Genesis 48:9 - Ang Pulong sa Dios

⁹ Mitubag si Jose, “Sila ang akong mga anak nga gihatag kanako sa Dios dinhi sa Ehipto.” Unya miingon si Israel, “Dad-a sila palihog dinhi kanako aron mapanalanginan ko sila.”

Ang Biblia 2011

⁹ Ug si Jose miingon sa iyang amahan, “Sila ang akong mga anak nga gihatag sa Dios kanako dinhi.” Ug siya miingon, “Palihog, paduola sila karon kanako ug panalanginan nako sila.”

Maayong Balita Biblia

⁹ Mitubag si Jose, “Kini ang mga anak nga gihatag sa Dios kanako dinhi sa Ehipto.” Miingon si Jacob, “Dad-a sila diri duol kanako kay panalanginan ko sila.”

Ang Bag-ong Maayong Balita Biblia

⁹ Mitubag si Jose, “Kini ang mga anak nga gihatag sa Dios kanako dinhi sa Ehipto.” Miingon si Jacob, “Dad-a sila diri duol kanako kay panalanginan ko sila.”

Genesis 48:9 Cross References

Genesis 27:4

Unya, lutoi ako sa lamiang pagkaon nga akong paborito ug dad-a kini kanako aron akong kan-on ug pagkahuman, panalanginan ka nako sa dili pa ako mamatay.”

Genesis 30:2

Nasuko si Jacob ug miingon kaniya, “Ngano, Dios ba ako? Siya ang nagbuot nga dili ka makaanak.”

Genesis 33:5

Sa dihang nakita ni Esau ang mga babaye ug ang mga kabataan gipangutana niya si Jacob, “Kinsa kanang mga kauban mo?” Mitubag si Jacob, “Sila ang mga anak nga gihatag sa Dios kanako tungod sa iyang kaayo.”

Genesis 49:28

Mao kini sila ang 12 ka anak ni Jacob nga kagikan sa mga tribo sa Israel. Ug mao kadto ang gisulti ni Jacob sa matag-usa kanila sa dihang gipanalanginan niya sila. Gipanalanginan niya sila sa panalangin nga angay kanila.

1 Cronicas 25:5

Silang tanan mga anak ni Heman, nga propeta sa hari. Gipasidunggan siya sa Dios pinaagi sa paghatag kaniya ug 14 ka mga anak nga lalaki ug tulo ka mga anak nga babaye, sumala sa gisaad sa Dios kaniya.

Salmo 127:3

Ang mga anak gasa ug panalangin gikan sa Ginoo.

Isaias 8:18

Nia ako ug ang mga anak nga gihatag sa Ginoo kanako, mga timailhan alang sa Israel gikan sa Ginoo nga Makagagahom nga nagpuyo sa Bukid sa Zion.

Deuteronomio 33:1

Mao kini ang bendisyon nga gisulti ni Moises nga alagad sa Dios sa mga Israelinhon sa wala pa siya mamatay.

Mga Hebreo 11:21

Tungod sa pagtuo, sa dihang hapit na mamatay si Jacob, gipanalanginan niya ang iyang mga apo nga anak ni Jose. Ug misimba siya sa Dios samtang nag-akbo sa iyang sungkod.

1 Samuel 1:20

Ug wala madugay nagmabdos siya, ug nanganak ug usa ka batang lalaki. Ginganlan niya kinig Samuel, kay miingon siya, “Pinangayo ko siya sa Ginoo.”

1 Samuel 1:27

Gipangayo ko kining bataa gikan sa Ginoo ug gihatag niya ang akong gipangayo.