Genesis 6:11 - Ang Pulong sa Dios

¹¹ Sa panan-aw sa Dios, daotan gayod ang mga tawo ug nalukop ang kalibotan sa ilang kadaotan.

Ang Biblia 2011

¹¹ Ug ang kalibotan nahimong daotan, nagkadunot sa atubangan sa Dios ug ang yuta napuno sa kabangis.

Maayong Balita Biblia

¹¹ Apan ang katawhan daotan atubangan sa Dios ug ang kalibotan napuno sa ilang pagkadaotan.

Ang Bag-ong Maayong Balita Biblia

¹¹ Apan ang katawhan daotan atubangan sa Dios ug ang kalibotan napuno sa ilang pagkadaotan.

Genesis 6:11 Cross References

Genesis 10:9

Bantogan siya nga mangangayam atubangan sa Ginoo, busa adunay panultihon nga nag-ingon, “Sama ikaw kang Nimrod nga bantogan nga mangangayam atubangan sa Ginoo.”

Genesis 13:13

Ang mga tawo sa Sodoma labihan gayod kadaotan ug makasasala atubangan sa Ginoo.

Genesis 6:10

Aduna siyay tulo ka anak nga lalaki nga sila si Sem, Ham, ug Jafet.

Genesis 7:1

Miingon ang Ginoo kang Noe, “Sulod na sa arka uban sa imong tibuok nga pamilya, tungod kay sa tanang mga tawo niining henerasyon, ikaw ra ang nakita ko nga matarong.

2 Cronicas 34:27

‘Tungod kay naghinulsol ka ug nagpaubos sa imong kaugalingon sa akong atubangan sa dihang nadungog mo ang akong giingon batok niini nga dapit ug sa mga lumulupyo niini, ug gigisi mo ang imong bisti ug mihilak ka sa akong atubangan, gidungog ko ang imong pag-ampo.

Salmo 11:5

Ginasusi niya ang mga matarong ug ang mga daotan. Ginakapungtan niya ang mga bangis.

Salmo 140:11

Hinaut nga dili magmauswagon dinhi sa yuta ang mga tawong kusog mamutang-butang sa uban. Hinaut pa nga modangat ang dakong katalagman ngadto sa mga tawong bangis, aron mapukan sila.

Salmo 55:9

Ginoo, laglaga ang akong mga kaaway; himoa nga dili sila magkasinabtanay. Kay nakita ko ang pagpanghasi ug panag-away sa lungsod.

Exodo 32:7

Miingon ang Ginoo kang Moises, “Pagdalig lugsong kay ang imong katawhan nga gipagawas mo gikan sa Ehipto naghimog kadaotan.

Isaias 60:18

Wala nay kagubot nga mahitabo diha sa imong yuta. Wala nay kalaglagan nga moabot kanimo. Magpalibot kanimo ang kaluwasan nga daw sa paril, ug magdayeg kanako ang mosulod sa imong mga pultahan.

Jeremias 6:7

Sama sa usa ka tuboran nga padayon ang pagdagayday sa tubig, padayon usab ang iyang paghimog daotan. Madungog kanunay dinhi niini nga siyudad ang pagpasakit ug pagpanglaglag. Ang balatian ug mga samad niini maoy kanunay kong makita.

Ezequiel 28:16

Ang imo nga daghang mga negosyo nahimo nga hinungdan sa imo nga kabangis ug nagpakasala ka. Busa giabog ka nako gikan sa akong balaan nga bukid; gipapahawa ka nako, kerubin nga magbalantay gikan sa naggilak-gilak nga mga bato.

Ezequiel 8:17

Unya miingon ang Dios kanako, “Tawo, nakita mo ba kana? Wala lang bay kaso sa katawhan sa Juda ang paghimo nianang mangil-ad nga mga butang dinhi? Gawas pa niana, naghatag pa silag kasamok sa nasod, busa gipasuko nila ako pag-ayo. Tan-awa kon giunsa nila ako pagpasipala!

Habacuc 1:2

Hangtod kanus-a Ginoo ako mangayo kanimo ug pakitabang, apan wala ka maminaw! O motu-aw kanimo nga gidaog-daog kami, apan wala ka moluwas?

Habacuc 2:17

Ang kadaotan nga imong gibuhat sa Lebanon makalupig kanimo, ug ang pagdaot sa mga kahayopan makapahadlok kanimo. Kay giulaan mo ug dugo sa tawo; gilumpag mo ang kayutaan ug mga siyudad ug ang tanan niini.

Habacuc 2:8

Kay inyong gikurakot ang daghang mga nasod, ang mga tawo nga nabilin mokarakot usab ninyo. Kay gipaagas nimo ang dugo sa tawo; imong giguba ang mga yuta ug ang mga siyudad ug ang tanan nga anaa niini.

Lucas 1:6

Silang duha nagkinabuhi nga matarong atubangan sa Dios. Gituman gayod nila ang tanang mga sugo ug balaod sa Ginoo.

Roma 2:13

Kay ang gipakamatarong sa Dios mao ang nagtuman sa Kasugoan ug dili ang nagpaminaw lamang.

Roma 3:19

Karon, nasayran nato nga ang tanang giingon sa Kasugoan alang kanato nga mga Judio nga nagkinabuhi ilalom sa Kasugoan. Busa dili kita makaingon nga dili kita silotan. Ang tanan manubag sa Dios tungod sa ilang mga sala.

Deuteronomio 31:29

Kay nahibaloan ko nga kon patay na ako, maghimo gayod kamo ug daotan ug isalikway ninyo ang tanan nga gisugo ko kaninyo. Sa umaabot nga mga adlaw, moabot kaninyo ang mga katalagman kay maghimo kamog daotan atubangan sa Ginoo ug pasuk-on ninyo siya pinaagi sa inyong buhat.”

Mga Maghuhukom 2:19

Apan inigkamatay sa ilang pangulo, mobalik na usab sila sa ilang naandang binuhatan, ug mas daotan pa ang ilang ginabuhat kaysa ilang mga katigulangan. Nag-alagad ug nagsimba sila sa ubang mga dios ug wala gayod nila biyai ang ilang daotang mga buhat ug ang ilang pagkagahig ulo.