Genesis 47:9 - Ang Pulong sa Dios

⁹ Mitubag siya, “130 ka tuig na ako. Mubo ug lisod ang akong kinabuhi. Dili kini sama kataas sa kinabuhi sa akong mga katigulangan.”

Ang Biblia 2011

⁹ Si Jacob mitubag sa Paraon, “Ang mga adlaw sa mga tuig sa akong pagpanaw, 130 ka tuig. Diyotay ug lisod ang mga adlaw sa mga tuig sa akong kinabuhi ug kini wala makaabot sa mga adlaw sa mga tuig sa akong katigulangan, sa mga adlaw sa ilang pagpanaw.”

Maayong Balita Biblia

⁹ Si Jacob mitubag, “130 ka tuig ang akong paglangyaw-langyaw. Mubo ra ug lisod ang akong kinabuhi, lahi sa kinabuhi sa akong mga katigulangan sa ilang panahon.”

Ang Bag-ong Maayong Balita Biblia

⁹ Si Jacob mitubag, “130 ka tuig ang akong paglangyaw-langyaw. Mubo ra ug lisod ang akong kinabuhi, lahi sa kinabuhi sa akong mga katigulangan sa ilang panahon.”

Genesis 47:9 Cross References

Genesis 11:11

Human matawo si Arfaxad, nabuhi pa gayod si Sem ug 500 ka tuig ug nadugangan pa ang iyang mga anak.

Genesis 35:28

Nagkinabuhi si Isaac ug 180 ka tuig.

Genesis 47:28

Mipuyo si Jacob sa Ehipto sulod sa 17 ka tuig; nagkinabuhi siya hangtod sa edad nga 147 ka tuig.

Genesis 47:8

ug gipangutana siya niini, “Pila na ang imong edad?”

Genesis 5:27

Namatay siya sa edad nga 969.

Genesis 50:26

Namatay si Jose didto sa Ehipto sa edad nga 110 ka tuig. Gibalsamar siya ug gisulod sa lungon.

1 Cronicas 29:15

Nasayod ikaw nga lumalabay lang kami dinhi sa kalibotan sama sa among mga katigulangan. Ang among kinabuhi dinhi sa kalibotan sama lang sa landong nga lumalabay lamang.

Job 14:1

“Mubo rag kinabuhi ang tawo ug puno kini sa kalisod.

Salmo 119:19

Lumalabay lamang ako niining kalibotana, busa ipadayag kanako ang imong mga sugo.

Salmo 119:54

Mag-awit ako mahitungod sa imong mga tulomanon bisan asa ako magpuyo.

Salmo 39:12

Tubaga ang akong pag-ampo, Ginoo; pamatia ang akong pagpangayo ug tabang. Ayaw pagpakabungol sa akong paghilak. Kay usa lang ako ka dumuduong, usa ka estranghero nga molabay ra sama sa tanan kong mga katigulangan.

Salmo 39:13

Ayaw na kasuko kanako, aron magmalipayon usab ako sa dili pa ako mamatay.

Salmo 39:5

Pagkamubo sa kinabuhi nga gihatag mo kanako. Baliwala lang kini sa imong panan-aw. Sa pagkatinuod, ang kinabuhi sa tawo sama sa hangin nga molabay lang,

Exodo 6:4

Naghimo ako ug kasabotan uban kanila, nga ihatag ko kanila ang yuta sa Canaan diin sila nagpuyo ingon nga mga dumuduong.

Exodo 7:7

Nag-edad si Moises ug 80 ka tuig ug si Aaron 83 sa dihang nakigsulti sila sa hari sa Ehipto.

2 Mga Taga-Corinto 5:6

Busa dili kita magmaluya bisan nasayran nato nga samtang ania pa kita niini nga lawas layo kita sa puloy-anan sa Ginoo.

Deuteronomio 34:7

Nagpanuigon si Moises ug 120 ka tuig sa dihang namatay siya, apan kusgan pa gihapon siya, ug maayo pa ang iyang panan-aw.

Mga Hebreo 13:14

Kay wala kitay permanente nga lungsod dinhi sa kalibotan, kondili naghulat kita sa permanente nga lungsod nga umaabot.

Santiago 4:14

Ang tinuod, wala gani kamo masayod kon unsa ang mahitabo kaninyo ugma. Kay ang atong kinabuhi sama lang sa gabon nga makita karon, ug sa dili madugay mawala.

Josue 24:29

Human niadto, namatay ang alagad sa Ginoo nga si Josue nga anak ni Nun sa edad nga 110.

1 Pedro 2:11

Mga hinigugma, ang kalibotan dili ninyo tinuod nga puloy-anan. Mga dumuduong lang kamo dinhi. Busa nagpakiluoy ako kaninyo nga biyaan ninyo ang daotan nga mga tinguha sa inyong lawas nga nagsupak sa inyong espiritu.