Genesis 48:16 - Ang Pulong sa Dios

¹⁶ Ug hinaut nga panalanginan usab sila sa Anghel nga nagluwas kanako gikan sa tanan nga katalagman. Hinaut nga mahinumdoman ako ug ang akong katigulangan nga si Abraham ug si Isaac pinaagi kanila. Ug hinaut nga mosanay sila sa kalibotan.”

Ang Biblia 2011

¹⁶ ang anghel nga nagluwas kanako gikan sa tanan nga kadaotan, magpanalangin niining mga batan-on, ug diha kanila ang akong ngalan magpadayon ug ang ngalan sa akong mga ginikanan nga si Abraham ug si Isaac, ug magpadaghan kanila sa hilabihan gayod sa taliwala sa yuta.”

Maayong Balita Biblia

¹⁶ Ang anghel nga nagluwas kanako sa tanang katalagman manalangin unta kanila. Ang akong ngalan ug ang ngalan sa akong mga katigulangan nga si Abraham ug si Isaac magpabilin untang buhi pinaagi kanila. Mosanay unta sila ug mahimong dakong nasod.”

Ang Bag-ong Maayong Balita Biblia

¹⁶ Ang anghel nga nagluwas kanako sa tanang katalagman manalangin unta kanila. Ang akong ngalan ug ang ngalan sa akong mga katigulangan nga si Abraham ug si Isaac magpabilin untang buhi pinaagi kanila. Mosanay unta sila ug mahimong dakong nasod.”

Genesis 48:16 Cross References

Genesis 22:11

gitawag siya sa anghel sa Ginoo gikan sa langit, “Abraham! Abraham!” Mitubag si Abraham, “Ania ko.”

Genesis 22:15

Sa ikaduhang higayon, mitawag kang Abraham ang anghel sa Ginoo gikan sa langit.

Genesis 32:28

Unya miingon ang tawo, “Sukad karon dili na Jacob ang imong ngalan kondili Israel na tungod kay nakigbisog ka sa Dios ug sa tawo, ug midaog ka.”

Genesis 46:3

Unya miingon ang Dios, “Ako ang Dios, nga mao ang Dios sa imong amahan. Ayaw kahadlok nga moadto sa Ehipto, kay himuon ko kamo didto nga usa ka dako nga nasod.

Genesis 48:5

“Ang duha mo ka anak nga si Efraim ug si Manases, nga natawo dinhi sa Ehipto sa wala pa ako moabot, ilhon ko nga akong mga anak, nga sama kanila ni Ruben ug Simeon.

Genesis 49:22

“Ikaw Jose, sama ka sa maidlas nga asno nga anaa daplin sa tuboran o sa bakilid.

2 Samuel 4:9

Mitubag si David kanila, “Isulti ko kaninyo ang tinuod atubangan sa buhi nga Ginoo nga nagluwas kanako sa tanan nga katalagman.

1 Mga Hari 1:29

Unya nanumpa si Haring David, “Ipanumpa ko sa buhi nga Ginoo, nga nagluwas kanako sa tanang katalagman,

2 Cronicas 7:14

ug unya magpaubos sa ilang kaugalingon ang katawhan nga akong gipili, mag-ampo, modangop kanako, ug mobiya sa ilang daotang mga binuhatan, mamati ako sa langit ug pasayloon ko ang ilang sala, ug unya panalanginan ko pag-usab ang ilang yuta.

Salmo 121:7

Tipigan ka sa Ginoo gikan sa tanang katalagman; ampingan niya ang imong kinabuhi.

Salmo 34:2

Pasidunggan ko ang  Ginoo tungod sa iyang mga binuhatan, ug hinaut nga ang mga dinaog-daog mamati ug malipay.

Salmo 34:22

Luwason sa Ginoo ang nag-alagad kaniya. Ang tanan nga modangop kaniya dili silotan.

Salmo 34:7

Ang anghel sa Ginoo nagbantay sa mga nagtahod sa Ginoo, ug moluwas kanila sa katalagman.

Salmo 34:8

Sulayi ninyo ug inyong makita kon unsa kamaayo ang  Ginoo. Bulahan ang tawo nga nagdangop kaniya.

Exodo 1:7

apan paspas kaayo nga midaghan ang kaliwat sa mga Israelinhon. Busa nalukop ang Ehipto sa ilang kadaghan.

Isaias 47:4

Ang atong Manluluwas, kansang ngalan Ginoo nga Makagagahom, mao ang Balaang Dios sa Israel.

Isaias 63:9

Sa tanan nilang mga pag-antos, nag-antos usab siya, ug giluwas niya sila pinaagi sa anghel nga nagpadayag sa iyang presensya. Tungod sa iyang gugma ug kaluoy giluwas niya sila; giatiman niya sila sa tanang adlaw niadtong unang panahon.

Jeremias 14:9

Nganong nahingangha ka nga daw sundalo nga walay katakos sa pagluwas? Ania ka uban kanamo, O Ginoo, ug imo kaming katawhan. Busa ayaw kamig talikdi.”

Jeremias 15:21

Luwason ka nako gikan sa kamot sa daotan ug bangis nga mga tawo.”

Amos 9:12

aron masakop sa mga Israelinhon ang nabilin nga yuta sa Edom ug ang uban pang mga nasod nga akong gipanag-iya. Gisulti kini sa  Ginoo, ug buhaton gayod niya kini.”

Malaquias 3:1

Pamati kamo sa giingon sa Ginoo nga Makagagahom, “Ipadala ko ang akong mensahero sa pag-andam sa akong agianan. Unya ang Ginoo nga inyong gipaabot kalit lang nga moabot diha sa iyang templo. Moabot ang inyong gipangandoy nga mensahero nga mopatigayon sa akong kasabotan.”

Numeros 1:46

Sa kinatibuk-an, mikabat ug 603,550 ang ilang gidaghanon.

Mateo 6:13

Ayaw itugot nga madaog kami sa mga pagsulay, hinuon luwasa kami gikan kang Satanas. [Kay imo ang gingharian ug ang gahom, ug ang himaya sa walay kataposan. Amen.]’

Juan 17:15

Dili ako mag-ampo nga kuhaon mo na sila dinhi sa kalibotan, kondili panalipdan mo sila batok kang Satanas.

Mga Buhat 15:17

aron pangitaon ako sa ubang mga tawo, lakip ang tanang mga dili Judio nga akong gitawag nga akong katawhan. Ako, ang Ginoo, maoy nagsulti niini,’

Roma 8:23

Bisan kita nga nakadawat sa Espiritu nga mao ang una nga gasa sa Dios nag-agulo usab sa kasakit samtang nagpaabot kita sa adlaw nga ang atong mga lawas bag-ohon sa Dios ug mahingpit ang atong katungod isip iyang mga anak.

1 Mga Taga-Corinto 10:4

Ug silang tanan miinom sa samang balaang tubig nga iyang gihatag, kay nanginom sila sa tubig nga gikan sa Bato nga gipatubod sa Dios. Kadtong Bato nga nag-uban-uban kanila mao si Cristo mismo.

1 Mga Taga-Corinto 10:9

Dili usab nato sundon ang uban kanila nga mihimo sa pagsulay sa Ginoo, maong gipapaak niya sila sa mga halas ug nangamatay sila.

Deuteronomio 28:10

Unya ang tanang katawhan sa kalibotan makahibalo nga gipili kamo sa Ginoo, ug mahadlok sila kaninyo.

Deuteronomio 33:17

Ang iyang kusog sama sa kusog sa kamagulangang torong baka. Ang iyang gahom sama sa gahom sa sungay sa ihalas nga baka. Pinaagi niini laglagon niya ang mga nasod bisan kadtong atua sa layo. Mao kini ang akong panalangin sa daghang mga katawhan sa Efraim ug Manases.”

2 Timoteo 4:18

Ug nasayran ko nga luwason pa gayod ako sa Ginoo gikan sa tanan nga kadaotan, ug dili ako maunsa hangtod sa panahon nga dad-on niya ako sa iyang gingharian sa langit. Dalaygon siya sa walay kataposan. Amen!

Tito 2:14

Gitugyan niya ang iyang kaugalingon aron maluwas kita gikan sa tanan natong mga sala, ug aron mahimo kitang iyang katawhan, nga hinlo ug madasigon gayod sa pagbuhat ug maayo.

Mga Hebreo 11:21

Tungod sa pagtuo, sa dihang hapit na mamatay si Jacob, gipanalanginan niya ang iyang mga apo nga anak ni Jose. Ug misimba siya sa Dios samtang nag-akbo sa iyang sungkod.

Josue 17:17

Mitubag pag-usab si Josue ngadto sa mga tribo ni Efraim ug Manases nga kaliwat ni Jose, “Tungod kay daghan kaayo kamo ug labihan kagamhanan, dili lang kay usa ang inyong bahin,