Oseas 5:2 - Ang Pulong sa Dios

² Misupak kamo kanako ug misamot ang inyong tinguha sa pagpamatay, busa silotan ko kamong tanan.

Ang Biblia 2011

² Ug ilang gipalaloman ang gahong sa Sitim, apan akong silotan silang tanan.

Maayong Balita Biblia

² Ug gipaladman ninyo ang gahong sa siyudad sa Shitim, apan kastigohon ko kamong tanan.

Ang Bag-ong Maayong Balita Biblia

² Ug gipaladman ninyo ang gahong sa siyudad sa Shitim, apan kastigohon ko kamong tanan.

Oseas 5:2 Cross References

Isaias 1:5

Nganong nagpadayon man kamo sa pagkamasinupakon? Nganong gusto man ninyo nga masilotan? Sama kamo sa tawo kansang ulo pulos na samad ug kansang kasing-kasing napuno sa kasakit.

Isaias 29:15

Alaot kamong naningkamot sa pagtago sa inyong mga plano gikan sa Ginoo. Naghimo kamo sa inyong mga buluhaton diha sa kangitngit ug nag-ingon, “Walay makakita o makahibalo sa atong gihimo.”

Jeremias 18:18

Unya miingon ang mga tawo, “Dali, mangita kitag paagi nga mapaundang nato si Jeremias! Aduna bitaw kitay mga pari nga motudlo kanato sa kasugoan, mga maalamon nga tawo nga motambag kanato, ug mga propeta nga mosaysay kanato sa mensahe sa Dios. Busa mag-imbento kitag istorya batok kaniya ug dili na kita maminaw sa iyang gipanulti.”

Jeremias 5:3

O Ginoo, dili ba nga nangita ka ug tawong kasaligan? Gisakit mo ang imong katawhan, apan wala sila masakiti niini. Gisilotan mo sila, apan dili sila gustong magpadisiplina. Gahi na kaayo silag ulo, ug nagdumili sila sa paghinulsol.

Jeremias 6:28

Tanan sila mga masinupakon ug mga gahig ulo, sama kagahi sa bronsi ug puthaw. Wala silay laing gihimo kondili ang pagbutang-butang ug pagtunto sa uban.

Oseas 4:2

Ang pagpanunglo, pagpamakak, pagpatay, pagpangawat ug pagpanapaw mao na hinuon ang inyong ginahimo. Miabot na kini bisan asa, ug nagsunodsunod na ang pagpinatyanay.

Oseas 6:5

Busa gipahimangnoan ko kamo pinaagi sa akong mga propeta nga malaglag kamo ug mangamatay. Ipadayag ko ang akong paghukom kaninyo sama kahayag sa adlaw.

Oseas 6:9

Ang inyong mga pari sama sa pundok sa mga tulisan nga mangatang ug biktimahon. Mopatay sila diha sa dalan paingon sa Sekem, ug naghimo sa uban pang daotang mga binuhatan.

Oseas 9:15

Miingon ang  Ginoo, “Ang tanang kadaotan sa akong mga katawhan nagsugod sa Gilgal. Didto pa lang gikapungtan ko na sila. Tungod sa ilang kadaotan papahawaon ko sila sa Israel nga giisip ko nga akong puloy-anan. Dili ko na sila higugmaon tungod kay ang tanan nilang mga pangulo mga gahig ulo.

Gipadayag 3:19

“Ang tanan nga akong gihigugma gibadlong ko ug gidisiplina. Busa paghinulsol kamo ug ayoha gayod ninyo ang inyong pamatasan.