Genesis 50:9 - Ang Pulong sa Dios

⁹ Miuban usab kanila ang mga tawong nagkarwahi ug nagkabayo. Dako gayod kaayo kadto nga panon.

Ang Biblia 2011

⁹ Mitungas usab uban kaniya ang mga karwahi, ug ang mga tigkabayo. Ug kini nahimo nga usa ka panon nga hilabihan ka dako.

Maayong Balita Biblia

⁹ Mikuyog kaniya ang mga tawo nga nagsakay sa mga karwahi ug sa mga kabayo. Dako kaayong panon sa katawhan ang mikuyog kang Jose.

Ang Bag-ong Maayong Balita Biblia

⁹ Mikuyog kaniya ang mga tawo nga nagsakay sa mga karwahi ug sa mga kabayo. Dako kaayong panon sa katawhan ang mikuyog kang Jose.

Genesis 50:9 Cross References

Genesis 41:43

Gipasakay niya si Jose sa iyang ikaduhang karwahi, ug adunay mga tigpahibalo nga gauna kaniya ug nagsinggit, “Yukbo-i ninyo ang gobernador!” Busa sukad niadto nahimong gobernador si Jose sa tibuok Ehipto.

Genesis 46:29

misakay si Jose sa iyang karwahi ug miadto aron sa pagsugat sa iyang amahan. Sa ilang pagkita, gigakos ni Jose ang iyang amahan ug nagsige kinig hilak.

Genesis 50:10

Pag-abot nila sa giokanan sa Atad, tabok sa Suba sa Jordan, nagbangotan sila didto alang amahan in Jose ug nagminatay sila sa paghilak. Nagsubo si Jose alang sa iyang amahan sulod sa pito ka adlaw.

Genesis 50:8

Miuban usab ang panimalay ni Jose ug ang panimalay sa iyang mga igsoon, ang tibuok panimalay ni Jacob. Ang ilang gagmayng kabataan ug mga kahayopan lang ang nahibilin sa Goshen.

2 Mga Hari 18:24

Wala ka gayoy mahimo sa pagpildi bisan sa pinakaubos nga opisyal sa akong agalon. Nagsalig ka lang sa Ehipto nga mohatag kanimo sa mga karwahi ug mga tigkabayo.

Exodo 14:17

Pagahion ko ang kasing-kasing sa mga Ehiptohanon aron gukdon nila kamo. Apan laglagon ko ang hari ug ang tanan niyang mga sundalo, mga tigkabayo, ug mga karwahi. Niining paagiha mapasidunggan ako.

Exodo 14:28

Natabonan sa tubig ang tanang kasundalohan sa hari sa Ehipto nga migukod sa mga Israelinhon lakip ang ilang mga tigkabayo ug mga karwahi. Wala gayoy usa kanila nga nakalingkawas.

Exodo 14:7

Gidala niya ang 600 sa pinakamaayong karwahi sa Ehipto ug ang uban pang karwahi. Gidumalahan kining tanan sa iyang mga opisyal.

Awit sa mga Awit 1:9

O mahal ko, sama ikaw sa bayeng kabayo nga makadani sa laking kabayo nga gaguyod sa karwahi sa hari sa Ehipto.