Genesis 49:4 - Ang Pulong sa Dios

⁴ Apan sama ka sa nagbukal nga tubig, kay dili ka makapugong sa imong kaibog. Ug tungod kay nakigdulog ka sa akong asawa nga sulugoon ug gihugawan mo ang akong kaminyoon, dili ka na molabaw sa uban.

Ang Biblia 2011

⁴ Dili mahimutang sama sa tubig; dili ikaw mahimong pangulo, kay misaka ikaw sa higdaanan sa imong amahan, unya gihugawan nimo kini, gisaka nimo ang akong higdaanan.

Maayong Balita Biblia

⁴ Sama ka sa mapintas nga baha apan dili ka mahimong labing gamhanan kay nakighilawas ka man sa usa sa mga asawa sa imong amahan. Gibulingan mo ang akong kaminyoon.

Ang Bag-ong Maayong Balita Biblia

⁴ Sama ka sa mapintas nga baha apan dili ka mahimong labing gamhanan kay nakighilawas ka man sa usa sa mga asawa sa imong amahan. Gibulingan mo ang akong kaminyoon.

Genesis 49:4 Cross References

Genesis 35:22

Samtang didto pa nagpuyo si Jacob, nakigdulog si Ruben kang Bilha nga usa sa mga asawa sa iyang amahan. Sa dihang nahibaloan kadto ni Jacob nasuko siya pag-ayo. Adunay 12 ka mga anak nga lalaki si Jacob.

Genesis 46:8

Mao kini ang mga ngalan sa mga kaliwat nga lalaki ni Israel (nga mao usab si Jacob) nga miadto sa Ehipto: Si Ruben nga kamagulangang anak ni Jacob,

1 Cronicas 5:1

Si Ruben mao ang kamagulangan nga anak ni Israel. Apan tungod kay nakipaghilawas si Ruben sa usa sa mga asawa sa iyang amahan, ang iyang katungod isip kamagulangan gihatag ngadto sa mga anak sa iyang igsoon nga si Jose. Busa wala ilista si Ruben sa listahan sa ilang mga kaliwat ingon nga kamagulangan nga anak.

1 Mga Taga-Corinto 5:1

Aduna koy nadunggan nga diha kaninyo adunay nakighilawas sa asawa sa iyang amahan. Kini mas ngil-ad pa kaysa gibuhat sa mga wala moila sa Dios, kay wala man gani sila magbuhat sa ingon.

Deuteronomio 27:20

“Tinunglo ang tawo nga makighilawas sa asawa sa iyang amahan, kay gipakaulawan niya ang iyang amahan.” Motubag dayon ang tanang mga tawo, “Amen!”

Deuteronomio 33:6

Mao kini ang giingon ni Moises bahin sa tribo ni Ruben, “Hinaut nga dili mawala ang mga kaliwat ni Ruben bisan gamay lang sila.”

Deuteronomio 5:21

Ayaw kamo kaibog sa asawa sa inyong isigka-tawo o sa iyang balay, yuta, mga sulugoon, mga kahayopan, o sa bisan unsa nga anaa kaniya.’

2 Pedro 2:14

Kon motan-aw sila sa mga babaye maghuna-huna dayon sila sa pagpamaye. Wala sila pul-i sa pagpakasala ug gitintal pa gayod nila ang mga huyang sa pagtuo aron magpakasala. Nabatasan na nila ang pagkahakog. Tinunglo na sila sa Dios!

2 Pedro 3:16

Ug mao usab kini ang iyang gihisgotan sa tanan niya nga mga sulat. Hinuon adunay mga lisod sabton sa iyang mga sinulat. Busa adunay mga tawo nga huyang sa pagtuo ug wala masayod sa kamatuoran nga naghatag ug sayop nga kahulogan niining mga sinulat ni Pablo. Ug mao usab kini ang ilang gibuhat sa uban nga bahin sa Kasulatan. Busa sila mismo ang nagdala ug kalaglagan sa ilang kaugalingon.