Oseas 2:3 - Ang Pulong sa Dios

³ Kay kon dili siya moundang, huboan ko siya ug madayag ang iyang kahubo sama sa dihang gihimugso siya. Himuon ko siyang sama sa kamingawan o disyerto, ug mamatay siya sa kauhaw.

Ang Biblia 2011

³ aron dili nako siya huboan ug himoon siya nga sama sa adlaw sa iyang pagkatawo, ug himoon siya nga sama sa kamingawan, ug ibutang siya sama sa uga nga yuta, ug patyon siya sa kauhaw.

Maayong Balita Biblia

³ kay kon dili, tingali unyag himoon ko siyang hubo sama sa iyang pagkahimugso, ug himoon siyang sama sa kamingawan, ug sama sa nauga nga yuta, aron mamatay siya sa kauhaw.

Ang Bag-ong Maayong Balita Biblia

³ kay kon dili, tingali unyag himoon ko siyang hubo sama sa iyang pagkahimugso, ug himoon siyang sama sa kamingawan, ug sama sa nauga nga yuta, aron mamatay siya sa kauhaw.

Oseas 2:3 Cross References

Exodo 17:3

Apan gipang-uhaw pag-ayo ang mga tawo didto, busa nagsige silag bagulbol kang Moises. Miingon sila, “Nganong gipagawas mo pa kami gikan sa Ehipto kon mangamatay man lang kami dinhi sa kauhaw lakip ang among mga anak ug kahayopan?”

Isaias 33:9

Alaot ang yuta sa Israel. Nangalaya ang kakahoyan sa Lebanon, ug naulawan kini. Nahisama sa kamingawan ang kapatagan sa Sharon. Nangatagak ang mga dahon sa mga kahoy sa Basan ug Carmel.

Isaias 47:3

Makita ang imong pagkahubo ug maulawan ka. Manimalos ako kanimo ug dili ka nako kaloy-an.”

Isaias 64:10

Ang imong balaan nga mga siyudad, apil ang Jerusalem, nahisama sa disyerto nga walay nagpuyo.

Jeremias 12:10

Laglagon sa daghang mga pangulo ang Juda nga giisip ko nga akong ubasan. Giyatak-yatakan nila kining matahom kong yuta ug gihimong awaaw.

Jeremias 13:22

Mangutana ka sa imong kaugalingon, “Nganong nahitabo kini kanako?” Gilaglag ka ug nahisama sa usa ka babayeng gipanamastamasan tungod sa imong daghang mga sala.

Jeremias 13:26

Huboan ko kamo aron maulawan.

Jeremias 14:3

Gisugo sa mga halangdon nga tawo ang ilang mga sulugoon sa pagsag-ob. Nangadto sila sa mga bangag nga pundohanan ug tubig apan walay tubig didto. Busa namalik sila nga walay sulod ang ilang mga sudlanan. Naminghoy sila, ug gitabonan nila ang ilang mga nawong tungod sa kaulaw ug kasubo.

Jeremias 17:6

Mahisama siya sa tanom sa kamingawan nga dili molambo. Magpuyo siya sa mamala ug asinon nga yuta diin walay nagpuyo.

Jeremias 2:31

“Kamong mga katawhan niini nga henerasyon, paminawa kining akong isulti: “Sama ba ako sa usa ka disyerto alang kaninyong mga Israelinhon, o kaha sa usa ka dapit nga labihan kangitngit? Nganong moingon man kamo, ‘Makahimo na kami sa among gusto. Dili na kami moduol sa Dios.’

Jeremias 2:6

Wala sila mangita kanako bisan pag akoy nagpagawas kanila gikan sa Ehipto ug naggiya kanila sa kamingawan nga walay mga tanom, gikan sa yuta nga disyerto nga adunay mga bangag, nga kanunayng adunay hulaw ug delikado, ug walay nagpuyo ni nag-agi.

Jeremias 22:6

Kay mao kini ang gisulti sa Ginoo bahin sa palasyo sa hari sa Juda: “Alang kanako, sama ikaw katahom sa Gilead o sa tumoy sa bukid sa Lebanon. Apan himuon ka nako nga sama sa disyerto, sama sa lungsod nga walay nagpuyo.

Jeremias 4:26

Nakita ko nga ang tabunok nga yuta nahimong disyerto. Ang tanang lungsod nalaglag tungod sa labihan nga kasuko sa Ginoo.

Jeremias 51:43

Maawaaw ang mga lungsod niini, sama sa disyerto nga mala ug walay nagpuyo o bisan adunay molabay.

Jeremias 51:5

Kay ako, ang Ginoong Dios nga Makagagahom, ang Balaan nga Dios sa Israel, wala magsalikway sa Israel ug Juda bisan pag napuno sa kadaotan ang ilang yuta.

Ezequiel 16:22

Sa imo nga mangil-ad nga mga buhat ug pagpamiga wala mo gayod hinumdomi kon giunsa ka nako pag-atiman sa dihang ikaw batan-on pa, niadtong hubo ka ug naglunang sa imo nga kaugalingong dugo.

Ezequiel 19:13

Karon gitanom kini pag-usab didto sa disyerto, sa dapit nga mamala ug walay tubig.

Oseas 13:15

Bisan pa ug mas mauswagon kamo kay sa inyong isigka-Israelinhon, laglagon ko gihapon kamo. Ipadala ko ang init nga hangin gikan sa disyerto sa sidlakan ug mohubas ang inyong mga tuboran ug mga atabay. Ug unya ilogon ang inyong mga mahalong kabtangan.

Oseas 2:10

Ug karon huboan ko siya atubangan sa iyang mga laki, ug walay makaluwas kaniya gikan sa akong mga kamot.

Gipadayag 17:16

Ang napulo ka sungay nga imong nakita ug ang mananap magdumot sa babayeng nagbaligya sa iyang dungog. Kuhaon nila ang tanan niyang kabtangan ug huboan nila siya ug wala gayoy mabilin kaniya. Unya kaonon nila ang iyang unod ug sunogon dayon nila ang nahibilin niini.

Mga Maghuhukom 15:18

Unya giuhaw pag-ayo si Samson, busa nanawag siya sa Ginoo. Miingon siya, “Gipadaog mo ako, apan karon mamatay na lang ba ako sa kauhaw ug mabihag sa mga wala nakaila kanimo?”