia 6:8

Kon sundon nato ang atong kaugalingong gusto, madawat nato ang silot nga walay kataposan. Apan kon sundon nato ang gusto sa Espiritu, madawat nato gikan kaniya ang kinabuhi nga walay kataposan.

Deuteronomio 28:33

Ang mga tawo nga wala ninyo mailhi mao ang mokaon sa tanan ninyong hinagoan, ug kanunay lang kamong daog-daogon ug paantuson.