Oseas 2:1 - Ang Pulong sa Dios

¹ “Busa tawga ninyo ang inyong isigka-Israelinhon nga ‘Akong katawhan’ ug ‘Gikaloy-an.’

Ang Biblia 2011

¹ Ingna ninyo ang inyong igsoong lalaki, “Ammi” ug ang inyong igsoong babaye, Ruhama.

Maayong Balita Biblia

¹ Nganli ang imong igsoong lalaki ug “Katawhan sa Dios,” ug ang imong igsoong babaye nganli ug “Gikaluy-an sa Ginoo.”

Ang Bag-ong Maayong Balita Biblia

¹ Nganli ang imong igsoong lalaki ug “Katawhan sa Dios,” ug ang imong igsoong babaye nganli ug “Gikaluy-an sa Ginoo.”

Oseas 2:1 Cross References

Jeremias 31:33

Midugang pag-ingon ang  Ginoo, “Ang bag-ong kasabotan nga akong himuon sa mga taga-Israel sa umaabot nga mga adlaw mao kini: Ibutang ko ang akong mga sugo sa ilang huna-huna, ug isulat ko kini sa ilang kasing-kasing. Mahimo nila akong Dios, ug sila mahimong akong katawhan.

Jeremias 32:38

Mahimo ko silang katawhan ug ako mahimong ilang Dios.

Jeremias 51:5

Kay ako, ang Ginoong Dios nga Makagagahom, ang Balaan nga Dios sa Israel, wala magsalikway sa Israel ug Juda bisan pag napuno sa kadaotan ang ilang yuta.

Ezequiel 11:20

Tumanon na ninyo ang akong mga sugo ug mga pagtulon-an. Mahimo kamo nga akong katawhan, ug ako mahimo nga inyong Dios.

Ezequiel 36:11

Padaghanon ko ang inyong mga tawo ug ang inyong mga mananap. Papuy-on ko pag-usab ang mga tawo diha kaninyo sama kaniadto, ug pauswagon ko kamo labaw pa kaysa kaniadto. Unya mahibaloan ninyo nga ako mao ang  Ginoo.

Ezequiel 36:28

Magpuyo kamo sa yuta nga gihatag ko sa inyong mga katigulangan. Mahimo ko kamo nga katawhan ug ako mahimo nga inyong Dios.

Ezequiel 37:27

Mopuyo ako uban kanila. Mahimo akong ilang Dios, ug mahimo ko silang katawhan.

Oseas 2:2

“Mga anak, badlonga ninyo ang inyong inahan kay dili ko na siya asawa, ug dili na niya ako bana. Ingna ninyo siya nga undangon na ang iyang pagpamiga.

Oseas 2:23

Papuy-on ko kamo sa inyong yuta isip akong katawhan. Ipakita ko ang akong kaluoy kaninyo, kamo nga gitawag ug Lo Ruhama. Ug kamong gitawag nga Lo Ami tawgon ko nga akong katawhan. Ug moingon kamo kanako, ‘Ikaw ang among Dios.’ ”

Zacarias 13:9

Ang ikatulo ka bahin nga nahibilin hinloan ko nga daw sama sa plata nga gipaputli pinaagi sa kalayo. Ug sulayan ko sila sama sa pagsulay sa kalunsay sa bulawan pinaagi sa kalayo. Mag-ampo sila kanako ug pamation ko sila. Moingon ako, ‘Sila ang akong katawhan,’ ug moingon usab sila, ‘Ang Ginoo ang among Dios.’ ”

2 Mga Taga-Corinto 4:1

Tungod sa kaluoy sa Dios gipili niya kami nga magsangyaw niining bag-ong pamaagi nga mahimong matarong ang mga tawo, busa wala kami nagmaluya.

1 Timoteo 1:13

bisan tuod nga kaniadto nagsulti ako ug daotan batok kaniya. Gawas pa niana, gilutos ko ug gipakaulawan ang mga nagtuo kaniya. Apan gikaloy-an ako sa Dios, kay wala pa man ako motuo kaniadto, busa wala ako masayod kon unsa ang akong gibuhat.

1 Pedro 2:10

Kaniadto dili kamo mga katawhan sa Dios, apan karon iya na kamo. Kaniadto wala kamo kaloy-i sa Dios, apan karon gikaloy-an na niya kamo.