Oseas 4:3 - Ang Pulong sa Dios

³ Tungod niini nagmala ang inyong yuta ug nangamatay ang tanang nagpuyo niini, apil ang tanang klasi sa mga mananap nga naglakaw, naglupad, ug naglangoy.

Ang Biblia 2011

³ Busa ang yuta nagsubo, ug ang tanang nagpuyo niini nagluya, ug usab ang mga mananap sa kapatagan ug ang mga langgam sa kalangitan ug bisan ang mga isda sa dagat gipanguha.

Maayong Balita Biblia

³ Busa nagbangotan ang nasod ug nangamatay ang tanang nagpuyo niini, lakip ang tanang mananap sa kapatagan ug ang kalanggaman; nangamatay bisan gani ang mga isda sa kadagatan.”

Ang Bag-ong Maayong Balita Biblia

³ Busa nagbangotan ang nasod ug nangamatay ang tanang nagpuyo niini, lakip ang tanang mananap sa kapatagan ug ang kalanggaman; nangamatay bisan gani ang mga isda sa kadagatan.”

Oseas 4:3 Cross References

Isaias 33:9

Alaot ang yuta sa Israel. Nangalaya ang kakahoyan sa Lebanon, ug naulawan kini. Nahisama sa kamingawan ang kapatagan sa Sharon. Nangatagak ang mga dahon sa mga kahoy sa Basan ug Carmel.

Jeremias 12:4

Hangtod kanus-a magpabilin nga uga ang yuta ug laya ang mga sagbot sa tanang kaumahan? Nangamatay ang mga hayop ug ang mga langgam tungod sa pagkadaotan sa mga katawhan nga nagpuyo sa mao nga yuta. Kay nag-ingon sila, “Wala manghilabot ang Dios sa atong dangatan.”

Jeremias 23:10

Napuno gayod ang yuta sa mga tawong nagsimba sa mga dios-dios, kay ang mga propeta naghimog daotan ug nag-abuso sa ilang gahom. Tungod niini, gitunglo sa Ginoo ang yuta, busa nagmala kini ug nangalaya ang mga tanom.

Jeremias 4:25

Nakita ko usab nga wala nay mga tawo, ug ang tanang langgam nanglupad na.

Jeremias 9:10

Miingon ako: Magminatay ako alang sa mga bukid. Magbangotan ako alang sa mga sabsabanan sa kamingawan. Kay naawaaw na kini ug wala nay nangagi niini. Dili na madungog ang pag-inga sa mga baka, ug mipalayo na ang mga langgam ug ang ihalas nga mga iro.

Jeremias 9:9

Dili ko ba diay sila silotan tungod niini? Dili ko ba diay panimaslan ang nasod nga sama niini? Ako, ang  Ginoo, ang nag-ingon niini.”

Ezequiel 38:20

Ang tanang mga tawo ug ang tanang matang sa mananap, ang naglakaw, ang naglupad, ang nagkamang, ug ang nagpuyo sa tubig, mangurog sa kahadlok sa akong presensya. Mangatumpag ang mga bukid ug mga bakilid, ug mangatumpag ang mga paril.

Joel 1:18

Nag-agulo ang mga mananap tungod sa kagutom. Naglibot-libot ang mga baka kay wala na silay sibsiban; bisan pa ang mga karnero nag-antos.

Amos 1:2

Miingon siya, “Nagdahunog ang tingog sa Ginoo gikan sa Zion; naglanog kini gikan sa Jerusalem. Ug tungod niini nangalaya ang mga sagbot sa sibsiban sa mga magbalantay sa mga karnero apil ang mga tanom sa ibabaw sa Bukid sa Carmel.”

Amos 5:16

Busa mao kini ang giingon sa Ginoong Dios nga Makagagahom, “Moabot ang adlaw nga adunay panaghilak ug panagtiyabaw diha sa mga kadalanan ug mga plasa. Tawgon ang mga mag-uuma aron magminatay ug magbangotan uban sa mga tawo nga gisuholan sa paghilak.

Amos 8:8

“Tungod niini tay-ogon ko ang inyong yuta pinaagi sa linog ug magbangotan kamo. Matay-og ang inyong yuta sa hilabihan gayod. Moalsa kini, moulbo, ug mounlod pagbalik daw tubig sa nagbaha nga Suba sa Nilo sa Ehipto.

Nahum 1:4

Gibadlong niya ang kadagatan ug nauga kini; Gipauga niya ang mga kasapaan. Ang Basan ug Carmel nangalaya ug ang pagpamulak sa Lebanon nahanaw.

Sofonias 1:3

“Silhigon ko pahilayo ang tawo ug ang kahayopan akong silhigon ang mga langgam sa kalangitan ug ang mga isda sa kadagatan, ang mga dios-dios nga maoy hinungdan nga mapandol ang mga daotan. Sa dihang laglagon ko ang tanang katawhan sa ibabaw sa kalibotan,” nag-ingon ang  Ginoo.

Zacarias 5:4

Miingon ang  Ginoo nga Makagagahom, ‘Ipadala ko kining tunglo ug mosulod kini sa balay sa kawatan ug sa balay sa nanumpa ug bakak ginamit ang akong ngalan. Magpabilin kini diha kanila hangtod nga mangalumpag ang ilang mga balay sa hingpit.’ ”