Oseas 5:9 - Ang Pulong sa Dios

⁹ Malaglag ang Israel sa adlaw sa pagsilot. Mahitabo gayod ang akong giingon batok sa mga tribo sa Israel!

Ang Biblia 2011

⁹ Ang Ephraim mahimong kamingawan sa adlaw sa pagsilot; diha sa mga banay sa Israel akong gipahayag ang matuod gayod.

Maayong Balita Biblia

⁹ Magun-ob ang Efraim sa adlaw sa pagsilot; taliwala sa kabanayan sa Israel ipahayag ko nga kini mahitabo gayod.

Ang Bag-ong Maayong Balita Biblia

⁹ Magun-ob ang Efraim sa adlaw sa pagsilot; taliwala sa kabanayan sa Israel ipahayag ko nga kini mahitabo gayod.

Oseas 5:9 Cross References

Job 12:14

Walay makatukod pagbalik sa iyang giguba, ug walay makaluwas sa iyang gipriso.

Isaias 37:3

Pag-abot nila kang Isaias, miingon sila kaniya, “Mao kini ang giingon ni Ezequias: Nag-antos kita niini nga panahon; ginasilotan ug ginapakaulawan. Nahisama kita sa babayeng nagbati nga wala nay kusog sa pagpahimugso sa iyang anak.

Isaias 46:10

Sa sinugdan pa lang gipadayag ko na ang umaabot. Sukad pa kaniadto, giplano ko na kon unsa ang mahitabo. Matuman gayod ang akong mga plano; himuon ko ang tanan kong gustong buhaton.

Isaias 48:3

Nag-ingon siya kaninyo, “Giingon ko na kaniadto kon unsa ang mahitabo sa umaabot. Ug sa kalit lang gituman ko kini.

Isaias 48:5

Busa gisulti ko nang daan kaninyo ang akong buhaton. Sa wala pa kini mahitabo gipahibalo ko na kini kaninyo, aron dili kamo makaingon nga ang inyong mga dios-dios nga hinimo gikan sa kahoy ug metal mao ang nagbuhat ug nagtuman niini.

Oseas 5:12

Sama ako sa gagmayng mananap nga mokutkot sa Israel ug sa Juda.

Oseas 5:14

Kay mahisama ako sa usa ka liyon ngadto sa Israel ug Juda nga mokunis-kunis kanila. Ako gayod mismo ang molaglag kanila. Bihagon ko sila ug walay makaluwas kanila.

Oseas 7:12

Apan inig-adto nila niining mga dapita, pugngan ko sila. Mahisama sila sa langgam nga itsahan ko ug pukot ug birahon paubos. Silotan ko sila sumala sa giingon ko na sa ilang panagtigom.

Oseas 8:8

Lamyon ang Israel sa kaaway. Ang pagtan-aw kaniya karon sa ubang mga nasod sama sa galamiton nga walay pulos,

Oseas 9:7

Mga taga-Israel, miabot na ang higayon nga silotan kamo, ang higayon nga singlon kamo sa inyong gipanghimo. Ug mahibaloan gayod ninyo nga miabot na kini. Nag-ingon kamo, ‘Kana nga propeta buang-buang! Kanang tawhana nga gigamhan sa espiritu, buang!’ Mao kana ang inyong giingon bahin kanako tungod kay daghan na kaayo ang inyong sala ug nasuko kamo pag-ayo kanako.

Amos 3:7

Sa pagkatinuod, dili mohimo ang Ginoong Dios ug bisan unsa kon dili una niya kini ikapadayag sa iyang mga alagad nga propeta.

Amos 7:17

“Pamatia kining giingon sa Ginoo batok kanimo, “ ‘Ang imong asawa magbaligya sa iyang dungog sa siyudad ug ang imong mga anak mamatay sa gira. Ang imong mga kayutaan bahin-bahinon sa mga kaaway, ug mamatay ka didto sa laing nasod. Ug sigurado gayod nga bihagon ang mga Israelinhon ngadto sa ubang nasod.’ ”

Amos 7:9

“Gub-on ko ang mga halaran sa habog nga mga dapit nga gisimbahan sa mga kaliwat ni Isaac, ug ipasulong ko sa mga kaaway ang mga kaliwat ni Haring Jeroboam.”

Miqueas 6:13

Busa tungod sa inyong mga sala silotan ko kamo sa hilabihan aron malaglag kamo.

Zacarias 1:6

Apan dili ba ang akong mga pulong ug mga gimbut-an, nga akong gisugo sa akong mga sulugoon ang propeta, nakaapas sa inyong mga katigulangan? Unya naghinulsol sila ug miingon, ‘Ang Ginoo nga Makagagahom naghimo diha kanato sa angayan sa atong paagi ug binuhatan. Ingon sa iyang gitinguha nga buhaton.’ ”

Juan 16:4

Apan gisulti ko kini kaninyo aron nga kon moabot na ang panahon nga buhaton nila kini kaninyo, mahinumdoman ninyo nga gipasidan-an ko na kamong daan. “Kining mga butanga wala ko isulti kaninyo kaniadto kay kauban pa ninyo ako.