Genesis 50:2 - Ang Pulong sa Dios

² Unya gisugo niya ang iyang mga embalsamador nga balsamaron ang iyang amahan, ug gituman nila kini.

Ang Biblia 2011

² Ug nagsugo si Jose sa iyang mga sulugoon nga mananambal sa pag-embalsamar sa iyang amahan. Ug ang mga mananambal miembalsamar kang Israel.

Maayong Balita Biblia

² Unya gisugo ni Jose ang mga mananambal nga nag-alagad kaniya nga embalsamahon ang iyang amahan ug gituman nila kini.

Ang Bag-ong Maayong Balita Biblia

² Unya gisugo ni Jose ang mga mananambal nga nag-alagad kaniya nga embalsamahon ang iyang amahan ug gituman nila kini.

Genesis 50:2 Cross References

Genesis 27:41

Gidumtan ni Esau si Jacob tungod sa panalangin nga gihatag sa iyang amahan ngadto kang Jacob. Miingon si Esau sa iyang kaugalingon, “Hapit na mamatay ang akong amahan, ug inigkahuman sa mga adlaw sa pagbangotan alang kaniya, patyon ko si Jacob.”

Genesis 50:1

Naghilak nga migakos ug mihalok si Jose sa iyang amahan.

Genesis 50:26

Namatay si Jose didto sa Ehipto sa edad nga 110 ka tuig. Gibalsamar siya ug gisulod sa lungon.

2 Cronicas 16:14

Gilubong siya sa lubnganan nga iyang gipahimo alang sa iyang kaugalingon didto sa Lungsod ni David. Gipahimutang siya sa lubnganan nga puno sa nagkalain-laing mga pahumot, ug naghimo ang mga tawo ug dako nga daob sa pagpasidungog kaniya.

Mateo 26:12

Gibuboan niya ug pahumot ang akong lawas isip pag-andam sa akong paglubong.

Marcos 14:8

Kining babayhana naghimo kutob sa iyang mahimo alang kanako. Gibuboan niya ug pahumot ang akong lawas isip pag-andam sa akong lubong.

Marcos 16:1

Human sa Adlaw nga Igpapahulay, si Maria nga taga-Magdala, si Maria nga inahan ni Santiago, ug si Salome namalit ug pahumot kay moadto sila sa lubnganan aron haplasan ang patayng lawas ni Jesus.

Lucas 24:1

Sayo pa kaayo sa buntag sa adlawng Dominggo, miadto ang mga babaye sa lubnganan nga dala ang ilang giandam nga mga pahumot.

Juan 12:7

Apan miingon si Jesus, “Pasagdi siya. Kini nga pahumot gitipigan unta aron gamiton sa pag-andam sa akong lubong sama sa iyang gibuhat karon.