Oseas 7:11 - Ang Pulong sa Dios

¹¹ “Sama sila sa salampati nga dali rang matunto ug walay panabot. Didto hinuon sila sa Ehipto o sa Asiria mangayo ug tabang.

Ang Biblia 2011

¹¹ Ang Efraim sama sa usa ka salampati nga buangbuang ug walay salabotan; nagtawag sila sa Ehipto, miadto sa Asiria.

Maayong Balita Biblia

¹¹ Sama sa salampati ang Efraim, hungog ug walay buot; nagpakitabang siya sa Ehipto unya midangop sa Asiria.

Ang Bag-ong Maayong Balita Biblia

¹¹ Sama sa salampati ang Efraim, hungog ug walay buot; nagpakitabang siya sa Ehipto unya midangop sa Asiria.

Oseas 7:11 Cross References

2 Mga Hari 15:19

Unya, miadto ang hari sa Asiria nga si Tiglat Pileser sa Israel sa pagsulong niini. Busa gihatagan ni Menahem si Tiglat Pileser ug sobra 30 ka toneladang pilak aron tabangan siya ni Tiglat Pileser, aron nga molig-on ang paghari ni Menahem.

2 Mga Hari 16:7

Nagsugo si Ahaz ug mga mensahero sa pagdala niini nga mensahe ngadto kang Tiglat Pileser nga hari sa Asiria: “Imo akong alagad, anhi dinhi ug luwasa ako gikan sa kamot sa hari sa Aram ug sa hari sa Israel nga misulong kanako.”

Mga Panultihon 15:32

Peligro ang tawo nga dili mamatig pagbadlong nga motul-id sa iyang pamatasan, apan kon iya kining tuohan, makaangkon siyag pagsabot.

Mga Panultihon 17:16

Walay kapuslanan ang paggasto sa pagpaeskwela sa usa ka tawong buang-buang kay wala siyay gana nga magtuon.

Mga Panultihon 6:32

Ang tawong nakigrelasyon sa asawa sa uban walay hustong panabot. Gidaot lang niya ang iyang kaugalingon.

Jeremias 2:18

Karon, unsa may inyong nakuha sa inyong pagdangop sa Ehipto ug sa Asiria? Nganong nangadto pa man kamo sa Suba sa Nilo ug sa Suba sa Eufrates?

Jeremias 2:36

Sayon-sayonon ra ninyo ang pag-usab sa inyong huna-huna ug pag-ilis-ilis ug mga kaabin nga nasod. Apan pakaulawan kamo pag-ayo sa Ehipto nga inyong gikaabin sama sa pagpakaulaw nga gihimo kaninyo sa Asiria.

Oseas 11:11

Moabot kamo nga tulin, sama katulin sa mga langgam nga gikan sa Ehipto o sama sa mga salampati nga gikan sa Asiria. Papuy-on ko kamo pag-usab sa inyong mga balay,” miingon ang  Ginoo.

Oseas 12:1

“Ang mga taga-Israel nagsalig sa mga butang nga walay pulos. Sa tibuok adlaw nagtinguha sila sa mga butang nga makadaot. Misamot sila ka bakakon ug kabangis. Naghimo sila ug kasabotan uban sa Asiria ug nagpadala ug lana sa Ehipto.”

Oseas 12:2

Adunay akusasyon ang  Ginoo batok sa mga taga-Juda nga mga kaliwat usab ni Jacob. Silotan niya sila sumala sa ilang mga batasan; balosan niya sila sumala sa ilang mga binuhatan.

Oseas 14:3

Dili na kami mangayo ug tabang sa Asiria ug dili na kami mosalig sa mga kabayo nga alang sa gira. Dili na usab namo tawgon nga among dios ang among hinimo. Kay gikaloy-an mo kami nga sama sa mga ilo.”

Oseas 4:11

aron sa pagsimba sa mga dios-dios. “Mga katawhan ko, ang bag-o ug daang bino mokuha sa inyong maayong panghuna-huna.

Oseas 4:6

Nalaglag ang akong katawhan tungod kay kulang sila sa kahibalo mahitungod kanako. “Kay kamo mismo nga mga pari gisalikway ninyo ang kahibalo mahitungod kanako, busa isalikway ko usab kamo isip akong mga pari. Gikalimtan ninyo ang akong Kasugoan, busa kalimtan ko usab ang inyong mga anak.

Oseas 5:13

“Sa dihang nakita sa Israel ug sa Juda ang katalagman nga midangat kanila, nangayo ug tabang ang Israel sa gamhanang hari sa Asiria. Apan ang hari dili makatabang kanila.

Oseas 5:4

“Ang inyong daotang mga binuhatan nagpugong kaninyo sa pagbalik kanako nga inyong Dios. Kay anaa sa inyong kasing-kasing ang espiritu sa pagsimba sa mga dios-dios, ug wala ninyo ako ilha nga Ginoo.

Oseas 8:13

Naghalad sila kanako ug ginakaon nila ang karne, apan wala ako malipay kanila. Ug karon hinumdoman ko ang ilang kadaotan; silotan ko sila tungod sa ilang mga sala. Mobalik sila sa Ehipto.

Oseas 9:3

Biyaan ninyo ang Israel, ang yuta sa Ginoo, ug mobalik kamo sa Ehipto. Ang uban kaninyo dad-on sa Asiria, ug didto mokaon kamo sa hugaw nga mga pagkaon.

Oseas 9:6

Bisan pag makalingkawas kamo sa kalaglagan, tigomon gihapon kamo sa Ehipto ug ilubong sa Memfis. Matabonan sa sagbot ang inyong mga mahalong kabtangan nga plata ug tuboan sa mga sampinit ang inyong mga tolda.

Abdias 1:7

Limbongan kamo sa inyong kaabin nga mga nasod, ug abugon gikan sa inyong dapit. Sila nga nakig-uban kaninyo sa pagpangaon maoy magbutang ug laang alang kaninyo, ug dili kamo makamatikod niini.

Mateo 10:16

“Timan-i ninyo kini! Sama kamo sa mga karnero nga akong gipaadto sa mabangis nga mga mananap. Busa pagmaigmat kamo sama sa mga bitin, ug pagmalumo kamo sama sa mga salampati.