Oseas 7:3 - Ang Pulong sa Dios

³ “Gilipay nila ang ilang hari ug mga opisyal sa ilang kadaotan ug pagpamakak.

Ang Biblia 2011

³ Pinaagi sa ilang kadaotan gilipay nila ang hari, ug ang mga pangulo pinaagi sa ilang mga pagpamakak.

Maayong Balita Biblia

³ Ang Ginoo miingon, “Nalimbongan nila ang hari, ug ang mga kadagkoan nadala sa ilang pagpanglingla.

Ang Bag-ong Maayong Balita Biblia

³ Ang Ginoo miingon, “Nalimbongan nila ang hari, ug ang mga kadagkoan nadala sa ilang pagpanglingla.

Oseas 7:3 Cross References

1 Mga Hari 22:13

Sa laing bahin, ang gisugo sa pagkuha kang Micaya miingon kaniya, “Ang tanang propeta managsama nga miingon nga magmadaogon ang hari, busa kinahanglan nga mao usab kana ang imong isulti.”

1 Mga Hari 22:6

Busa gipatawag ni Ahab ang mga propeta, mga 400 silang tanan ug gipangutana, “Molakaw ba ako sa pagpakig-gira sa Ramot Gilead o dili?” Mitubag sila, “Lakaw, kay hatagan ka sa Ginoo ug kadaogan!”

Jeremias 37:19

Hain na man ang inyong mga propeta nga nanagna nga dili ka o kining siyudad sulongon sa hari sa Babilonia?

Jeremias 5:31

Ang mga propeta nanagna ug bakak. Ang mga pari nagdumala sumala sa ilang kaugalingon nga katungod. Ug nakaangay niini ang akong katawhan. Apan unsay ilang buhaton inig-abot sa kataposang panahon?

Jeremias 9:2

Kon aduna lang unta akoy kadayonan didto sa disyerto aron makapalayo ako sa akong mga katagilungsod. Kay maluibon silang tanan sa Ginoo. Sama sila sa mga babayeng mananapaw.

Oseas 10:13

“Apan nagtanom kamo ug kadaotan, busa miani usab kamo ug kadaotan. Nalingla kamo sa mga bakak tungod kay misalig kamo sa inyong kaugalingong katakos ug sa inyong daghang mga sundalo.

Oseas 11:12

Miingon pa ang Ginoo, “Kanunay lang akong gibakakan ug gilimbongan sa mga taga-Israel. Ang mga taga-Juda padayon nga nagpahilayo kanako, ang Dios nga balaan ug matinumanon.

Oseas 4:2

Ang pagpanunglo, pagpamakak, pagpatay, pagpangawat ug pagpanapaw mao na hinuon ang inyong ginahimo. Miabot na kini bisan asa, ug nagsunodsunod na ang pagpinatyanay.

Oseas 5:11

Gidaog-daog ang Israel ug gilaglag tungod kay gisilotan ko siya, kay padayon gayod siya nga nagsunod sa mga dios-dios.

Oseas 7:5

Sa adlaw sa ilang hari, gihubog nila ang mga opisyal niini. Ug ang hari nakig-inom usab sa mga bugal-bugalon.

Miqueas 6:16

Mahitabo kini kaninyo tungod kay gisunod ninyo ang daotang mga binuhatan, mga tulomanon, ug mga tambag ni Haring Omri ug sa panimalay ni Haring Ahab. Busa laglagon ko kamo, ug biay-biayon kamo ug bugal-bugalan sa ubang mga nasod.”

Miqueas 7:3

Hanas sila sa paghimo ug daotan. Ang mga pangulo ug mga huwes nagdawat ug suborno, ug nagsunod lang sila sa gusto sa mga inila ug gamhanan nga mga tawo. Nagkahiusa sila sa pagplano sa pagtuis sa hustisya.

Roma 1:32

Nasayod sila nga ang Dios nag-ingon nga ang mga tawo nga nagbuhat niini nga mga sala angay nga silotan sa kamatayon, apan gipadayon gihapon nila ang ilang gibuhat. Ug dili kay kana lang, malipay pa gayod sila kon aduna silay makita nga nagbuhat ug sama sa ilang gibuhat.

1 Juan 4:5

Kining mga mini nga propeta iya sa kalibotan, busa ang mga butang nga iya sa kalibotan mao ang ilang gisugilon, ug ang mga tawo sa kalibotan naminaw kanila.